متعشموش

[fanaa]

متعشموش قلوب فيكو لو كنتو يوم ماشيين ولا توهموش حد غالى لو كنتو مش راجعين دا الكلمه ممكن تقتل أد ما بتبنى وليه نعشم ونتعشم وع الفراق ناوين وياخسارة الايام الاكانت بينا واديها اهى الايام فرقت مابنا وبقينا نقابل بعضينا ومش واخدين بالنا ويمكن بندار فى وشوش تانين السكه الا بتودينا مبتجبناش ومهما عافرنا نكمل فيها مبتنفعناش ويمكن من الاول محسبنهاش فمتقلش حاجه ومش أدها دا كتير هيرسم على ورقها أحلام خليك عارف لكل حاجه وقتها متعيش غيرك بسطو الاوهام دا مفيش اصعب من انتظار ناس مش جيين ومتعشموش قلوب فيكو لو كنتو يوم ماشيين ولا توهموش حد غالى لو كنتو مش راجعين aya yousef 29/3/2016

[.Lamar]

طيب تفتكرى يا اية

هى غلطة اللى بيعشم بس

ولا غلطة اللى بيدى الامان اوى برضو و يصدق

الدنيا حوالينا مليانة غدر و خيانة و كذب

ليه احنا بأة نفتكر اللى قدامنا ملاك

نغلطه هو بس انه كدب و خدع

وننسى نغلط نفسنا اننا لغينا عقلنا

ومشينا بس ورا حلمنا

كلمات عفوية بس بتوجع اوى

تسلمى يا اية

[fanaa]

اقتباس المشاركة الأصلية كتبت بواسطة خالد ابن الوليد طيب تفتكرى يا اية هى غلطة اللى بيعشم بس ولا غلطة اللى بيدى الامان اوى برضو و يصدق الدنيا حوالينا مليانة غدر و خيانة و كذب ليه احنا بأة نفتكر اللى قدامنا ملاك نغلطه هو بس انه كدب و خدع وننسى نغلط نفسنا اننا لغينا عقلنا ومشينا بس ورا حلمنا كلمات عفوية بس بتوجع اوى تسلمى يا اية

وللأسف احنا بنكتشف دا بعد الا حصل
اننا ادينا الامان واحنا مغمضين ومطمنين
محدش اكيد ملاك بس فيه ناس تقريبا كلمه وحده تخليها تطير
وترسم امال كدابه على شيئ غير معلوم
بس اكيد لسه فيه خير
نورتينى لموره

[د/ عبد الله]

كلمات جميلة ورسالة مهمة

تسلم ايدك

[السفيره عزيزه]

ما هو احنا لازم نعرف ان فية قدر ونسلم
ان الفصل والحكم لله .
دا حتي لو اتعشمنا بنسيب مساحة لعدم حدوث
ما نحلم بة ونعيش مستنيينة .
لابد ان يتاكد الجميع ان من كان لة لا ولن ياخذة
غيرة ومن لغيرة لن يحصل علية مهما فعل .
هذة تجعلنا متقبلين ولو قليلا لاي نتائج..

تمنياتى البالغة بالسعادة

[جبل عالي]

كلماتك تحمل رسالة عتب حزينة
احييك على جمال التعبير ورقة الاحساس
ننتظر كل جديد لك غاليتي

[αЛαstoOorα]

ببقة ف قمة المتعة
لما بشوف لحد قصيدة آو نثريات
بمعاني خارجة من القلب بآحساس
يعني الشيئ الوحيد اللي بيخليني
آرد ..آني بشوف الكلام مكتوب
بس وهو بيتكتب محسوس
عكس اللي بيكتب وبيحشي كلام وخلاص
آحساسك روعة

[shery]

احساسك حلو ماشااالله عليكي
تسلم ايدك

[اشرف 2006]

اللى بيحصل ده ياايه نتيجه حتميه للغه الصمت اللى انتو اخترعتوها

دايما النقاش والعتاب مطلوب بين الطرفين وده بيمنع سوء الظن

وتخمين الأمور بطريقه خاطئة وتحميل الطرف الاخر كل الخطأ

لأننا عاده بنسمع وجهه نظر واحده ويمكن لو هو مكانك برضه

هيطلع الطرف التانى هو الغلطان .

تحياتى

[حازم34]

المشكله فعلا فيه ناس عايشه علي كدا


بتدي كلام وتحلف عليه وهيا مش قده


ودايما بتقع فيه قلوب طيبه بتصدق


تسلمي يارب علي جميل ما كتبتي


بروعه وباحساس جميل ومؤثر


لكي مني خالص التحيه والتقدير

والاعجاب بها القلم الجميل