الحب فى زمن الكوليرا

[ابو نصير]

احبك ياض لما تكون عجوز
ومكحكح ورياضى
وتدينى معاد الساعه 7 الصبح
جنب سور النادى
ونقعد قاعده على الرصيف ونضرب
طبقين كوارع ونحبس بحجرين شيشه
ونحلى بالزبادى

واحكيلك عن اللى فى قلبى وسكاتى
وافكرك زمان لما كنت ابو الشباب وفلاتى
وكنت بتلاعب القرود وتدلعنى انا وحماتى

وهى ديه حاجه تتنسى
ياحته زفره فى حياتى
وفكره لما كنت أصفرك من البلكونه
ولما مترديش احدفك بالفول الحراتى

واخدك على الترعه وافسحك
وادلعك واعمل خمسات بمحراتى
وفى الليل أركبك على رجل الجحش والف بيكى
القريه واضرب عود قصب واعملك مغنواتى

ايامك كانت حلو يابن المضروبه
وخلتنى عانس وكركوبه
بس الدهن فى العتائى وانا
لسه بخيرى وقرعه ولهلوبه
والزمن دهولنى بس لسه بردو
بت صغيره زى العصفوره


ياوليه عيب عليكى انتى كلتك العته
ووكلاكى البرومه
ولسه قايما من تحت الانقاض
وطلعوكى بسلبه وشومه

انتى بتعيرنى بو نصير علشان بحبك
مانتى كمان شكلك بقى عامل
زى القلقاسه اللى من غير ليمونه

انا مقدرش استغنى عنك ولا استغنى
عن الفرقعه والجنونه
واللى عاوز يجوزك يغمى عنيه
ويعصر على نفسه لمونه
ابو نصير

[ايمان طلعت]

تسلم على الشعر الرومانسي المؤثر دة

والله انت دماغ كبيرة
زي القلقاس كدة

[حازم34]

هو دا الحب ولا بلاش الحب في زمن البلاص


كلام جميل اكلام جميل تتعلم منه الحبيبه


حب ولا في الاحلام بين مصيب ومصيبه


ابدعت انت في الكلام والله قلم ما شاء الله تمام



انت مبدع وقلم جميل


وخوزعبلايه جامده خالص هههههههههههه



تسلم والله

[shery]

هههههههههههههه
لا جميله جدا

[مارد الغضب]

يخرب عقلك يا ابو نصير
انت فنان والله
وهلكتني من الضحك انا
و ابويا وامي واخواتي
وخاصة لما بتعمل خمسات بمحراتك
حتي ابويا قال معلقا - وهو قليل الكلام جدا-
د ايه المحرات الهامر ده
اضحك الله سنك
.
بس علي فكرة
عبقريتك تتجلي بوضوح لاختيارك للعنوان
فأنا قرأت رواية الحب في زمن الكوليرا
وهي بالفعل بين رجل عجوز وامراة عجوزة
تحياتي لسموك

[ماجد الهيتي]

سعدت جداً بتواجدي بين طيآت متصفحك الرائع ..

فشكراً لسموكـ من الاعمآق على هذا المتصفح العطر ..


وبإنتظآر جديدكـ بكل شووق ..


أسعدكـ البآري ..

[ابو نصير]

اقتباس المشاركة الأصلية كتبت بواسطة ماجد الهيتي سعدت جداً بتواجدي بين طيآت متصفحك الرائع .. فشكراً لسموكـ من الاعمآق على هذا المتصفح العطر .. وبإنتظآر جديدكـ بكل شووق .. أسعدكـ البآري ..

ارق التحايا
لشخصك الكريم
ابو نصير