فرج بعد صبر ..مستقبلي ف حلمي

[αЛαstoOorα]

ناس كتير لما بتكلمني ف المنتدي آو ع النت عموماً
بتقولي شغال آيه
بقولهم فني محركات سفن . بلاقي محدش فاهم حاجة ^^
آو بيفهمو الحكاية كآني ميكانيكي مش عارف ليه
ههههه
ومع آن الميكانيكه من الآشياء الهندسية برضه
..
حبيت آجبلكم جزء بسيط كدا تعريفي عن طبيعة شغلي
وهي شغلانة صعبة جداً وبقدر صعوبتها بقدر حجم
الضغط الذهني اللي بتعرضله فيها ..
بقدر آنها ليها كيان كبير جداً جوة مصر وبراها
وبتعد من آكثر المهن آهميه ..ومن المهن اللي
بيعتمدلها شهادات لها قيمة ووزن جوه كليات الهندسة
وبتخرج دكاترة عظام بيشتغلو بره بفكرنا ومجهودنا
وبيعتمدلها برضه خارج مصر شهادات قوية
وبمبالغ قوية ..سواء داخل المراكب والعبارات
آو ف آي بلد غربي
وبحلم تكون ف بلدنا آمكانيات تمكني آني آقدر
آفتح شركة ..لتصميم وآنتاج المحركات الكهربائية
بدعم من الدولة ف دا ..مصر تقريباً مفهاش آي
شركة آو مصنع ممكن تصنع محرك من آوله لآخره؟
كل اللي بنقدر عليه آننا بنستوردة وبتعلمنا آزاي
ف كلياتنا نشتغل علي آصلاحه .وآعادة تشغيله
فقط لا غير..
آنا واحد من الناس آني لو كملت تعليمي وآخدت
شهادة بالتخصص بتاعي كان زماني خارج مصر آصلاً
لآني مش هحقق طموحي هنا ..
بس الحمدالله يعني ..المهم برغم آنها صعبة جداً
برغم آني بحبها جداً جداً وقضيت عمري كله فيها
من سن 11 سنة تقريباً انا دلوقتي 28 سنة
وحبي فيها خلاني آبتكر آشياء كتيرة جواها ومكني
بآني آصنع محرك يدوي بدون آميكانيات بدون مكن
بدون معدات بدون مليارات
وبحلم ف يوم من الآيام آكون آول مصري
ينشئ شركة وخط آنتاج كامل لصناعة المحركات الكهربائية
بمواردنا آحنا بمعدتنا آحنا بمكنا آحنا بخامات مصرية 100%
وهسميها f.B.s
لتصنيع وآنشاء المحركات الكهربائية
ومعني الحروف
f يعني فرج
Bيعني بعد
s يعني صبر
:
فرج بعد صبر
خدو حتة صغيرة كدا تديكم خلفية صغيرة عن شغلي

[ماجد الهيتي]

.. شُكرا مكللة بالورد لطرحك الرائع فهنيئا لنا بهذا العطر العابق قطاف جميل يعانق الألق دام اختيارك الجميل فائق ودي

[Lamees]

اهم شيء انك بتحب شغلك
وشايف انك ممكن تطور منه
وكمان عندك طموحات وحلم
ربنا يحقق لك حلمك
انا كمان عندي حلم
ان الطلبة تلامذتي ولاد التيت يحفظوا
ويبطلوا تناحة
ربنا يوفقك

[اشرف 2006]

العمل الشريف فى اى مجال يشرف صاحبه

بغض النظر عن المؤهلات والابتكار والاختراع

افضل كثيرا من اى درجات علميه اكاديميه

عليك بالاستمرار والاجتهاد والتوفيق من عند المولى سبحانه وتعالى

[الفيل الأزرق]

لفت نظرى كلمتك انك تحب مهنتك وشغلك
وهاذ هو مفتاح النجاح ياصديق موفق يالغالى

[حازم34]

والله انت بطل من الابطال اخي الكريم فارس


وحقيقي اني لسعيد بقولك احب شغلي


وكلامك يدل علي انك فاهم معني العمل وفاهم كل شئ عن العمل



يا حبيبي الموضوع مش شهادات يا ناس حملوا كتير شهادات وصدقني من الناحيه العمليه صفر


اهم شئ في اي عمل هو الناحيه العمليه وهناك دكتوراه بامريكا يعطوها للناس


اسمها دكتوراه الخبره في المجال والله يا اخي


يعني تكون انت خبير في مجالك ولو معك تعليم متوسط وراو حرفيتك وشغلك العالي


تاخد دكتوراه مباشره



وتكلفه ها الدكتوراه حوالي عشره الاف دولار



شفت امريكا تنظر الي العمل وكيف انت فيه وليس العلم وانت جالس تحلم بيه


ربي يوفقك ويسعدك ونشوف الك احلي شركه يارب

[fanaa]

شهادات بس ايه يا بن والدى سيبك انت معدتش بتأكل عيش هى صوره وواجهه اجتماعيه مش اكتر
بس كونك بتحب عملك وبتبتكر فيه دا فى حد ذاته نجاح فوق مليون شهاده ممكن غيرك قاعد مأنتخ ووخدها بواسطه
ربنا يحققلك حلمك وكل الا مثلك

[αЛαstoOorα]

اقتباس المشاركة الأصلية كتبت بواسطة اطياف الماضي اهم شيء انك بتحب شغلك وشايف انك ممكن تطور منه وكمان عندك طموحات وحلم ربنا يحقق لك حلمك انا كمان عندي حلم ان الطلبة تلامذتي ولاد التيت يحفظوا ويبطلوا تناحة ربنا يوفقك

هههههه
الآطفال كلهم كداً
بس آنتي وشطارتك ف حبهم ليكي
آنا عن نفسي وآنا صغير

مكنتش بستجيب وبحفظ غير من
مدرسة كانت بتحبني وعشان بتحبني
كانت محبباني فيها وكنت بتضايق
لو محفظتش وبقت تخش الفصل متكلمنيش
بسبب آنها زعلانه مني

كل طفل لي مفتاح معين ممكن تلاعبيه بيه
بدون قسوة بدون ضرب بدون اي تجاوزات
الحزم مطلوب بس الحنيه ع الطفل
تخليه يسمع كلامك ف آي شيئ حتي لو يفوق تفكيره
متشكر جداً ومنورة