من غير آهات

[العندليب الاسـمر]

[URL="http://banatmisr.com/up3/"] حطيت ايدية في الجيوب لقيت حاجات ملهاش حاجات وحاجات كتير مشفتهاش وفضلت افتش في الساعات عشان ساعات بيكون هناك ساعات كتير معشتهاش ساعات فرح للكل يمكن لكنّها بالنسبة ليا عمّال بتعصر في اللي فات وتروح لمين وتقول يا مين يحس بيه وقت ما ترف العينين وتجيب اخرها من سُكات ساعات صفا وقت الدفا والقلب طاير م الوفا تلقي الخيانة عمال بتجرح في الحاجات وساعات كتير بحس اني زي طير مجروح ولكن .. راح يطير ويلف يرجع للبيات يا ناس قولولي لية كل دا وزمانا لية بالشكل دة هوة يعني كتير علينا نعيش يومين من غير آهات بقلمي : حسن سلامة

[فداااااااااااء]

هى دى الحياة أغلبها معاناة
سلمت اخى العندليب
جميل هو بوحك اخى
دام نبضك

[مارد الغضب]

عالم سحري انتقلت اليه بمجرد دخولي
في سراديب كلماتك
ما اشهي هذه الوجبة الدسمة
من العامية المحترمة
ذات اللغة العذبة
تحياتي الخاصة جدا ايها العندليب
الرائع

[ندوشه 2011]

ايه دا يا عم العندليب تخونوا وعمره ماخانكم ولا اشتكي منكم قشطه يا حولم وبالنسبه للساعات سلفي واحده ههههه ياعم فوكك ماحدش واخد منها حاجه

[السفيره عزيزه]

لا خالص .من حقك تعيش كل ايامك فى هنا
السنة دي وبعد السنة
بس ما انت عارف ان دا حال الدنا
تشيل وتحط فينا ولما تحن وتنادينا
ومن فرحها فرحة وحدة تدينا .
ويدوب نعرف نغمض عنينة فى لحظ
تلاقيها قلبت علينا.
ما هي دنيا وربنا قال وما ضحك علينا
قال اصبروا بس شوية.ولما ترجعوا
هنا لية .هعوض ال كانوا ضحية وليهم عندي
اغلي هدية وتشوفوا الناس ال هي
وتعيشوا معاهم العيشة الابدية.
اما هنا .فمفتكرش الدنيا فيها الف وحش
بيسرق منا السعات وكل حاجة والمحتجات
ويحن ويسيب لنا الفتات.
ويقول .بس .بس .اخرصوا ويلا سكات.

سلمت ايامك ولياليك وكل لحظاتك سيدي
ورزقت الهدوووء والسكينة وحفظ الرحمن

تحياتى وجل احترامي