يادوب ساعتين

[الأميرة رودي]

أنا إتمنيت أموت ساعتين
يدوب ساعتين "" وأرجع تاني للدنيا ""
واشوف مين ال ودعني بدمع العين
ومين كان باكي على موتي وقلبه حزين
ومين على قبري كان واقف ومش شايف
ومن حزنه انا خايف تروح العين ..

,, يادوب ساعتين ,,
هتكشف كل ملامحهم ومين كداب ومين خاين
ومين باقي على صحبه ومين شكله كان باين بأنه حزين..

يادوب ساعتين,,

أمنيــه..
25/3

[جبل عالي]

فضفضه جائت في وقتها والله يارودي

شوفي ياقلبي مع الوقت مفروض نتعلم ونتأكد
ان مهما كان عدد اللي فاكرينا ولا اللي ناسينا

مش هتفرق كتير ويمكن كمان مش مهم ابدا
المهم نقدر نستغل الباقي من عمرنا

نقدر نجمع اكبر حصيله تخلينا نمشي منها واحنا كسبانين


ربي يسعد قلبك حبيبتي ويوهبك الرضا والرضوان

[شاعرة الرومانسيه]

عارفه يا ساره دى أمنيه عندى أنا كمان

هو مين فاكرنا اصلا واحنا عايشين

عشان نطلب منهم يفتكرونا واحنا اموات


انا تمنيتها موت دائم بعد أن أصبحت

وحيده وسط اقرب الناس لى

تعرفى يا ساره هتلاقى ناس قليله

الى تفتكرنا بعد موتنا

هى الدنيا كده

مابقتش تفرق حد يفتكرنا

[♥○ moOoOoOna ♥○]

لا ليه يعنى ؟

تتمنى امنية زى دى ليه ؟

عيشى حياتك والناس اللى بتحبك تحبك والى ماتحبكيش عادى

مايستاهلش انك تتمنى امنية زى دى

اصلك لو عرفتى هتعملى ايه ؟؟

كل واحد وشعوره بقى اهم حاجة انتى

[الأميرة رودي]

اقتباس المشاركة الأصلية كتبت بواسطة جبل عالي فضفضه جائت في وقتها والله يارودي شوفي ياقلبي مع الوقت مفروض نتعلم ونتأكد ان مهما كان عدد اللي فاكرينا ولا اللي ناسينا مش هتفرق كتير ويمكن كمان مش مهم ابدا المهم نقدر نستغل الباقي من عمرنا نقدر نجمع اكبر حصيله تخلينا نمشي منها واحنا كسبانين ربي يسعد قلبك حبيبتي ويوهبك الرضا والرضوان

صح كلامك..
بس الواحد أوقات بيتفاجئ بمشاعر سلبيه عند البعض وهو فاكرهم أكتر الناس بيحبه
فمش بنقدر نحدد صح مين بيحبك ومين شايلك بغض وكره.
زى تشويش فكري كده.
نورتيني حبيبتي بتسعدني طلتك واضافتك
كل الود

[Dr. AnOosHo]

ربنا يسعدك يرودي :*

[ايمان طلعت]

بعد الشر عليكي حبيبتي
عيشي ولا تفكري مين فاكرك ومين ناسيكي
محدش هينفع حد

[العاشق الذى لم يتب]

اه معاك حق
علشان هناك مافيش تزويغ
الحقيقة بتكون مكشوفة
والله جميل الكلام
ربنايطول عمرك

[ندوشه 2011]

....بعد الشر عليكي ربنا يسعدك حبيبتي. ...

[حازم34]

اقتباس المشاركة الأصلية كتبت بواسطة الأميرة رودي أنا إتمنيت أموت ساعتين يدوب ساعتين "" وأرجع تاني للدنيا "" واشوف مين ال ودعني بدمع العين ومين كان باكي على موتي وقلبه حزين ومين على قبري كان واقف ومش شايف ومن حزنه انا خايف تروح العين .. ,, يادوب ساعتين ,, هتكشف كل ملامحهم ومين كداب ومين خاين ومين باقي على صحبه ومين شكله كان باين بأنه حزين.. يادوب ساعتين,, أمنيــه.. 25/3

اسال الله ان يطول عمرك اسال الله ان يحفظك اسال الله ان تكوني بخير دائما



لاتقولي ها الامر وتكتبي امنيه


بعيد الشر عليكي يارب يارب


اللهم اسعدها واطل عمرها وبارك لها ومن يحبها ومن تحبهم يارب


فضفضه مؤلمه