زفرة ألم

[جبل عالي]

مين فينا اختار حياته ؟؟
حلمه.. ولا حتى ذكرياته

يوم يعدي سريع زي اللي فات

والتاني جايب معاه شويه حجات

ضحكه يمكن ... غنوة ممكن

بس الأكيد وكلنا عارفين
ان دموعنا كانت كتير

ضيق حال ....قسوة ظروف

فراق .. بعاد...قلق وخوف

وكلام متكفيهوش حروف

الضحكة خايفه وسارحه...

بتمشي وتاخد معاها لمعه عيوننا

والفرحة بتهرب بعيد عنا وتستخبى

وكأن حزننا خايف علينا منها

ياعمر يللي بتجري استنى

خدني معاك على جناح الفراق

انا طيري سبقني ونسيني هنا

ورجوعه شيئ... محال

وقلبي انا تعب من سوء الحال




همسه تعب

جبل عالي

[فداااااااااااء]

هى دى الحياة عزيزتى جبل
المر أكثر من الحلو فيها
سلمتى غاليتى وسلم قلبك من الشجن
لروحك السعادة

[۩۩ elMagic ۩۩]

نعم هى الحياه كده بقى
جميل ما تم سرده
تسلمي ميس امل

[توحد ارواح]

انها الحياه نعيشها بارادتنا او مرغمين
نبض رائع جدا
وفقكِ الله

[العاشق الذى لم يتب]

تفائلى خيرا
ازدادى صبرا
كونى بخير
اذهب الله حزنك
واسعدقلبك
ورائع هو العزف
سلمت يمناك
دمت بخير

[دمعه حائره]

الحياة دار مشقة وتعب
وعلينا ان نتحمل وعند الله نحتسب
سلمتى جبل رائعه

[مارد الغضب]

الحياة في تجدد مستمر
نسعد ونشقي
نحب و نهجر
فلا حال يدوم
ولا دنيا تستمر
سلمتي اختاه من زفرات الالم
تحياتي لسموك

[همس الحنين]

كلماتك جميله جبل

الحياه مليئه بالمتغيرات

بس الجميل تتغير الحياه ولا يتغير جوهر الانسان

كلمات رائعه

[fanaa]

هى ديما كدا
سرقه عمرنا
دايسه على احلامنا
مجتش مره فى صفنا
بس عادى طبيعى مش جديد
قلبها ديما من حديد
هى الدنيا كدا بس الاكيد
بكره الاجاى شايل افرحنا
كلمات راقيه جبل
اسعد الله ايامك

[السفيره عزيزه]

ولقد خلقنا الانسان فى كبد
كلام ربي سبحانة
لن تكتمل الدنيا لاحد
ولن تمهل احد حتى
يصنع ما يود
ناخذ بالاسباب وربنا
من يقرر وعلى قدر
حبة لعبدة يبتلية
فصبرا جميل جبل
واهو من دا ودة
لحين نوصل عند ربنا
وان شاء الله جنة فيها
كل ما فاتنا وزيادة

سلمت الحبيبة من الالم
الخير كلة اتمناه لك جبل