ليه افترقنا......؟....مسابقة كان زمان

[مارد الغضب]

وليه افترقنا
و رحنا لبعيد
و راحت حكايا
الزمان السعيد
و ليه كل منوي اغير طريقي
القي الخطاوي
تغوص في الرمال
وليه كل مسمع رنين الحكاوي
اسافر معاها لدنيا الخيال
وليه كل مسأل
ليه افترقنا
الاقي الاجابة
مخاصمة السؤال.
.
و ليه في العصاري
بحس بحنين
و ليه مهما اداري
يبان في العينين
وليه توحشيني
وبينك وبيني
الاف السنين
وليه مهما اغمض بشوفك قصادي
وليه مهما انادي
مفيش استجابة
وليه السحابة
تمطر انين
وليه افترقنا
وبعنا هوانا في سوق العبيد
وليه غصب عني
بعود من جديد
لاني بحبك

[شاعرة الرومانسيه]

تسلم ايديك ابو اسماء

كلمات راقيه

[اشرف 2006]

غبيه يامارد هتعملها ايه

هههههههههههههههه

حد يلاقى حد يحبه كده ويسيبه ؟؟

ملهاش فى الطيب نصيب


كلمات رائعه وقويه


تحياتى

[جبل عالي]

ماشاءالله واول مشاركه ع المسابقه رائع جدااااا
تسلم ايدك ابواسماء وان شاءالله موفق يارب

[طارق الجميل]

اقتباس المشاركة الأصلية كتبت بواسطة مارد الغضب وليه غصب عني بعود من جديد لاني بحبك

طبعا مهما كان الخصام والبعاد والفراق وحتى العتاب
مدام الحب موجود الانسان بيسامح ويعود من جديد
موفق ان شاء الله بس مدام انك عودت يبقى ماحصلش
فراق بدايه رائعه وننتظر من القادم

[دمعه حائره]

وهو الحب كدة لما يكون بصدق
مستحيل نسيانة مهما حاولنا
تسلم وبالتوفيق يارب

[*فجر الاسلام*]

حلوه جدا بالتوفيـــــــــــــــق

[العاشق الذى لم يتب]

ومهمابعد الحبيب
ولاالظروف فرقت
لايمكن الحب يضيع ويتنسى
منورمارد
بالتوفيق

[مارد الغضب]

اقتباس المشاركة الأصلية كتبت بواسطة شاعرة الرومانسيه تسلم ايديك ابو اسماء كلمات راقيه

.
دمتي سباقة
تحياتي لسموك

[مارد الغضب]

اقتباس المشاركة الأصلية كتبت بواسطة اشرف 2006 غبيه يامارد هتعملها ايه هههههههههههههههه حد يلاقى حد يحبه كده ويسيبه ؟؟ ملهاش فى الطيب نصيب كلمات رائعه وقويه تحياتى

.
اشكرك اشرف
بس علي فكرة
دي كانت بنت عبيطة
بس مراية الحب عامية
ولاّ يمكن انا اللي احول
.
تحياتي لسموك الرائع