ساعدونى فى المشكلة دى

[دمعه حائره]

السلام عليكم اخواتى
طبعا النهردة الجمعة ومفروض اقولكم جمعة مباركة
واسبوع خير والكلام دة كله
بس هايجى منين الخير والبركة بعد اللى حصلى
انا فى ازمة كبيرة ومحتاجة تقفوا جمبى فيها
مش احنا اخوات وبقالى معاكم ست سنين اهو
حد فيكم شاف منى حاجة وحشة ولا زعلتكم
تخيلو انا بحب المنتدى قد اية ومتعلقة بيه ازاى
وبكتب خواطر ومقالات واخيرا حسيت انى مرتاحة
بعد مابقيت من غير مسئولية
وبدخل كل ماكون عندى وقت فراغ
اللى حصل ان بابا صعب اوى ومبيعترفش بقصة الاشعار
والكلام ده وعرف انى بكتب خواطر وبدخل منتدى
وقامت خناقة كبيرة ومصصم انى امشى من هنا
وكمان عاوز يلغى النت خالص
يرضيكوا يعمل فيا كدة
طب اكتب فين تانى واحقق ذاتى وكيانى
انا خلاص بنهار لو منعونى من الاشعار
دة حياتى كلها شعر والله حرام وقهر

انا بترجاكم تتحايلوا علية يخلينى هنا
وعرفوه انى مش غلط ممارسة الهواية دى
ياجماعة انا لو منعنونى من المنتدى هاموت
ماقدرش ابعد عن المنتدى وعن اخواتى
كلموه قولوه حرام عليه
وانا اخليه يشوف الموضوع عشان يمكن يقتنع بكلامكم
وانا اردلكم وقفتكم جمبى ومش انسى ابدا جميلكم

[الفيلسـوف]

مبدئيا ف بدايه القول بقول ان الكتابه هى روح السخص
الفضفضه الذى يستطيع بيها الانسان اكمال كل شى
وطالما هى لم تمس الاخلاق فلم يرد قول يحرم ذلك
واعتقد انى من هى ليها خمس سنين هنا يمكن انا ماحضرت
بدايتها وعلاقته هنا ف المنتدى معروفه للناس جميعا
من اخلاق واحترام منهج معروف يطبق للجميع بلا استثناء
اما عن كتابه الشعر اعتقد انه هو مش حرام طالما
انها لم يثير الغرائز او الشهوات واعتقد انى ف شعرك
انتى بتكونى ملتزمه جدا يامنه اتمنى من الاب الفاضل
الكريم السماح لها ودائما الانسان رقيب ذاته وهى انسانه تخاف الله
ولا استطيع قول اكثر من ذلك

[دمعه حائره]

يارب يسمع كلامك يامحمود لحسن ده انا هامووت

[شاعرة الرومانسيه]

اولا حرام عليكى يامنه أقسم بالله قلبى وقع من الخوف

انتى عارفه انتى بالنسبه لى ايه حرام عليكى

اتركى بابا عليه لما يعرف انك من الناس المحترمين هنا

عايزه أقوله لو سمحت يابابا اسمحلى اقول لك بابا

لأن منه معانا منذ ست سنوات انا شخصيا تعلمت منها

الكثير تعلمت الانسانيه والاحترام والحب والعطاء والهدوء

تعلمت منها مالم اتعلمه من ماما

بين سطورها تعلمت كيف يكون للكلمه احساس وروح

تعلمت بين سطورها كيف يكون الاحترام للغير

فهى استاذة للكلمه المحترمه

ارجوك لا تحرمنا من عطاؤها الزاخر بكل الحب

لأنك بهذا القرار هاتزعلنا جميعا

أهنئك بابا بأنك أنجبت هذه الشخصيه الرائعه المحترمه

احترامى لك

[۩۩ elMagic ۩۩]

دمعه حائره
مثال الاخلاق والاحترام
وكل افراد الموقع يعرف كيان دمعه حائره
انا بتعلم منك الهدوء والتعامل مع الاشخاص
واصحاب الاشعار والاقلام بيستفادوا من الخبرة الادبيه اللي بتتحلي بها
الموقع كيان بيقدر كل شخص صاحب راي ووجهة نظر
مادام في نطاق التقدير واحترام الغير
وكل من في الموقع اخوة في الله
والتعامل في نطاق العرف والدين
بما يرضي الله ورسوله عليه أفضل الصلاه واتم التسليم

[فداااااااااااء]

ولما حرمت الكتابة ان لم تكن فى مغضبة الله
لم يكن التعبير عن ما بداخل الانسان شيء محرم طالما لم يخرج عن مبادئ الشرع والقيم الاخلاقية

لما الرغبة فى سجن الفتاة حتى كتابيا ماهى الجريمة هنا ان تكتب وتعبر عن شيء يسعدها يحزنها فهذا افضل من ان يتم كتم التعبير فنصبح كمن يعيش فى معتقل محرم عليه حتى التنفس حرفا

اخبرى والدك كم من المحبة التى زرعت فى القلوب لك وضعفها الاحترام فهذا شيء ليس الجميع يناله

نحن هنا اسرة قائمة على الفكر والتعاون يحيط بها المحبة والتقدير والاحترام للجميع

فاى جريمة فى ذلك

عفوا فيجب على والدك الا يكون سجانا لكى

خالص الاحترام

[دمعه حائره]

حنين شكرا ياحبيبتى ربنا يخليكى
ويارب يسمع كلامك
دة انا لسه مانزلتش خاطرة المسابقة

[دمعه حائره]

كتر خيرك يااحمد قولة والنبى حرام عليه الل بيعمله دة
هو انا لسه صغيرة يعنى

[دمعه حائره]

شايفه يامروة مش دة بابا اللى بحبة وماقدرش على زعلة
مش كفاية بقى قمع وقهر

[شاعر الحب الحزين]

الله يمسيك بالخير يا حج

بص انا كنت رايح اكتب شعر في الابداعات

ولما شفت الموضوع ده وقفت الكتابة وجيت فورا اشوف الحكاية

طبعا حقك تخاف على بنتك ولو مش انتا هتخاف عليها مين هيخاف عليها

بس انتا كده بتحرمها انها تمارس هوايتها اللي من غير اراء الناس صعب تستمر

زمن الدفاتر ولى يا حج ومعدش حد بيكتب على الورق

انتا عرفت تربي وماشاءالله بنتك قمة الاخلاق والاحترام وما شفنا منها غير كل خير

احنا ملناش نتدخل في قراراتك بس الموضوع ده مفهوش حاجة محتاجة قرار صعب زي ده

بنتك انسانة محترمة وهنا الكل بيتعامل باحترام وأدب ف بتمنى العدول عن قرارك ولك جزيل الشكر والامتنان


ربي يعطيكي العافية منة