الله يسامحهم ...!!!

[جبل عالي]

فضفضتي عن حالة أعيش تفاصيلها منذ مدة ليست بالقصيره

قبل ماأحكي تفاصيل كتيره ووجع راس

لما أهلك يعلموك ويربوك ع الإحترام الشديد للغير وعدم جرح إحساسه لأنك ممكن تبقا مكانه !!!

وتقدير الغير جزء كبير من تقديرك لذاتك وروحك ......


وتعيش بالمبادىء الرنانة .... زي الشهامة ..... الرجولة (ومحدش يقولي إزاي بنت ورجولة)

ده مجتمعنا .... بيحصر الرجولة بصفاتها بالرجل فقط .... بس ماعلينا مش ده موضوعي

لما تعيش حياتك مؤمن بإن إحترامك للغير شيء مقدس


وتتعرض بعد زمن طويل لمواقف تؤكد لك ان الناس بالعكس تماماً متستاهلش منك التركيز ده ..

وان احترامك ليهم ..... بيطمعهم فيك .... وتقديرك ليهم .... بيخليهم يدوسوا عليك !!!

وان الرجولة اللي كانت زي تاج تتمنى تحصل عليه ..................... صبحت زي عار ويمكن اكتر




ساعتها ..... تفتكر مين اللي تقوله ( الله يسامحك !!!)



اهلك اللي علموك كده ؟؟؟

ولا البشر اللي قلبت الموازين رأسا على عقب ؟؟؟



******


مقدمة كان لازم منها

=============



واحدة اعرفها ..... فتحت مشروع ع قدها مهياش غنيه ولا نيله وعايشة لوحدها

لظروف عملها ده بتعرف ناس كتير ..... ف يوم عرفت واحدة وزوجها ... وبعادتها إحترمتهم جدا

رغم ان كلامهم كان بيوحي بعكس مابيقولوه .... بس مركزتش

بعد فترة عرفت انهم بيمروا بأزمة وان الزوج فقد عمله بعد ما شريكه اخلى بيه

اللي اعرفها دي بقا .... بكل (شهامه) خيبه طبعاااااا عرضت انهم يعتبروا المكان مكانهم

واجتهدت وبحثت للزوجة عن عمل .... وعرضت مكانها للزوج انه يستغله وقتما شاء لحين يجد

مكان للعمل على أساس ان عمله نفس عمل الواحدة دي ......


مطولش عليكوا ...... البني آدم ده ... تنح ... وبدل ما يدور على مكان بعيد عن الست دي

لاااااا بالعكس صبح هو المهيمن والمسيطر بأسلوبه المتلون مع من يتعاملون بالمكان

ضاقت تلك السيدة بما وصل اليه الحال معها وفي مكانها ....

حاولت اكثر من مرة لفت نظره بانها لم تعد تريد بقاؤه بالمكان بأسلوب متحفظ وهادىء

لكنه ...... كالحجر الأصم ... يسمع ويرد بكل برووود ولا يتخذ أي حركه



هل تعاملها المتحفظ واسلوبها الهادىء جعلها طعم سهل للإستغلال ؟؟؟

نعم اكيد


وهل بجاحة ووقاحه هذا المتسلق هي الأسلوب الناجح ؟؟

نعم أكيد





وف النهايه لا أملك إلا ان أقول


الله يسامحهم




أيا كانوااااااا

[شاعرة الرومانسيه]

فعلا الله يسامحهم حبيبتى

الحياه ياما فيها تسلمى

ويسلم قلبك الطيب

[السفيره عزيزه]

جبلوا حبيبي لا تندمي البتة على تقديم الخير ولا على التعامل
باخلاقنا ال جيبة لنا التعب .لالا والله الى ان نموت
سنظل هكذا ان شاء الله.
واقول للربونا وعلمونا الفضائل الله يجعلة فى ميزان حسنتهم.
يا جبل الا يكفيك ان يصنف عملك حسنات تجديها هناك
الل يكفيك ان تنظري الى نفسك نطرة احترام ورضي عندما
تجدي نفسك وسط الالاف درة ثمينة .وان كانوا لا يجيدون تقييمها
انظري لمن حولك فى العمل فى مجال الزمالة الصداقة حتى
في محيط الاسرة .عندما يمرون بازمة اين كان نوعها حتى
لو عاطفية ..لمن يلجئون امام من يبكون لمن يقولون ريحتي
قلبي الله يبارك فيك ....لاتندمي ابدا بل استمري وزيدي
فلعل كريم يصادفة حظة فيقول يا سلام الدنيا لية بخير
اما بقة لو كان لئيم فكيف نحتار ومعنا الكتاب والسنة
كوني اقوي من السيف على رقبتة .اريه بأسك فهو
لم يقدر حلمك واصلك .وهذا دوائة.
الحكمة كنز حبيبتي جبل .متى نغدق حنان ومتى نعطي
منة قطرات ومتى نبدلة شدة وقسوة .هنا هو القول الفصل.
ولكن لن نكون الا مضرب الامثال .خطوات ثابتة
ورحمة فى محلها .وسخاء وكرم لمن يستحق
ومنع وامساك يد على الائيم ...
هنقول للعلمونا الله يرضي عنهم ويرحمهم
وربنا يبارك لك فى اهلك جبل
دمتى كما عرفتك حنونة راقية ورقيقة
ودي وحبي واحترامي وحجات كتير
كتيرة حلوة يا جبلووووو

[جبل عالي]

اقتباس المشاركة الأصلية كتبت بواسطة شاعرة الرومانسيه فعلا الله يسامحهم حبيبتى الحياه ياما فيها تسلمى ويسلم قلبك الطيب

الله يسامح الجميع حنين

كلنا محتاجين السماح والغفران من ربنا صحيح

تسلمي لمرورك الطيب ياقمر
ربي يسعدك دايما

[Lamees]

الاجر والثواب عند الله اهم.شيء
وربنا يسامحنا ويسامح الجميع
ندعوا الله ان يكون بجانبنا
والله لا يخذلنا ابدا

[جبل عالي]

اقتباس المشاركة الأصلية كتبت بواسطة السفيره عزيزه جبلوا حبيبي لا تندمي البتة على تقديم الخير ولا على التعامل باخلاقنا ال جيبة لنا التعب .لالا والله الى ان نموت سنظل هكذا ان شاء الله. واقول للربونا وعلمونا الفضائل الله يجعلة فى ميزان حسنتهم. يا جبل الا يكفيك ان يصنف عملك حسنات تجديها هناك الل يكفيك ان تنظري الى نفسك نطرة احترام ورضي عندما تجدي نفسك وسط الالاف درة ثمينة .وان كانوا لا يجيدون تقييمها انظري لمن حولك فى العمل فى مجال الزمالة الصداقة حتى في محيط الاسرة .عندما يمرون بازمة اين كان نوعها حتى لو عاطفية ..لمن يلجئون امام من يبكون لمن يقولون ريحتي قلبي الله يبارك فيك ....لاتندمي ابدا بل استمري وزيدي فلعل كريم يصادفة حظة فيقول يا سلام الدنيا لية بخير اما بقة لو كان لئيم فكيف نحتار ومعنا الكتاب والسنة كوني اقوي من السيف على رقبتة .اريه بأسك فهو لم يقدر حلمك واصلك .وهذا دوائة. الحكمة كنز حبيبتي جبل .متى نغدق حنان ومتى نعطي منة قطرات ومتى نبدلة شدة وقسوة .هنا هو القول الفصل. ولكن لن نكون الا مضرب الامثال .خطوات ثابتة ورحمة فى محلها .وسخاء وكرم لمن يستحق ومنع وامساك يد على الائيم ... هنقول للعلمونا الله يرضي عنهم ويرحمهم وربنا يبارك لك فى اهلك جبل دمتى كما عرفتك حنونة راقية ورقيقة ودي وحبي واحترامي وحجات كتير كتيرة حلوة يا جبلووووو

حبيبتي الغاليه مرورك أثلج صدري حقا

واقسم لك كل كلمه في ردك هو ماأقوم. به بالفعل
لكن لا أخفي عليكي ... لقد طفح الكيل ونفد الصبر مني

تسلمي لروحك الاكثر جمالا غاليتي

[اشرف 2006]

فيه فرق كبير جدا بين الرجوله والجدعنه والاخلاق الجميله وبين الهبل والعبط

صاحبتك دى عملت اللى عليها وزياده وساعدت صاحبتها انها تلاقى شغل

أنما توقف جوز صاحبتها فى المحل بتاعها ليه ؟؟؟؟؟ اوفر اوى منها بصراحه

وياريتها كانت بتباشر عملها فى المحل كمديرة مثلا انما سابتله المحل وقَعَدت

فى البيت .. ده كلام ياجدعان ؟؟؟

انا لو منها اطرده فورا من المحل وأقول لمراته ( اللى هى صاحبتها ) انتى دلوقتى

بتشتغلى يبقا المفروض تاخدى جوزك وتعيشوا فى مكان منفصل بعيد عنى

والاصول ماتزعلش .. ربنا بيسامح العبد لما يقصر فى الواجبات المفروضه عليه

تجاه الدين اما المظالم بين العباد فلابد من القصاص لها او ان يتسامح العباد

مع بعضهم البعض

ربنا يهدى الجميع

[طارق الجميل]

انا لايمكن الوم على اهلى ولاعلى نفسى مكارم الاخلاق
والفضيله وحسن معاملة الغير اللى انا تربيت عليها مش عيب
العيب موجود في ناس ماتعرفش الكلام ده واذا كان فهمهم لحسن
معاملتى معاهم خطأ ف دا عادى جدا لان حياتهم كلها خطأ ولخطأ
يتصلح انا ماتولدتش معاهم انا عرفتهم وسهل جدا ابعدهم عن حياتى
اذا كانت دى الطريقه وافهم من كدا ان شريكه ماخانوش الواضح ان
الشخص ده هو اللى خاين ودا واضح ومش هقول الله يسامحه .......
لكن هقول الله يهديه .. الموضوع قد ايه حساس ومؤلم وتعبنا ياجبل عالى

[مهيب الركن .]

الشهامه ليس لها علاقه بالجنس
بل على العكس هناك أشباه رجال
وهناك نساء بألف رجل

ويجب على الأنسان أن يقدم الخير
ويجب عليه أيضا أن يساعد الناس
ولكن لا تبسطها كل البسط
لو علمت الجميع كيف يخبزوا
لمن تبيع خبزك
ليس دعوه للأنانيه
بل هى دعوه لتحكيم العقل

وهناك فئه من البشر لا ينفع معهم ألتلميح او الحديث اللين
بل لا يفهموا الا لغة واحده
وهى الطرق فوق رؤوسهم لكى يستوعبوا ما يقال لهم
انا لم أفهم بعد أبعاد الموضوع كى أنصحك النصيحه النهائيه
التى ستمحى هذا الرجل من هذا المكان
ولكن أسأل الله أن يوفقك الى ما تريدى وتتمنى

[دمعه حائره]

دى طبيعة بعض البشر خير تعمل شر تلقى منهم
وبيموتو فى الانسانية كل القيمةالجميلة
لكن الاجر عند الله
وبالصبر على الابتلاء يكون الفرج القريب
هناتك بعض النماذج لا ينفع معاها الطيبة
لازم تتجة لاى جهة مسئولة تخلصها منهم
حفظك الله جبل