حلقه جديده من (طفوله عضو)

[shery]

ازيكم ياجماعه ان شاالله تبقو بصحه وعافيه
الحلقه الي فاتت كانت معايا الجميله ( moOoOoOona)

انبسط جدا انك كنتي معايا


[COLOR="rgb(255, 192, 203)"] تمام نرجع لحلقتنا الجديده النهرده معانا طفل مبدع لا وشاعر كمان قبل ماابدء الحلقه احب اشكرك انك ساعدتني برده وشجعتني عشان ادخل ف المسابقه الي انت عاملها
تمااااام نرجع للحلقه النهرده معاايااا الطفل [/COLOR]

єЛ- мiлshαwi






1/موقف حصلك ولحد دلوقتي مأثر فيكر؟؟

وفاة آبويا الله يرحمه



2/اكبر عيديه اخدتها -كانت كام -ومن مين -واي شعورك وقتها ؟؟

ممممم مش فاكر آوي بصراحة
بس آكبر عيدية كنت باخدها عموماً كانت من آمي
ومش شرط تكون فلوس كانت ساعات بتكون هدايا


3/اي اكتر حاجه ف الحلويات كنت بتحبها ؟؟

ممممم ههههه ايامي انا
كان فيه حرنكش وغزل بنات وكدا
حاجات من هذا القبيل
بس كنت مضروب بالايس كريم
ووقتها كان دلوسي بيكسب كتير
كنت آجيب دولسايه بربع جنيه
آجيب عليها 5 ببلاش ولا حاجة
كان رزقي واسع افتح اكسب افتح اكسب
هههههه


4/ترتيبك الكام ف اخواتك ؟؟

آنا الآول والكبير والولد الوحيد



5/اي اكتر مكان كنت بتحب تروحه ؟؟

مفيش آماكن معينه بس كنت دايماً
متيم بالشغل مع خالي ف الورشة
كنت مضروب بحب الورشة والحاجات اللي بيعملها



6/اي اكتر لعبه كنت بتحب تلعب بيها ؟؟

الكورة والبيل وحاجات الشارع دي بقة
بس آنا عامة ملعبتش كتير معشتش طفولتي آوي
^^


7/جريمه او مصيبه عملتها مستحيل تنساها ؟؟

ممممم
كل نصايبي وآنا طفل مكنش خد بيعرف عنها حاجة
لحد دلوقتي ممكن يحصلي حاجات كتيرة بره البيت
ومحدش يعرف غير لما النصيبة تعدي يعني
بس عامة كنت عصبي وبضرب العيال دايماً
حتي في موقف حكيته هنا قبل كدا
مسكت عيل كان جايب للبن لامه وعيش هههه
فرقعتله كيس اللبن وحميته بيه
وكانت مصيبة دي ^^



8/اي اقوي عقوبه ف حياتك ؟؟


مممم ..غضب آمي عليا
لما كانت مبتكلمنيش عامة حتي وانا صغير
كنت بتآلم جامد
وعقوباتي دايماً كا ضرب وزعيق وكدا
كانت من خالي الكبير
كان بيتفنن ف ادوات تعذيبي وانا صغير


9/اجمل هديه اخدتها ومن مين ؟؟

هو في حاجات كتيرة بصراحه
بس في هديه مش ناسيها
من آمي ..كان عندي 5 سنين تقريباً
وكان عيد ميلادي ..وكانت جيبالي
سلسلة كبيرة كدا مكتوب فيها
بسم الله ماشاء الله
كانت دهب واللي مخليها معلقة ف ذهني
الصورة ..اتصورت بيها ف الصورة
ليها معزة كبيرة يعني



10/مين ااكتر كنت بتحبه بابك ولا مامتك ؟؟

ممممم
آبويا ملحقتش آوعي عليه آوي
بس حبه كبر جواية من حب آمي لي
ومن حبه ليا ..آمي دايماً كانت بتقولي
آنه كان بيحبني آوي ومتعلق بيا جامد
بس العشق الآول والآخير ف آمي طبعاً
لآنها كانت بنسبالي الآب والآم



11/ مكان توهت فيه وعملت اي وقتها ؟؟

ههههه
دي كانت معاية بنت جارتنا
كنا صغيريين جداً
وكنا دايماً مع بعض مش بنسيب بعض
وانا كنت القائد بتاعها ف اي موقف يعني
ف آخدتها من ايدها وطلعت مشيت بيها
مسافة كبيرة وبعدنا عن بتنا كتير
ووصلنا للطريق العمومي والطريق دا
سريع يعني العربيات تعدي من جبنا
تعمل فوووووو
هههههه
ومعرفناش نرجع تاني البيت وتوهت وتوهتها
علي مدار سعتين آحنا مش عارفين آحنا فين
وعمالين نلف حولين نفسنا
وفجئة لقيت ابوها قدامي قام ضاربني وضاربها
هو كان معتبرني زي ابنه بالظبط يعني
ف كان في موده بينا كبيرة مع جيرنا دول
وروحنا البيت هي آمها فضلت تضرب فيها
وآنا آمي فضلت تحضن وتبوس فيا
وتقولي ابني حبيبي ياقلبي



12/اكتر انشوده او اغنيه كنت بتحبها ؟؟


بولا بولا
وجدو علي
البط يقوم زعلان م النوم يغطس ويعوم وهات يالعب ههههه
بس
.............

حلقه النهرده خلصت وانا انبسط جدا انك كنت معايا شكرا ليك
اشوفكم ف حلقه جديده من طفوله عضو

[فداااااااااااء]

ههههه حلقة جميلة جدا
طفولة بها شقاوة
سلمت اخى المنشاوى
والله يرحم والدك ووالدى واموات المسلمين جميعا
سلمتى شيرى

[Fatma eissa]

حلقه جميله مع المنشاوي
وأجوبة جميله
ومجهود جميل
تسلمي عليه

[دمعه حائره]

ههههههه كنت خاطف البنت يامنشاوى اعترف
وكل الاغانى دى انا كمان كنت بحبها
حلقه جميله وفارس معروف بشقاوته وخفه دمه
وقد ايه بيحب مامته ربنا يخليهالك
تسلمى شيغى مجهود عالى

[حازم34]

ايه الجمال الجميل ال جماله ما زيه دا


طفل جميل اكيد عاش الرجوله من صغره

والشقاوه وخفه الدم وتحمي الواد باللبن


دا كلام يا ناس والله حلقه ما اجملها

واسال الله ان يبارك لك في امك ويحفظها ويحفظك


وان يرحم والدك ويجعل قبره روضه من رياض الجنه هو وابي وكل موتي المؤمنين


والبرنامج وكما قلت ظريف وجميل وفيه فكر والله وتنسيق جميل جدا


تسلمي يارب يا اطيب شيري ربي يسعدك

وانا بقي ال هعمل الحلقه ال اسئلك فيها وانتي طفله


ربي يحفظك


لكما مني التحيه والتقدير

برنامج جميل

[shery]

ههههههههههه باذن الله



نورتوني

[Lamees]

جميلة اوي الفكرة
تسلمي شيري
منور منشاوي

[αЛαstoOorα]

اقتباس المشاركة الأصلية كتبت بواسطة فداااااااااااء ههههه حلقة جميلة جدا طفولة بها شقاوة سلمت اخى المنشاوى والله يرحم والدك ووالدى واموات المسلمين جميعا سلمتى شيرى

اللهم آمين يارب العالمين

ههههه
منورة يا مروة بقة ^^

[αЛαstoOorα]

اقتباس المشاركة الأصلية كتبت بواسطة fatma eissa حلقه جميله مع المنشاوي وأجوبة جميله ومجهود جميل تسلمي عليه

ربنا يخليكي يابطة
منورة يا عسليه ^^

[αЛαstoOorα]

اقتباس المشاركة الأصلية كتبت بواسطة دمعه حائره ههههههه كنت خاطف البنت يامنشاوى اعترف وكل الاغانى دى انا كمان كنت بحبها حلقه جميله وفارس معروف بشقاوته وخفه دمه وقد ايه بيحب مامته ربنا يخليهالك تسلمى شيغى مجهود عالى

هههههه
والله يامنة هي اللي كانت لازقالي دايماً
علي فكرة لحد دلوقتي آنا وهي علي
آتصالات ببعض ..آنا وهي آخوات جداً
يمكن آكتر من الآخوات الشقايق
وكل ما نكلم بعض نفكر بعض بالمواقف دي
ودا مش آول موقف معاها
دنا راميها من ع السلالم ف مرة كمان
رجليها آتفتحت ومعلمه لحد دلوقتي ^^
:
والله الواحد لما بيفتكر الطفولة دي
ويبص للزمن ولعمره وللهموم اللي جواه
بيتمناها ترجع ولو لليلة وحدة بس
عشان كدا لما شيري بعتتلي
حبيت الموضوع رديت علي طول