خوزعبلايه بطعم النقاش (ليفنى شكرا(

[ابو نصير]

السلام عليكم ورحمة الله وبركاته
حبايبى الحلويين والمواظواظين ..
مساء الفللى على اولادى واخوانى الكرام ..
الموضوع بجد مفوهوش هزار ..
تخيلو معايا لو الحكومه عملت عداد ميه داخل شقتك بطريقة الكرت الذكى ...
وانت فاتح الستلايت السخن والبارد.. وتحت الدوش ولا نايم فى البانيو.. وبتحلم ولا ناقع الواد الصغير فى الجاكوزى ست سعات وانت معذبه بالحجر لغايت لما شلت جلد جسمه وبقى عامل زى الأرنب المسلوخ

وديه طبعا حماية العيد اللى الواحد بيستنها من العيد للعيد وانا اعرف ناس مبتستحماش اللى من العيد للعيد .. وعمال تغنى وتبلبط وتؤول .. الميه تروى الجربان وطفى لسان العطشان.. وبعدين الميه عليك قطعت ... ماهو رد فعلك ....

عن نفسى هبعت لخويا حازم رساله وقولو فيها ...
ليفنى شكرا
ههههههههههههههه
ابو نصير
محدتش يكسف ويخش ويؤول رأيه..النقاش مفتوح ..وانا بعت اول رساله علشان أكون حدوه .. قصدى قدوه
خوزعبلايه بطعم النقاش..
السؤال .......
مين أول واحد تبعتلو رساله فى المنتدى لينقذك من هذا الموقف ؟؟؟؟؟؟؟؟؟
ولو بعتلو رساله وطنشك واداك الطرشه ماذا يكون رد فعلك؟؟؟؟؟؟؟

[Lamees]

الحل الوحيد الجردل والكوز. المية المخزنة
وحمارتك العارجة ولا سؤال مين ها ها
انا مقلتش حاجة هههههه

[fanaa]

لو الميه قطعت عليا انا شخصيا
هرجع لايام ستى الكوز والطشت

[ابو نصير]

اقتباس المشاركة الأصلية كتبت بواسطة اطياف الماضي الحل الوحيد الجردل والكوز. المية المخزنة وحمارتك العارجة ولا سؤال مين ها ها انا مقلتش حاجة هههههه

سيدتى اطياف
اولا بقدم اعتزارى لعدم مسابقتى فى كفاح أم لظروف شخصيا وتقبلى عزرى سيدتى
ارق التحايا
سيدتى
الجميله
رونى
شكل الأيام اللى جايه هنعيش فى العصر الحجرى ......وشكلها كده أيامنا هتكون كوووووووووووووز وجردل
وديه فكره سيدتى فى القريب العاجل هفتح محل فى المنتدى كيزان وجرادل ونعمل احلى سبوبه .....
بدل مابعت رساله لحد وقولو شطفنى شكرا
ههههههههههههههه
كل حاجه نجبها على الحمار هو هيستحمل ايه ولا ايه ..
وميصحش كده يارونى
هههههههههههه
انا مقلتش حاجه
ارق التخايا
دمتى بحفظ الرحمن ودامت لنا ضحكتك الجميله سيدتى

[ابو نصير]

اقتباس المشاركة الأصلية كتبت بواسطة fanaa لو الميه قطعت عليا انا شخصيا هرجع لايام ستى الكوز والطشت

الراقيه
فناءءءءءءءءءءءءء
فكرتنى بأيام زمان يافناء أيام الباجور والبستله والليفه والحجر
وماأجمله وأحلاه الكوز والطشت أفضل من ميت ألف بانيو وجاكوزى
هههههههههههههههه
ارق التحايا
صبح عليا يابا الحج يكوز ميه
هههههههههههه
وحمينى شكرا
هههههههههه
ابو نصير

[۩۩ elMagic ۩۩]

سبحان الله
انتو عندكوا ميه كمان

[نجاة حسام]

هى جت على المايه بس

طب ايه رئيك فى فاتورة التليفون اللى اصلا خطه مسروق

طب ايه رئيك فى الكهرباء

هى البلد دى لينا ولا احنا عبيد فيها

ثوره خراب ودمار

ياانا ياالدمار فاكر الكلمه دى ياغالى

احنا بلد عوزه بلد
احنا شعب عوز شعب
هتيجى على المايه ههههههههه
تعالى شوف ضحكت طفل ياتيم عشن بس شاف رغيف
احنا بلد مات فيه شعبه بكرمته وحريته
احنا بنحلم بس اننا نعيش يوم من غير ماحد فينا يموت
ولا طفل يتخطف عشن تتباع اعضائه عشن غيره يعيش
هنا فى مصر بس كل يوم اسمع صويت بنت بتقول الرحمه اعيش رفعه راسى لحد مااموت
احنا الذل بلد الحق فيها باطل والباطل فيها عدل
عشن كلاب بتتحكم فينا
هتقولى المايه يارتنا نعيش فى الضلمه عشن العمى احسن من العيشه بعيون ومنقدرش ندافع عن بعض
كل واحد عوز يعيش ويعدى يومه بس على امل بكرا جى بأمل جديد
مع ان كلنا متاكدين أمل اصلا ماتت من الجوع فى بلد عوزه بلد

[ندوشه 2011]

اقتباس المشاركة الأصلية كتبت بواسطة دموع الصمت هى جت على المايه بس طب ايه رئيك فى فاتورة التليفون اللى اصلا خطه مسروق طب ايه رئيك فى الكهرباء هى البلد دى لينا ولا احنا عبيد فيها ثوره خراب ودمار ياانا ياالدمار فاكر الكلمه دى ياغالى احنا بلد عوزه بلد احنا شعب عوز شعب هتيجى على المايه ههههههههه تعالى شوف ضحكت طفل ياتيم عشن بس شاف رغيف احنا بلد مات فيه شعبه بكرمته وحريته احنا بنحلم بس اننا نعيش يوم من غير ماحد فينا يموت ولا طفل يتخطف عشن تتباع اعضائه عشن غيره يعيش هنا فى مصر بس كل يوم اسمع صويت بنت بتقول الرحمه اعيش رفعه راسى لحد مااموت احنا الذل بلد الحق فيها باطل والباطل فيها عدل عشن كلاب بتتحكم فينا هتقولى المايه يارتنا نعيش فى الضلمه عشن العمى احسن من العيشه بعيون ومنقدرش ندافع عن بعض كل واحد عوز يعيش ويعدى يومه بس على امل بكرا جى بأمل جديد مع ان كلنا متاكدين أمل اصلا ماتت من الجوع فى بلد عوزه بلد

لا اله الا الله محمد رسول الله. ..خير بإذن الله

[ايمان طلعت]

ههههههههه
والله انت دماغ
المفروض تخلي عندك جردل وكوبايه في الحمام احتياطي
دخلين علي الصيف والضفط علي المايه هيبقي شديد
وهيقطعوا المايه لتوفيرها ههههههههه
الحق بقي وخبي كام جردل عشان تبيعهم في السوق السودا في الايام السودا
مهو الجردل الابيض ينفع في اليوم الاسود بردو

[جبل عالي]

لا وربنا انت كارثة يا ابونصير
هههههههههههههههههههههههههههه


هنقول ايه بس يابن عمي ؟؟؟

فوضت امري لله وخليها ع الله بقااااا

خوزعبلاياتك كلها تتاقل بالميه .... يوووه قصدي بالدهب


تسلم ايدك ياعمدة