الحلقه الثانيه ليه ماكنتش عايز اكمل

[طارق الجميل]

طب امته راح يجى؟؟ ما تستعجلش؟؟ حاضر

سلام ياسى زمن انت أو هى كله فانى
اللى تاعبنى انى كنت حبتها وكنت بتمناها نصى التانى
وكانت ارق انسانه عرفتها فيك يازمانى
كل اوصافها كانت جميله وكانت ف دنيا من الجمال وخدانى
معرفش فيها غيرها معرفش غيرها أنا تانى

ونحكى بقه البدايه وازاى كان أول ميعاد

كان أول ميعاد

أنا كنت انسان قلبه خالى والدنيا شايفها وشيفانى
الكسوف كان دايما مالينى والناس على دا الوضع عرفانى
لحد ما صاحبى كلمها ووافقت على طلب الارتباط فى ثوانى
المشكله ما كانتش موافقتها المشكله ازاى اغنى أنا واعبر عن الحانى

الغنوه كلامى والالحان تعبير عن اللى ف وجدانى
قد ايه مكسوف اقابلها فى المكان اللى كانت فيه مستنيانى
كانت هى وصاحبتها حبيبة صاحبى التانى
والمفروض انى اقابلها مع صاحبى اللى مكلمهالى

لكن ازاى

قول يازمن ازاى يقابل واحدة واحد ماليه الخجل والكسوف
ازاى لو قابلها يكلمها ولسانه ملوى من الخوف
قول يازمن لو تقدر ع النصيحه اعملهالى معروف
أصل انا اتكسف من اللى أول مره يقابلنى او ليه بشوف

وخصوصا ان كانت واحده ليها احلى عيون ووجه ملفوف
ملياه الابتسامه الحلوه البراءه والصوت المصنوف
المدموج بأحلى نغمات والحان تعزفها المزاهر والدفوف
اهو أنا من عرفه الخجل ودوبه الكسوف

وكنت دايما أخفى الحب رغم انه ليه ملهوف
ولا عمريش اعترفت لواحده بالحب بسبب انى خجلان أو مكسوف
لا ترفض طلبى او تقول إنها مرتبطه او حتى لظروف
قول يازمن ازاى اقابلها قول اعمل معروف
ولما أقابلها ازاى أكلمها وايه تكون أول الحروف

اللى حصل

نقول على اللى حصل ان شاء الله المره الجايه
طارق الجميل

[راجعة لحبيبى]

حلوه كلماتك
اخ طارق
تسلم
لروحك السعاده

[جبل عالي]

واضح ان فاتني الحلقة الأولى !!!

طيب قبل ما أقرا .... هاروح للحلقة الأولى وأرجع تاني

[جبل عالي]

لا دي حكايه والشرح فيها شكله هيطووول
بس متابعين لك ياطارق
باسلوبك الرائع وتفاصيلك الدقيقه
تتناولها بكل سلاسه وجمال

[العاشق الذى لم يتب]

جميل مبدعناطارقث
وروعة كلمات فى معانى راقية
سلمت يمناك
ودمت بخير
تحياتى

[طارق الجميل]

اقتباس المشاركة الأصلية كتبت بواسطة راجعة لحبيبى حلوه كلماتك اخ طارق تسلم لروحك السعاده

الاجمل والله روحك الجميله ومبروك رجوعك حبيبك

[طارق الجميل]

اقتباس المشاركة الأصلية كتبت بواسطة جبل عالي واضح ان فاتني الحلقة الأولى !!! طيب قبل ما أقرا .... هاروح للحلقة الأولى وأرجع تاني

ان شاء الله تروحى وترجعى بالف سلامه وتطمنينا ايه اخبارها

[طارق الجميل]

اقتباس المشاركة الأصلية كتبت بواسطة جبل عالي لا دي حكايه والشرح فيها شكله هيطووول بس متابعين لك ياطارق باسلوبك الرائع وتفاصيلك الدقيقه تتناولها بكل سلاسه وجمال

دا اكيد متابعتك وحضورك يشرفونى وأتمنى تستحملوا التطويل شويه
الحكايه كل كلمه فيها حقيقه مفصله في زمن لايقال عليه الا الزمن الجميل
تحياتى لحضورك وشخصك الكريم

[طارق الجميل]

اقتباس المشاركة الأصلية كتبت بواسطة العاشق الذى لم يتب جميل مبدعناطارقث وروعة كلمات فى معانى راقية سلمت يمناك ودمت بخير تحياتى

اللى حبتها دى حكايتى ولابتتكلم عن حد تانى اختيارك للاغنيه بيدل
على جمال روحك يسعدنى اوى حضورك وأتمنى المتابعه شكرا ياغالى

[دمعه حائره]

حبيت الحكاية ومتابعتها
باسلوبك الشيق وكلماتك المتناسقه
تسلم اخى