قدرك تشتاق مسابقه كان زمان

[fanaa]

خدنى الحنين لذكريات حبايب ... كانو فى يوم جمبى خدنى بلهفه قلب دايب لأجمل سنين عمرى خدنى بعيد ...... من لما كان فى الصبا عمرى بيتى القديم والجيران وايام لعبتى بنام وهى فى حضنى شيفانى لسه هناك عندنا فى شارع قديم بضحك وبجرى وانط وارن اجراس الجيران وانا راحه المدرسه من الصبح بدرى ويندهو على بابا وبيشتكولو ويقول ومالو دى عيله ومايرضى ابكى ولسه فكره محمود جارى الاقدى لما كان ينده عليا نلعب سوى ولما يلقى حاجه مرميه ويقول دى ليا اشدها منو واقوله لا دى اصلا بتاعتى ولسه فكره يوم حصه الحساب لما خدنى وقالى مش لازم تحضرى ونجرى ويا الزمن ع شجر التوت نجيب الا نطوله وفى لحظه نجرى علشان لو حد شافنا ميلحقشى انو يمسكنا ويروح يقول لمامتو ومامتى لسه فكره ..... لسه فكره قاعده جدتى على الحصير فكره لمه يوم عزومه .. فكره كوبايه العصير فكره فرحه جدى يوم اول حفيد حتى صوت الضحكه والملحه فى يوم السبوع ويدوبك فات من بعدها اسبوع الا راح والا سافر ولاا قال همشى والخطاوى الا كان من كترها التراب لو زادله ضعف الضعف ما يبنشى لسه الحنين جوايا وخدنى فى الصوره صوره معالم روحها جوايا مكسوره وقف معاها الوقت خدلو كام صوره ويعدى بيا العمر والعمر بيعدى وجواه طفله فى برواز السنين ببراءه شوق وقلب وروح متعلقين بنفس الحضن من باباها وقتها كان معاها ولسه ايديها مسكه ايده متعلقه بلعبها ويا الصحاب متعلقه بناس فى الغربه دلوقتى دانا لسه فكره ريحه الرغيف وقت الخبيز وقت أما ستى عشان ادوقه تنده لى يااااه ... ايام زمان .... طب دلوقتى يامين ياخدنى ياناس ليها يامين يرجع لياليها طيب وفينكو حبايب قلبى طب فين اللمه والجمعه فى بيت عيله وفى يوم الجمعه دلوقتى لا عيله ولالمه فارقونى وانا عشت لوحدى مع حبه صور فضله ليا من أجمل ايام فى عمرى دمعى ع الخدين بينادى فين اراضيكو يا اغلى احبابى والا مسافر راجع امتى والا مخاصم هيفوق امتى والا راح للجنه خلاص واخد معاه فرحه قلبى بس خلاص .... خلاص ياقلبى راحو بتقيد ليه الحنين وشايفهم لسه قدامك مع انو مر سنين معقوله لسه فيك الامل يرجعولك ياقلبى دا قدرهم يمشو وقدرك تشتاق 2/4/2016 aya yousef

[۩۩ elMagic ۩۩]

دانا لسه فكره ريحه الرغيف وقت الخبيز
وقت أما ستى عشان ادوقه تنده لى

عليكي جمل ابنت والدي
اصلي بقى

[جبل عالي]

الله الله الله
ايه الجمال ده كله

موفقة يا حبيبتي ان شاءالله

[Doaa Hammam]

ذكريات حلوة عشناها معاكي بكل تفاصيلها

تبقى الذكريات ويموت أصحابها

هكذا هي الحياة

اسلوبك رائع وقلمك راقي

[fanaa]

اقتباس المشاركة الأصلية كتبت بواسطة ۩۩ elmagic ۩۩ دانا لسه فكره ريحه الرغيف وقت الخبيز وقت أما ستى عشان ادوقه تنده لى عليكي جمل ابنت والدي اصلي بقى

ههههه
تسلم يا ماجيك
منورنى والله

[fanaa]

اقتباس المشاركة الأصلية كتبت بواسطة جبل عالي الله الله الله ايه الجمال ده كله موفقة يا حبيبتي ان شاءالله

مش اجمل منك جبل
تسلميلى حبيبتى ع المرور

[fanaa]

اقتباس المشاركة الأصلية كتبت بواسطة doaa hammam ذكريات حلوة عشناها معاكي بكل تفاصيلها تبقى الذكريات ويموت أصحابها هكذا هي الحياة اسلوبك رائع وقلمك راقي

مرورك الاروع حبيبتى
تسلميلى يارب

[العاشق الذى لم يتب]

الله عليك مبدعتنااية
روعة كلماتك
وجميلة مشاعرك
بالتوفيق بالمسابقة
تحياتى

[حازم34]

ايه الجمال والروعه دي

لسه فاكره ماشاء الله والرغيف والخبيز


ايام جميله والله يا ايه فينها دي


اقول للزمان ارجع يا زمان وهات ال كان


راح كله فين

ما اجمل الذكريات باسلوبك الجميل والروعه دي


خلاص بقي المركز التاني بعدي ههههههههههه


تسلمي يارب اختي الكريمه علي جمال ما ابدعتي


ارق التحايا الك

[مارد الغضب]

بسم الله ما شاء الله
كلمات غاية في الابداع
ذكريات غلفها الحنين
تحياتي لسموك