ماذا تفعل لو كنت مكانى

[ابو نصير]

كنت أنعم بحياه سعيده فى بداية زواجى وكأنى أمتلك الدنيا ونعيمها ........
فرزقنى الله بطفل عند الولاده توفاه الله ...........
واكثر من ستة شهور لن تظهر أعراض الحمل على زوجتى فقلنا يمكن علشان الصدمه الاولى والنفسيه
تعبانه شويه .......
وبعد فتره ذهبنا للدكتور وقمنا بالتحاليل الازامه فقال لى الدكتور أنك مصاب بالعقم
السؤال
ماذا تتصرف الزوجه وهل تقبل العيشه وهى خلقت من أجل الأمومه ؟؟؟؟؟؟؟؟؟؟
وماذا أيضا لو هى زوجتك هل تقبلها أو تتزوج عليها ؟؟؟؟؟؟؟؟
ارق التحايا
ابو نصير

[اشرف 2006]

تغير الدكتور على طول

لانه حصل حمل قبل كده يبقا ازاى عندك عقم ؟؟؟

ماأكثر اخطاء الأطباء فى هذه الايام

وعموما انا بختار الزوجه علشان نبنى حياه مع بعض وهى كذلك

وموضوع الأولاد ده رزق من عند المولى يهبه لمن يشاء

تحياتى

[ابو نصير]

اقتباس المشاركة الأصلية كتبت بواسطة اشرف 2006 تغير الدكتور على طول لانه حصل حمل قبل كده يبقا ازاى عندك عقم ؟؟؟ ماأكثر اخطاء الأطباء فى هذه الايام وعموما انا بختار الزوجه علشان نبنى حياه مع بعض وهى كذلك وموضوع الأولاد ده رزق من عند المولى يهبه لمن يشاء تحياتى

اشرف
هذا هو قدره كما يصيب الانسان بالعمى بعد البصيره وغيره
ارق التحايا
ايه موقف الزوجه والعكس صحيح
افيدنى افادكم الله
ابو نصير

[حازم34]

السؤال الاول


كيف حدث الحمل الاول


والفتره لازالت صغيره وست شهور


وهل هو تعرض لحادث او شئ


ولماذا لايذهب الي طبيب اخر


ثانيا


هي بالخيار وانا لها مطيع ان ارادت ان تكون معي لعل الله يحدث بعد ذلك امرا


او ارادت ان تكون ام فلها ماتريد


اما لو كانت زوجتي عقيم


اطلاقا لا افكر في اذيتها اطلاقا باي كلام او شئ مما يفعله الجهلاء


واجعلها تعيش في سعاده وناتي باطفال ايتام كما هي تحب النوع


لنربيها


وان عرضت علي هيا ان اتزوج بعد فتره اوافق


بدون ان اشعرها باي الم


تسلم والله استاذنا ابو نصير ومنور قسم النقاش

[نجاة حسام]

اممممممممممم هو بما انى معرفش حاجه بجد بس سالت الحاجه بتقولى انى عبيطه

هههههههههه

معلش ازاى حامل كانت والزوج مش بيخلف دى حاجه ؟

بص فى بلدنا والحمد لله اهمال جامد فى معامل التحاليل

ومحدش يقدر يحكم على تحليل واحد وزى ما اشرف 2006 اكيد الدكتور غلطان
ده للموضوع الاول

التانى وايه يعمل ومراته وكده

بص اغالى ايه هيفيدو انهم يجيبو طفل ويطلع فى يوم مثلا طفل عاق ومش كويس ساعتها هيتمنو انه مش يخلفو صح

ولو بتحبو اكيد جوزها هيكون معوضها عن كل شىء الامومه مش طفل هى تولده بس

ماعند بنت اخويه بتقولى ماما نوجه وانا اصلا مش متجوزه
ربنا بيعوض ومتعرفش ربنا كاتب ايه
طب اقولك حاجه والله عريس لسه ربنا متوفه وهو مش كمل 6 شهور متجوز ومراته حامل تفتكر هتعمل ايه بابن من غير زوج ربنا كريم
ومافيش احن منه
ويعالم ربنا كاتبها تكون ام وهو يكون اب

[اشرف 2006]

اقتباس المشاركة الأصلية كتبت بواسطة ابو نصير اشرف هذا هو قدره كما يصيب الانسان بالعمى بعد البصيره وغيره ارق التحايا ايه موقف الزوجه والعكس صحيح افيدنى افادكم الله ابو نصير

ماانا لخصتك القصه كلها وقولتلك الأولاد هبه من عند المولى عز وجل يهبها لمن يشاء

وممكن يكون سليم بس ربنا مش رايد له يكون عنده اولاد

الزوجه لو بتحبه وبترضى بقضاء ربنا هتستمر معاه

ولو مش عايزه طبعا محدش يلومها لان ده حقها برضه

كل حاجه لازم تحصل بالوفاق والاتفاق مفيش حاجه بالعافيه

وربنا يصلح حال الجميع

[السفيره عزيزه]

يا رب فرج كرب المكروبين ..
لو كنت انا الزوجة وكنت انا السبب الذي
ادي لعدم وجود طفل ..اخير نفسي بين امرين
الاول اني ادفعة للزواج من غيري دفعا.
لانى حرمت من الامومة فكيف اذيقة
الحرمان من الابوة
ولعل اولاد زوجي يعوضونى بعض ما حرمت
اما اقول للزوج الذي اراد الله ان يكون السبب
لا ترغمها على البقاء معك ان ارادت الانفصال
لان هذا حقها ولا تسمي قلية اصل لالا
انها الامومة .
ان اختارت ان تبقي لحبها الشديد لك فلها ما اختارت
وتحمل حالتها اذا هبت نسمات الامومة عليها.
لانها لم تضحى بالقليل..

كل التحايا لابو نصير
ونتمنى لك كل الخير

[مهيب الركن .]

سواء كان العيب من الرجل أم من المرأه
فالصبر مطلوب
والأخذ بالأسباب مطلوب
والدعاء الى الله هو أهم مطلوب

والله أخى الكريم منذ فتره استوقفتنى تلك الأيه
( وإني خفت الموالي من ورائي وكانت امرأتي عاقرا فهب لي من لدنك وليا )
وسألت نفسى وأنا أقرأها
ولماذا لم يتزوج سيدنا زكريا أخرى برغم ان العيب ليس فيه
لماذا فضل البقاء مع زوجته العاقر حتى هرموا وهو لا يمل من الدعاء
حتى رزقه الله
الصبر مطلوب
والدعاء مطلوب
وأفضل ما يتم الدعوه به هو دعاء سيدنا زكريا
ربي لا تذرني فردًا وأنت خير الوارثين

هذا رأيي والله المستعان

[Arco Baleno]

لا يتزوج عليها طبعا
فا ان كان يحبها لايقبل يكون اب من غيرها
وان الله رحيم رحمه سبقت قدره
لو تدعو الله برحمته لجعلها تحمل
كا الامراه التي كتبت عقيم وفي كل مره
يقول كتبتها عقيم وبعد فتره رجعت تحمل طفلا معها
فتعجب موسى وسئل ربه عنها
وقال دعتني برحمتي ورحمتي سبقت قدري
الثقه بالله والدعاء برحمه الله
يحقق كل شي
لاصعب على الله

[همس الحنين]

عقم ازاى

عموما الطب الحالى له طرق كتيره فى علاج حالات العقم عند الزوج والزوجه

لكن لو فعلا حصل والزوج معاق ما اظنش فيها مشكله من تكملة الزواج

لو الزوج يستحق وفي بينهم موده وحب الحياه بتدى السعاده والاحزان

وربنا وحده هو الرزاق

ده ف حالة وجود تعامل بمحبه وثقه بينهم

احترامى