اساسيات تعلم السويتش ماكس للمبتداين

[fanaa]

بسم الله الرحمن الرحيم
هنعرف النهارده ان شاء الله أدوات الفلاش وازاى نستخدمها
طبعا لما يكون عندنا علم بكل كائن موجود بالبرنامج وعارفين هو بيستخدم فى ايه فدا هيخلينا نتعامل اسهل وخاصه المبتدأين
اولا حاجه
أداه التحديد arrow
والاداه دى خاصه بتحديد الاشكال المرسومه ع مسرح العمل
ومسرح العمل دا طبعا المساحه الواسعه الا بنشتغل عليها
أداه تحديد المكونات sub selection
ودى اداه بتستخدم فى تحديد المكونات
نوضع يعنى مثلا كل شكل ليه مكونات نفرض اننا عملنا مربع المربع دى ليه مكونات والا هما الاربع اضلاع فالاداه دى نقدر نتحكم فى تحديد كل مكون
اداه الخط line
وهى اداه بتستخدم بعمل اى خط بنقطتين زى الخط المستقيم كدا
أداه التحديد lasso
ودى اداه بتحدد الشيئ المعقد او نقدر نقول تحديد حر ع حسب المستخدم
أداه القلم pen
بالاداه دى ممكن نرسم الاشكال عن طريق النقط وتعتبر الاداه دى فى بعض مراحل التصميم مختصه بتغير الاشكال عن طريق حذف وزياده نقطه فى المكون
بمعنى مثلا انا رسمت مربع وليه زى ماقولت اربع مكونات عن طريق الاداه دى لو حذفت نقطه من المربع يتحول مثلث لو رجعتها تانى يرجع الشكل وهكذا
اداه النصوص text
وطبعا دى لكتابه النص
أداه الشكل البيضاوى oval
ودى عشان لو حبينا نعمل شكل بيضاوى ع التصميم او دائره
اداه المستطيل rect angle
ودى لرسم المستطيلات او المربعات
أداه الرسم الحر pencil
الاداه دى بقى عكس الاداه الا هى pen السابق ذكرها
نقدر نقول ان البنسيل اداه حره فى الرسم مش مقيده باى نقط
الاداه brush
ودى لملى الاشكال المرسومه بالالوان
اداه تحكم الابعاد free trancform
وطبعا دى بتتحكم بالشكل يأما بتكبيره او تصغيره او قلب الشكل عن طريق الزاويه rotate

فى اداه مش هذكرها دلوقت لان ليها وقتها واستخدمات عاليه اوى فى تصميم المقاطع الكرتونيه الا باذن الله هعمل عليها دروس وهى سهله جدا بس كل الحكايه محتاجه فهم وتدريب مش اكتر وطبعا ادوات تعبئه اللون والاستيكه مظنش يعنى محدش مش عارفهم


تانى حاجه معانا هى الطبقات layer
ايه هى بقى دى تعتبر كيان العمل هى الاساس بمعنى اصح وبتتكون من عدة اطارات frame
التعامل معاها سهل جدا وبسيط
يعنى لو حابين مثلا نغير اسم لير العمل بالفاره ونضغط ضغط مذدوج وهنلاقى الطبقه نفسها بقت شبه التيكست نقدر نكتب الا احنا عوزينو
ولو عاوزين مثلا نعمل طبقه تانيه مع الاولى يبقى نروح لقائمه insert ونختار منهاادخال طبقه جديده
او نضغط بزر الماوس ضغطه واحده هيظهر لينا اختيارات منها layer
طب ازاى نعمل طبقه قناع mask
برضو نضغط ع الزر الايمن مره ومن الاختيارات الا هتظهر نختار ماسك
طب عشان لو محدش فاهم يعنى ايه قناع
يعنى مسرح العمل الا هنشتغل عليه مش هيظهر منو اى حاجه غير بس الا الشيئ الا مغطيه القناع وهيبان دا فى الاجاى ان شاء الله
تانى حاجه معانا فى الطبقات هى الطبقه المرشده للحركهadd motionguide
يعنى ايه بقى الطبقه دى بصو ومن الاخر الطبقه دى هى الابتحدد مسار حركه الجسم سواء كان فى خط متعرج او مستقيم
الطبقه المرشده layer guide
طبعا دى نقدر نختارها زى الطبقه المرشده للحركه ضغطه ع زر الماوس الايمن ونختار guide طب الطبقه دى لزمتها ايه
نقدر نقول ان الطبقه دى تقدر تنفذ كل حاجه ع مسرح العمل بحيث ان مفيش حاجه هتظهر الا بالضغط على كنترول واينتر وفيما بعد هنفهما
ان شاء الله المره الجايه هيكون معانا شرح للأطارات والاشكال وهنتعلم ازاى نستخدم خدع الاشكال فى التيكست بطرق بسيطه جداً
الدرس مجهود شخصى حصرى لمنتديات بنات مصر
aya yousef

[الأميرة رودي]

اساسيات مهمه فعلا للمبتدئين
مجموعه دروس هايله تسلمي بجد ياقمر
فى انتظار جديدك المميز دايما

5 نجــوم

[مارد الغضب]

طيب اديني معلومات الاول عن السويتش ماكس
وايه استخداماته
انا مليش في الموضوع خالص بس موضوعك شدني
وحاسس اني ممكن اتعلم
تحياتي لسموك

[fanaa]

تسلميلى رودى نورتينى حبيبتى

[fanaa]

اقتباس المشاركة الأصلية كتبت بواسطة مارد الغضب طيب اديني معلومات الاول عن السويتش ماكس وايه استخداماته انا مليش في الموضوع خالص بس موضوعك شدني وحاسس اني ممكن اتعلم تحياتي لسموك

السويتش ماكس دا برنامج لصناعه الفلاش ومنها التواقيع الا تقريبا بتشوفها ع المنتدى
والاعلانات الا بتشوفها ع جوجل
ممكن نعمل منو افلام كرتونيه بسيطه
او نقدر نعمل مونتاج خاصه انو بيوفرلك خدمه حفظ العمل بصيغه الفيديو
وكمان الصور المتحركه
وكمان تقدر تبرمج عليه برامج كتير زى انك تعمل اله حاسبه او تصميم رسالات الترحيب بالمنتدى وغيرووو
واجمل ما فيه ان الاسكربت بتاعو مقارب للغه الجافا يعنى بسيط وسهل
هو برنامج سهل جدا ولو اشتغلت عليه مره هتحبه

[.Lamar]

شكلك هترجعينى اشتغل سويتش تانى يا فناء

شرح مميز

و يا ريت تشتغلى على سويش ماكس ٤

[fanaa]

اقتباس المشاركة الأصلية كتبت بواسطة خالد ابن الوليد شكلك هترجعينى اشتغل سويتش تانى يا فناء شرح مميز و يا ريت تشتغلى على سويش ماكس ٤

عندى الاصدار الرابع وبشتغل عليه وبعدين هو مفرقش عن التانى فى كتير
وارجعى اشتغلى تانى يالموره