دلعينى ياماما (مسابقه(

ابو نصير · منذ /03-22-2016, 10:01 PM

منوارين يا أمهات العالم وأمهات المتدى كل سنه وانتم طيبين وربنا يكرمكم جميعا ويرزقككم بالصحه
والعافيه وربنا يكتر من عيالكم علشان الهدايه تكتر وربنا يذيد ويبارك ويدوم الموده .........

الصبح بدرى لبست الحته الزفره بعد فطارى المقدس مسمار البطن والعقل طبق البصاره وحزمة البصل على
فحلين فجل علشان الواحد يقدر يقف على حيله من تعب اليوم ...

توكلت عليك يارب واجعل يومى نادى وطريه زى الزبادى بفتح الباب علطول فى وشى.. سوسو منجفسه
وتوتو الأعمش.. وعزيز بيه قوالح ..ومعاهم العمده الكبير..عبده رطروط .. صباح الفل بو نصير .. يافتاح ياعليم على الوشوش المدخمسه والعيون المدعمسه..

ياصبح ملهوش نهار من أوله ..... انت رايح فين بو نصير ومتشيك كده ... يعنى رايح فين ياعيال ياسيس
رايح يعنى جنينة الحيوانات أرقص مع القرود ... طول عمرك دمك خفيف يامضروب متنساش وانتى جاى
من الجونينه تجبلنا 2 كيلو موز على نص فول سودانى ولا مدامس علشان النسناس اللى عندى
هها ها ها ها هووووووووووووووووووووووووو

مخدتش فى بالى وعلى المعاد .. صباح الكل ياست الكل .. انا بو نصير اللى اتصلت بيكى بخصوص الوظيفه
الجديده ...وده الأبلكيشن بتاعى وفيه كل المواصفات ... حنين على الوسط يا أستك ... صابور .. وجسور
ويتمتع بالفكاهه والتسليه .. ممكن اعمل أرجوز لسعادتهم .. سريع الحركه عفريت ابن جن يعنى .. لهلوبه ..
وحاصل على جائزة الطفل فى عالم البمبرز .. وجائزة الماما من عند أوباما فى تغير الكفوله.. طبعا فى موشكله .. ايه موشكلتك بو نصير .. انا مكسوف

ويادى الكسوف صدرى مقطوع عنه اللبن النيدو ياختى وهمو متجمد ومقلقع زى القلقاس اكتر من 20 سنه .. هو ده المطلوب .. بس انا خايف العيال يجيلهم اناميه ولا كساح من نقص الكالسيوم ...طول عمرك قلبك حنين .. هو ده قلب الأم ..
انت عارف بو نصير الراتب كام ... انا افديهم بعنيه دولين حته منى .. عاملين زى البت سنيه حته واحده
مين ديه بو نصير البت سنيه حته واحد ولا حتتين ... كنت حاطط قدامى كيس شبسى من بتوع العيال
جت البت سنيه حته واحده ولهطة الكيس على بؤها مره واحده وكنت جوعان ... ضربتها على دماغها
بحديده لقيت راسها متفشفشه فى كل حته وناحيه .. ماتت .. لاء .. ايه اللى حصلها ..نامت مقامتش

قبل مادخل استلم الوظيفه اللى بحلم بيها .. دخلو عليا شلة الانس .. سوسو بيه منجفسه ..والباشا توتو الاعمش..والأكسلنس عزيز بيه قوالح ... والمدب عبده رطروط ... اتفجئت بيهم واتخضيت وحسيت شكلى
بقى وحش .. متكسفش بو نصير احنا شغلين هنا من سنين أمهات بديلات وهتنبسط معانا

ابو نصير
من الصدمه
اغشى عليه

αЛαstoOorα · منذ /03-23-2016, 12:43 PM

ههههههههه
بترقص مع القرود ياابو نصيرااا
آنت مشكلة ف مواضيعك آقسم بالله
بتعجبني لما تكون رايق بعيد عن السياسة ^^
الله ينور يا نجم

ابو نصير · منذ /03-24-2016, 06:46 AM

اقتباس

المشاركة الأصلية كتبت بواسطة єЛ- мiлshαwi


	ههههههههه بترقص مع القرود ياابو نصيرااا آنت مشكلة ف مواضيعك آقسم بالله بتعجبني لما تكون رايق بعيد عن السياسة ^^ الله ينور يا نجم

احبك يامنش لما تكون رايق تنور المنتدى والدنيا ياعمونا
ابو نصير
دام تواجدك
ارق التحايا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نتيجه مسابقه اجمل مسابقه عالميه..	انا دنيته وهو حياتى	الازياء الاناقة - ملابس شتوية - ملابس صيفية - اناقة - ازياء	12	10-19-2014 10:09 AM
دلعيني ياصبيه	براءة حلم	عالم الرجل - ازياء - موضه - ماركات	105	11-08-2012 10:13 PM
ميوهات لاحلى البنوتات ..مادلعينى ياماما	فرحة	عالم الطفل	10	06-22-2012 12:24 PM
اهدى الاغنية دى للمامتك فى عي الام شكرا ياماما لاحمد مكى	coralin	يوتيوب - موقع يوتيوب - يوتيوب فيديو - مقاطع يوتيوب	2	03-21-2011 07:03 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

دلعينى ياماما (مسابقه(

خزعبلات الأعضاء