قدام عيونى لسه صورتك ..مهيب..( مسابقة كان زمان )

[مهيب الركن .]

شايفك قصادى
عمرك فى يوم ماغيبتي
ولسه عنك بحكي ياما
ولسه شايفك رغم بعادك برضه حبيبتى

عدت سنين

وانا لسة فاكر كل اللى فات
قدام عيونى لسه صورتك
عمرك فى يوم ما هتبقى ذكريات
ميغركيش إنى عامل مش هممني
أو يخدعك طول السكات
حبك فى دمى نهر لسه بيجرى
من مولدى لحد الممات

عارفه

لما طال البعد
عقلى قالى حب غيرها
ما هو كلهم زى بعض
قلبى قالى صعب تنسى
إرجع وبطل عِند

وكل ما أنسى
يفكرنى زمانى
بضحكه حلوه كنت أسمعها منك
وهمسة بحبك لسه بترن فى ودانى
ويلومنى عقلى
ويقول هترجع للغلب تانى
أقول بحبه
مجنون بحبه
ومعاه بعشق جنانى
وأتارى لما كنت فاكر روحى ببعد
كنت طول الوقت
ماشى فى مكانى


بقلم مهيب

[شاعرة الرومانسيه]

تسلم ايديك اخى مهيب

كلمات رائعه توجها احساس أروع

بالتوفيق ان شاء الله

[۩۩ elMagic ۩۩]

جميله كلماتك
دمت ودام نبض قلمك

[ايمان طلعت]

لا تعاند القلب
لف وارجع تاني
كلمات رقيقه
بالتوفيق

[fanaa]

اخلاص ووفاء من قلب أحب بصدق
كلمات راقيه مهيب يابن والدى
بالتوفيق

[جبل عالي]

كلمات مغعمه بكل الاخلاص والحب
رغم مرور الزمن وصعوبه الظروف

احساس عالي وتعبيرات قويه ماشاءالله

موفق يارب

[مارد الغضب]

عن جد
كلمات قوية ورائعة
استطعت ان تصف بها حالة واقعية
ما شاء الله
استمتعت بكلماتك جدا
تحياتي لسموك

[دمعه حائره]

الله كلمات رائعه حسيتها جدا
تسلم وموفق يارب

[مهيب الركن .]

اقتباس المشاركة الأصلية كتبت بواسطة شاعرة الرومانسيه تسلم ايديك اخى مهيب كلمات رائعه توجها احساس أروع بالتوفيق ان شاء الله

الروعه هو مرورك الراقى اختى الكريمه
تقبلى تحياتى وتقديرى

[مهيب الركن .]

اقتباس المشاركة الأصلية كتبت بواسطة ۩۩ elmagic ۩۩ جميله كلماتك دمت ودام نبض قلمك

الجمال فى مرورك العطر
تقبل فائق احترامى اخى الكريم