الخطأ التحكيمي وارد في مباريات الزمالك فقط !

[محمود الصاروخ]

اقتباس المشاركة الأصلية كتبت بواسطة واد حبيب يا محمود الزمالك فريق كبير ومش كل متش يتغلب يقول التحكيم لو هتقول التحكيم كان المفروض ايمن حفني وطارق حامد ياخدو طرد انا شوفت المباره كامله الزمالك كان افضل طول المباره بس معندوش المهاجم اللي يخلص الاسماعيلي راح بكوره واحده وغلطه من كوفي وطلبه جابو الجون

في البدايه وقبل كل شيء منورني كالعاده محمد وفينك كده مختفي من فتره ؟؟
كنت متعود دايما الاقي نقاشك الجميل في الرياضه ولكن اختفيت فجأه
أتمني تكون بخير ياكبير والدنيا ماشيه تمام وزي الفل

بخصوص مباريات الزمالك ياكبير تقدر تقولي الزمالك له كام ضربة جزاء
منذ بداية الدوري لحد أخر مباراه لم تحتسب ؟ وكلها ضربات صحيحه ؟؟
وفي نفس الوقت تقدر تقولي كام ضربة جزاء للاهلي واتحسب منها كام ؟؟
ياكبير الخطأ التحكيمي في مباريات الاهلي دائما يكون لصالحه
وفي مباريات الزمالك يكون لصالح المنافس ولا اعلم لماذا

وبخصوص مباراة الزمالك والاسماعيلي في نهاية الشوط الاول
كانت هناك ضربة جزاء واضحه للزمالك وصحيحه مليون في الميه
واعتراض ايمن حفني كان علي الكوره دي بشكل عام

بأي منطق ياصديقي العزيز تقولي حفني وحامد يستاهلو طرد
وفي الوقت نفسه المباراه لم تلعب كامله ؟؟ لك ان تتخيل يامحمد
أن المباراه توقفت من الدقيقه 60 لـ 64 بسبب سقوط لاعبي الاسماعيلي
ما بالك بـ باقي المباراه ؟؟ وفي الاخر الحكم يحتسب 6 دقايق وقت بدل ضائع

لك أن تتخيل أبو اياد بأن ابراهيم نور الدين الذي تغاضي عن ضربة
جزاء للزمالك أمس امام الاسماعيلي هو نفس الحكم اللي تغاضي عن
ضربة جزاء للمصري في مباراة الاهلي وكادت ان تقلص الفارق بين
الاهلي و الزمالك وتجعله 3 نقاط فقط وقتها

هدف الاسماعيلي غلطه من عمر جابر وحماده طلبه
كوفي هو أرجل لاعب في الملعب في مباراة امس

منورني دايما ياغالي بردود مميزه

[محمود الصاروخ]

اقتباس المشاركة الأصلية كتبت بواسطة اشرف 2006 اكيد يامحمود ياحبيبى كلامك غلط واليك الاسباب 1-اعجابى بشخصيه رئيس النادى الاهلى وفكره الادارى ده شئ ايجابى لان الراجل حقيقه محترم وحتى لما مرتضى هاجمه على كل الفضائيات الراجل بكل أدب رفض الدخول فى مهاترات ولم يرد عليه .. مش عايزين نطمس الحق يامحمود وبعدين نقول هو الظلم انتشر ليه !!! 2-من اكبر خيبات هذا الزمان ان ننتظر النجاح والفلاح على ايدى الفسده والظلمه والبلطجيه .لاعبى الزمالك يامحمود عايزين ادارى محترم يعطى الحقوق وينتظر الواجبات من اللاعبين مش يفضل لاعب على لاعب علشان دمه خفيف او ماشابه ذلك وطول عمر الزمالك كده على فكره ولو تفتكر كان فاروق جعفر وحسن شحاته حاجه وباقى اللاعبين حاجه تانيه مش بتكلم فى اختلاف التقدير المالى لاء طبعا لأنهم يستحقون هذا انا بتكلم ان واحد زى فاروق جعفر كل طلباته مجابه وواحد زى المحترم على خليل كان بيتسول مرتبه من النادى كل شهر . 3-نيجى بقا للكلام الفنى ياعم محمود وبكل حياديه لازم نسال أنفسنا هو الحكم منع الزمالك ان ينفذ هجمات تكتكيه منظمه ؟؟ هو الحكم منع الزمالك ان يلعب عن طريق الأجناب والتمريرات العرضيه اللى بيجى منها الان معظم الأهداف ؟؟ هو الزمالك جاب أهداف والحكم لغاها ؟؟ طب ليه الحكم ده مخافش من مرتضى منصور ؟؟ يامحمود ياحبيبى زمان كانوا بيسالوا بيليه ليه دفاعكم ضعيف والحكام مترصده ليكم ؟؟ بيليه ماقالش ساعتها أصل احنا محتاجين واحد زى مرتضى منصور هههههههه الراجل رد بكل بساطه وقال وأين المشكله ونحن نملك خط هجوم على اعلى مستوى فإذا دخل فى مرمانا هدف قام هجومنا بدك شباك الخصم ب 4اهداف . هو ده اللى احنا عايزينه للزمالك ولكل مؤسسه عايزه تنجح فى هذا البلد يامحمود (أعطوا الحقوق لاصحابها وابتعدوا عن المجاملات والفساد )هتلاقوا الدنيا زى الفل صباحك زى العسل

أولا يا اشرف بحييك علي النقاش المحترم جدا واللي مهما يطول مش نزهق منه
لسبب بسيط ان فيه احترام وعدم استفزاز في الردود مثل ما حدث من قبل من
أشخاص دائما يعارضون الموضوع بـ الاستفزاز انا هرد علي كلامك
نقطه نقطه وربنا يكرم و نقدر نوصل لحل مع بعض وفي النهايه
تبقي وجهات نظر والاختلاف في الرأي لا يفسد للود قضيه

الحكم علي مرتضي منصور يكون من الناحيه الاداريه فقط وليس علي
المستوي الشخصي لاننا نساند كيان الزمالك وليس شخصية مرتضي منصور
هسألك سؤال بسيط ياغالي وترد عليه وهو ده هيكون فيه الخلاصه علشان
مش أطول في ردي .. نجاح مرتضي منصور من أول ما بقي رئيس للزمالك
كان علي مستوي كرة القدم فقط ؟؟ ولا علي مستوي كام لعبه في النادي ؟؟
تقدر تجاوب علي السؤال ده مع نفسك ياغالي وهتفهم قصدي انا
بساند مرتضي ليه انا بكره مرتضي كـ شخصيه ولكن علي
المستوئ الاداري ف هو رجل ناجح ونقل الزمالك
من حل أسوء طوال السنين الماضيه اللي حال
ناجح وجلب لاعبين قادرين علي المنافسه في أي وقت وفي أي مكان

ماهو ياغالي أكبر دليل في مباراة أمس كل هجمه للزمالك بشكل عام يبدأ يبنيها
تفسد يا إما ب سقوط أحد لاعبي الاسماعيلي وكل لاعب يسقط أكتر من دقيقه
ولم يتحدث معه الحكم أو تفسد عن طريق صافرة الحكم بفاول لـ الاسماعيلي
ولو جينا نبص علي المباراه بشكل عام هنلاقي ان الفاول وهمي بشكل عام
والدليل علي كلامي أشرف كانت هناك كره لم اتذكر في الدقيقه كام بالظبط
ولاعب الاسماعيلي ساقط علي الارض واكمل لاعبي الزمالك الهجمه
وفي الوقت نفسه قام لاعب الاسماعيلي الساقط علي الارض وكأنه
كان يتعمد السقود لتتوقف المباراه وافساد هجمات الزمالك
أين الحكم من كل هذا يااشرف ؟؟

أما بخصوص المجاملات والفساد ياغالي اللي انت ذكرتها في نهاية كلامك
طيب مين اللي بيتجامل ؟؟ الاهلي ياكبير كان مختار 3 ملاعب وليس من ضمنهم
ملعب برج العرب أو الاسكندريه ولكنه يلعب في برج العرب والاسكندريه ولم يتحدث
معه اتحاد الكره المصري اذا لمن المجامله هنا ؟؟

أن تكون الاخطاء التحكيميه دائما وابدا لصالح الاهلي في مبارياته وضد الزمالك
في مبارياته إذا لمن المجامله هنا ؟؟؟

لا تجعل كرهك لـ مرتضي منصور يدفعك اللي ان تكرهه الزمالك !
بص بعين الحق فقط للمنظومه كامله وليس لشخصية مرتضي منصور

منورني دايما ياكبير

[محمود الصاروخ]

اقتباس المشاركة الأصلية كتبت بواسطة arco baleno داخله اتفرج في النقاشات حقيقي مش بعرف اناقش شي مش شفته بس اسلوبك حلو كثير في الكتابه موفق محمود كثييييييير

النقاش الكروي شيء جميل وان كانو مختلفين معايا في الرأي
ولكن دائما افيد واستفيد منهم بشكل عام

تسلمي حوراء علي مرورك الجميل جدا
منوراني دايما

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ هو اى حاجه نجيبها ف التحكيم عمتا انا مشوفتش المباراة فا مش هاقدر اقول إذ فعلا النتيجة مستحقه ولا لاء ولكن انا بقتنع بكلام سلمي وواضح ان الزمالك كان مقصر في الاداء الجيات كتير بقى والدورى لسه بدري عليه

انا بتكلم علي مباريات الاهلي والزمالك منذ بداية الدوري وليست هذه المباراه فقط
وبأي منطق مقتنع بكلام سلمي وهي اهلاويه مثلك تماما وعمرها ما هتقول الحق ؟؟
الصوره ياصحبي لا تكذب ولا تتجمل ولك أن تتخيل بأن المباراه توقفت كتير جدا
والحكم لم يتحدث مع لاعبي الاسماعيلي وانت تتفق مع سلمي وهي بتقول
ان الاسماعيلي كان احسن طيب ياغالي ماتخلي سلمي تقولنا الاسماعيلي
كان أحسن بأمارة اية ؟؟ وصل لجول الزمالك بكام هجمه ؟؟
هي هجمه وحيده فقط وغلطه من جابر وطلبه وهدف اللقاء !
قبل ما تقتنع بـ كلام سلمي ياغالي أرجو علي الاقل النظر
لـ احصائيات المباراه وشوف الاستحواذ والهجمات كانت
لصالح مين ومن خلالها هتعرف مين كان الافضل

أما بخصوص التحكيم ياغالي
تقدر تقولي الحكام تغاضو عن كام ضربة جزاء ضد الاهلي ؟؟ وحسبو كام
ضربة جزاء لصالح الاهلي ؟؟ بخلاف مباريات سجل الاهلي فيها بعد انتهاء الوقت ؟؟
وكام ضربة جزاء صحيحه للزمالك لم تحتسب ؟؟

منور ياغالي

[محمود الصاروخ]

اقتباس المشاركة الأصلية كتبت بواسطة طبيب الهوى شوف يا محمود قبل أن أتحدث عن ضربة الجزاء التي تتحدث عنها فريق الزمالك قدم أسوأ مباراة له هذا الموسم أمام فريق الإسماعيلي الضعيف جداً أما ضربة الجزاء فهي غير صحيحة وقد شاهدتها أكثر من مرة ومن اكثر من زاوية ضربة جزاء غير صحيحة وأيمن حفني يستحق الإنذار شجع فريقك كما يحلو لك ودافع عنه أما الأهلي يفوز بالتحكيم هذه الجملة أسمعها منذ بدأت أتابع الكرة الأهلي يفوز لأنه الأحق والأجدر حتى إن كان مستواه هابطاً لأنه يمتلك إدارة قوية تعلم ما لها وما عليها الزمالك يخسر رغم أنه يمتلك أمهر اللاعبين لأن إدارته تتدخل في كل شيء منذ اواخر الثمانيات نصيحة يا بني لا تعلق خيبة فريقك السيء على شماعة التحكيم تحياتي وودي وورودي أبو عصام

أبو عصام قبل ما أعلق علي كلامك كلمه كلمه انا هسألك سؤال واحد
انت حكمت انها مش ضربة جزاء بناءا علي ايه ؟؟ ايه القانون الرياضي
اللي يقول انها مش ضربة جزاء ؟؟؟ وقبل ما أعلق علي التحكيم بشكل عام
قولي مش الاخطاء التحكيميه وارده علي الجميع ؟؟ طيب ليه الاخطاء دي
دايما بتخدم الاهلي وليس العكس ؟؟ وليه الاخطاء دي دايما ضد الزمالك
وليس العكس ؟؟ مش غريبه ؟؟؟

منورني دايما استاذي الغالي وانتظر الاجابه لكي أرد
علي كلامك كلمه كلمه

تحياتي لحضرتك

[اشرف 2006]

اقتباس المشاركة الأصلية كتبت بواسطة محمود الصاروخ أولا يا اشرف بحييك علي النقاش المحترم جدا واللي مهما يطول مش نزهق منه لسبب بسيط ان فيه احترام وعدم استفزاز في الردود مثل ما حدث من قبل من أشخاص دائما يعارضون الموضوع بـ الاستفزاز انا هرد علي كلامك نقطه نقطه وربنا يكرم و نقدر نوصل لحل مع بعض وفي النهايه تبقي وجهات نظر والاختلاف في الرأي لا يفسد للود قضيه الحكم علي مرتضي منصور يكون من الناحيه الاداريه فقط وليس علي المستوي الشخصي لاننا نساند كيان الزمالك وليس شخصية مرتضي منصور هسألك سؤال بسيط ياغالي وترد عليه وهو ده هيكون فيه الخلاصه علشان مش أطول في ردي .. نجاح مرتضي منصور من أول ما بقي رئيس للزمالك كان علي مستوي كرة القدم فقط ؟؟ ولا علي مستوي كام لعبه في النادي ؟؟ تقدر تجاوب علي السؤال ده مع نفسك ياغالي وهتفهم قصدي انا بساند مرتضي ليه انا بكره مرتضي كـ شخصيه ولكن علي المستوئ الاداري ف هو رجل ناجح ونقل الزمالك من حل أسوء طوال السنين الماضيه اللي حال ناجح وجلب لاعبين قادرين علي المنافسه في أي وقت وفي أي مكان ماهو ياغالي أكبر دليل في مباراة أمس كل هجمه للزمالك بشكل عام يبدأ يبنيها تفسد يا إما ب سقوط أحد لاعبي الاسماعيلي وكل لاعب يسقط أكتر من دقيقه ولم يتحدث معه الحكم أو تفسد عن طريق صافرة الحكم بفاول لـ الاسماعيلي ولو جينا نبص علي المباراه بشكل عام هنلاقي ان الفاول وهمي بشكل عام والدليل علي كلامي أشرف كانت هناك كره لم اتذكر في الدقيقه كام بالظبط ولاعب الاسماعيلي ساقط علي الارض واكمل لاعبي الزمالك الهجمه وفي الوقت نفسه قام لاعب الاسماعيلي الساقط علي الارض وكأنه كان يتعمد السقود لتتوقف المباراه وافساد هجمات الزمالك أين الحكم من كل هذا يااشرف ؟؟ أما بخصوص المجاملات والفساد ياغالي اللي انت ذكرتها في نهاية كلامك طيب مين اللي بيتجامل ؟؟ الاهلي ياكبير كان مختار 3 ملاعب وليس من ضمنهم ملعب برج العرب أو الاسكندريه ولكنه يلعب في برج العرب والاسكندريه ولم يتحدث معه اتحاد الكره المصري اذا لمن المجامله هنا ؟؟ أن تكون الاخطاء التحكيميه دائما وابدا لصالح الاهلي في مبارياته وضد الزمالك في مبارياته إذا لمن المجامله هنا ؟؟؟ لا تجعل كرهك لـ مرتضي منصور يدفعك اللي ان تكرهه الزمالك ! بص بعين الحق فقط للمنظومه كامله وليس لشخصية مرتضي منصور منورني دايما ياكبير

انت عارف يامحمود انت بتفكرنى بمين ؟؟

كان زمان ليا 2 اصحاب واحد مجتهد وبيذاكر والتانى ضعيف ويعتمد على الغش الاول بينجح بتفوق ويشعر بلذه نجاحه والآخر بينجح برضه بس عارف فى قراره نفسه انه لايستحق النجاح فلو الاهلى بيكسب بالمجاملات والتحكيم كما تقول طب الزمالك المجتهد فين ؟؟؟ كلمه الحق بتقول سيبك من التحكيم فى الدورى وتعالى للقاء الناديين مع بعض انت فاكر الزمالك امتى اخر مره كسب الاهلى فى الدورى ؟؟؟ انا عن نفسى لو كسبت الاهلى وخسرت الدورى هاابقى سعيد جدا .
المهم بقا ياصاحبى انك تعرف انه استحاله نكره الزمالك كنادى اجتماعى محترم لكن نكره ان يكون قائد هذا الكيان المحترم بمثل هذه الأخلاق فالرياضة ياسيدى الفاضل اخلاق وروح رياضيه وتربيه لجيل يتحمل المسئوليه فعندما يرى الجيل الصاعد رئيس النادى يسب لاعب بأمه علنا وامام الجميع لاضاعته ضربه جزاء (محمد كوفى ) وينفوه بالفاظ قذره وتلميحات بذئيه ضد المدير الفنى للفريق على الهواء ايضا لخسارته مباراه فى الدورى العام هذا الموسم هل هذه هى الرياضه التى تريدها يامحمود ؟؟ هل هذه هى الأخلاق التى تريد تعليمها للناشئين ؟؟؟ هل تعتقد ان لاعبى الزمالك سيقدمون كل مالديهم ورئيس النادى يهددهم على البرامج التليفزيونية بانه هينشر تاريخ كل واحد فيهم من ساعه حاجه للنادى الى ان اصبح نجم ويقول لنجم هجوم النادى باسم مرسى وعلى الهواء ايضا انت جيت النادى لابس شبشب وهارجعك تلبس شبشب تانى ؟؟؟ إنجازات إداريه ايه يامحمود اللى بتتكلم عنها ؟؟؟ هتقولى عمل مبنى اجتماعى حلو للنادى !!! هااقولك وانا كجمهور هااستفاد منه ايه ؟؟ هتقولى عمل حمام سباحه عالمى هااقولك ليه ولأسرته ولأعضاء النادى يعنى من الاخر ينفع تجيب واحد بيسكر وبيشرب مخدرات بس ادارى مليون فى الميه ويعرف يظبط تجارته على اعلى مستوى وتخليه ناظر مدرسه ؟؟؟

طول ما الأساس بايظ يامحمود استحاله تعرف تبنى بيت سليم فوق هذا الأساس .فهمت وجهه نظرى

بالتأكيد نتمنى ان يكون الزمالك فى احسن صوره ونشوف كوره الفن والهندسة من جديد

تحياتى

[۩۩ elMagic ۩۩]

اقتباس المشاركة الأصلية كتبت بواسطة محمود الصاروخ انا بتكلم علي مباريات الاهلي والزمالك منذ بداية الدوري وليست هذه المباراه فقط وبأي منطق مقتنع بكلام سلمي وهي اهلاويه مثلك تماما وعمرها ما هتقول الحق ؟؟ الصوره ياصحبي لا تكذب ولا تتجمل ولك أن تتخيل بأن المباراه توقفت كتير جدا والحكم لم يتحدث مع لاعبي الاسماعيلي وانت تتفق مع سلمي وهي بتقول ان الاسماعيلي كان احسن طيب ياغالي ماتخلي سلمي تقولنا الاسماعيلي كان أحسن بأمارة اية ؟؟ وصل لجول الزمالك بكام هجمه ؟؟ هي هجمه وحيده فقط وغلطه من جابر وطلبه وهدف اللقاء ! قبل ما تقتنع بـ كلام سلمي ياغالي أرجو علي الاقل النظر لـ احصائيات المباراه وشوف الاستحواذ والهجمات كانت لصالح مين ومن خلالها هتعرف مين كان الافضل أما بخصوص التحكيم ياغالي تقدر تقولي الحكام تغاضو عن كام ضربة جزاء ضد الاهلي ؟؟ وحسبو كام ضربة جزاء لصالح الاهلي ؟؟ بخلاف مباريات سجل الاهلي فيها بعد انتهاء الوقت ؟؟ وكام ضربة جزاء صحيحه للزمالك لم تحتسب ؟؟ منور ياغالي

مبدأيا انت مش من حقك تقول عمرها ما هتقول الحق
عشان دي جزئية تعيبك لوحدك !
التحكيم في مصر عموما عايزله اعادة تأهيل وكلنا نعرف دا كويس
وفي العاده اى فريق خسران بيحاول يدور ع اى شماعة
يعلق عليها خسارته والجزئية دي بردوا بتديك فرصه وكيان
بانك تشوف نفسك للحظات متصدر و متميز ووو الخ من الكلام الجميل
ولكن الحقائق الواقعية هي اللى دايماً بيقفل الروايات
والقصص اللى بتخترعها البشر
لو التحكيم علطول مع الاهلى كان بقى علطول متصدر
ولو التحكيم ظالم الزمالك مكنتش اتصدر الدورى عام ماضى !
والجزئية الاهم واللى بنتطرق ليها بسبب كل شخص متعصب
وهو انك انت اهلاوي مش هتقتنع غير بكلام اهلاوى زيك
وانت زملكاوي مش هتقتنع غير بكلام زملكاوي زيك
نحب نوضح ان الجماهير بعقولها وتفكيرها المحدود دا
هى اللى جعلت النظره العامه لها متدنيه والمستوى ف النازل
ولكن الصح ان صاحب العقل مبيقتنعش غير بالكلام المعقول
بصرف النظر عن اى انتماءات في الاول والاخر الفريقين بيلعبوا
بفانلة المنتخب وعلى مستطيل اخضر واحد وبإسم بلد واحده
وروق كده الجمجم يا معلم وعيشها بروقان
الكوره جميله

[سَـلمَى]

اقتباس المشاركة الأصلية كتبت بواسطة محمود الصاروخ كلام غير منطقي بالمره ويدل علي أنك كنتي تشاهدي مباراه أخري غير مباراة الزمالك والاسماعيلي وبأي منطق الاسماعيلي كان افضل والاسماعيلي كان أحسن ولو حسبنا هجمات الزمالك والاسماعيلي مين هيتفوق ؟؟ لاعبي الاسماعيلي نجحو بالفعل بإفساد هجمات الزمالك بالسقوط علي ارضية الميدان بمساعدة ابراهيم نور الدين ! الشرطه ما أبدعتش ؟؟ أومال لو كانو ابدعو كانو جابو كام جول ؟ بقولك ياسلمي بداية هدف رمضان صبحي من وسط الملعب بقانون الكوره المفروض يتحسب ايه ؟؟ بما انك فاهمه كوره ؟؟ بمناسبة أخر كلمتين لا تعليق لسبب .. متعودتش أدخل في كلام بيمشي علي الفيس كوبي وبست ! المهم انك سبتي الموضوع كامل وقولتيلي الاهلي مابيكسبش بالحكام فقط لاغير طيب رايك في المباريات اللي انا ذكرتها ؟؟

لآ ماشوفتش مبارة تانية يامحمود
حقيقي الأسماعيلي كان أحسن من الزمالك ال أعرفه
الأسماعيلي رغم إنه ضعيف لكن قدر يخلص المتش
وقدر يمسك الكورة كتير وينتشر صح

مفيش حاجة إسمها بمساعدة حد
للحكم رؤية في الملعب بتختلف عننا
ممكن يخطأ فيها عادي بس مش هتبقى مساعدة

لا إتحاد الشرطة ماأبدعتش يامحمود
الأهلي هو ال أبدع في الشوط الأول
وخلى إتحاد الكورة إمنيته يمسك كورة ..
وفي اخر الشوط الثاني ..
وال خلاك تفكر إنه أبدع هو تراجع الأهلي
وقلتلك بدليل إنه مجرد ما رجع التركيز للعيبة إتحاد الشرطة
مقدرش يجيب التعادل ..

في حاجة إسمها إتاحة فرصة وأنا شايفة إنه قرار صحيح
ولو زعلان أوي إنها متحسبتش
حسين السيد وعمرو جمال تم عرقلتهم والحكم بردو إدى إتاحة فرص

لا أنا مقلتش عشان تعلق
ده حاجة من محاسن الصدف مش أكتر

تم التعليق عل المبارة خلاص كفاية ههههه

[سَـلمَى]

اقتباس المشاركة الأصلية كتبت بواسطة محمود الصاروخ انا بتكلم علي مباريات الاهلي والزمالك منذ بداية الدوري وليست هذه المباراه فقط وبأي منطق مقتنع بكلام سلمي وهي اهلاويه مثلك تماما وعمرها ما هتقول الحق ؟؟ الصوره ياصحبي لا تكذب ولا تتجمل ولك أن تتخيل بأن المباراه توقفت كتير جدا والحكم لم يتحدث مع لاعبي الاسماعيلي وانت تتفق مع سلمي وهي بتقول ان الاسماعيلي كان احسن طيب ياغالي ماتخلي سلمي تقولنا الاسماعيلي كان أحسن بأمارة اية ؟؟ وصل لجول الزمالك بكام هجمه ؟؟ هي هجمه وحيده فقط وغلطه من جابر وطلبه وهدف اللقاء ! قبل ما تقتنع بـ كلام سلمي ياغالي أرجو علي الاقل النظر لـ احصائيات المباراه وشوف الاستحواذ والهجمات كانت لصالح مين ومن خلالها هتعرف مين كان الافضل أما بخصوص التحكيم ياغالي تقدر تقولي الحكام تغاضو عن كام ضربة جزاء ضد الاهلي ؟؟ وحسبو كام ضربة جزاء لصالح الاهلي ؟؟ بخلاف مباريات سجل الاهلي فيها بعد انتهاء الوقت ؟؟ وكام ضربة جزاء صحيحه للزمالك لم تحتسب ؟؟ منور ياغالي

عمري ما هقول الحق !! -_-
أنا كل كلمة قلتها عن المبارة مقتنعة بيها
والزمالك إستحق الخسارة
وهارد لك ليكم
ومبروك للدراويش
ومش نهاية العالم

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ مبدأيا انت مش من حقك تقول عمرها ما هتقول الحق عشان دي جزئية تعيبك لوحدك ! التحكيم في مصر عموما عايزله اعادة تأهيل وكلنا نعرف دا كويس وفي العاده اى فريق خسران بيحاول يدور ع اى شماعة يعلق عليها خسارته والجزئية دي بردوا بتديك فرصه وكيان بانك تشوف نفسك للحظات متصدر و متميز ووو الخ من الكلام الجميل ولكن الحقائق الواقعية هي اللى دايماً بيقفل الروايات والقصص اللى بتخترعها البشر لو التحكيم علطول مع الاهلى كان بقى علطول متصدر ولو التحكيم ظالم الزمالك مكنتش اتصدر الدورى عام ماضى ! والجزئية الاهم واللى بنتطرق ليها بسبب كل شخص متعصب وهو انك انت اهلاوي مش هتقتنع غير بكلام اهلاوى زيك وانت زملكاوي مش هتقتنع غير بكلام زملكاوي زيك نحب نوضح ان الجماهير بعقولها وتفكيرها المحدود دا هى اللى جعلت النظره العامه لها متدنيه والمستوى ف النازل ولكن الصح ان صاحب العقل مبيقتنعش غير بالكلام المعقول بصرف النظر عن اى انتماءات في الاول والاخر الفريقين بيلعبوا بفانلة المنتخب وعلى مستطيل اخضر واحد وبإسم بلد واحده وروق كده الجمجم يا معلم وعيشها بروقان الكوره جميله

ياغالي بالفعل الجزئيه هتعيبني في حالة لو مكنتش بقول الحق
طيب أنا راضي حكمك ياغالي بما انك راجل فاهم كوره وعارف الدنيا ماشيه ازاى
سلمي بتقول الاسماعيلي كان أفضل وكان أحسن من الزمالك صح ؟؟
طيب لما الاسماعيلي كان افضل وكان أحسن

ليه الافضليه للزمالك في الركنيات ؟
ليه الافضليه للزمالك في التسديد و الوصول للمرمي ؟؟
والدليل ضربة الجزاء الغير محتسبه للزمالك في نهاية الشوط الاول
اللي سلمي تغاضت عنها بشكل عام لانها ليست زملكاويه
هنا كلامها غير عادل بالمره ولا اعلم بأي منطق
تقول الاسماعيلي كان افضل ؟

عشان الاسماعيلي سجل هدف يعني وخطف نقاط المباراه ؟
طيب ماهي في نفس الوقت بتقول اتحاد الشرطه ما أبدعش في مباراة الاهلي
واتحاد الشرطه سجل في مرمي الاهلي سداسيه في الدور الاول والتاني !
طيب انت تقول ايه علي الكلام ده ؟؟؟
العيب فين هنا ؟؟

بخصوص نقطة التحكيم و موضوع الصداره والكلام ده ياكبير
علي ما أظن انك فاكر الموسم الماضي كنت لما أنزل موضوع مين
كان أكتر ناس بيعترضو علي التحكيم وبدأوها بـ برزنتيشن عايزه تدي
الدوري للزمالك ؟؟ ومين قال التحكيم بيجامل الزمالك ؟؟
ولا هي الموسم الماضي حلوه ودلوقتي وحشه ؟؟

ماهو معلش ياكبير لما يكون مباراه زي مباراة أسوان دي بعد ما أسوان
سجل هدف التعادل وكاد أن يسجل الثاني الحكم يسمح لـ الاهلي بان يسجل
الهدف الثاني بعد انتهاء الوقت الضائع ويسجل الهدف الثالث بعد أن خبطت
الكره في زازه مايه يبقي التحكيم بيجامل الاهلي الموسم ده لان القانون بيقول
في يجب الغاء الهدف واسقاط الكره بين اللاعبين

ماهو معلش ياكبير لما يكون مباراة زي مباراة المصري ويكون الاهلي خسران
ويسجل التعادل وبعد مايسجل مباشرة يكون في ضربة جزاء للمصري صحيحه
مليون في الميه والحكم يعمل نفسه اعمي عشان الزمالك مايرجعش للمنافسه
يبقي هنا التحكيم بيجامل الاهلي

وأخيرا لما يكون مباراة زي الاسماعيلي اما ان تخرج الزمالك من المنافسه
أو تجعله يعود من جديد ويكون في ضربة جزاء للاسماعيلي وسلمي والتحكيم
يتغاضو عنها يبقي هنا الكل بيجامل الاهلي صح ولا ايه ؟؟

انا مش فاهم ياغالي انت بتحكم علي الجماهير بأي منطق ؟؟
انا لما بتكلم علي مباراه أو قرار حكم أو غيره بتكلم بالقانون عموما
مش مجرد بفرح بهدف سجله الزمالك أو الاهلي ولكن بحلل الهدف من البدايه
وهنا بيبان اذا كانت مجامله حكم أو خطأ وارد مش كده ولا ايه ؟؟

مستني ردك بعد ما تشوف إحصائية المباراة بشكل عام ياغالي
وبعدها تتكلم بناءا عليها الكوره مفيش فيها حاجه اسمها انا بقتنع
بكلام فلان أو علان - الصوره لا تكذب ولا تتجمل

منورني ياغالي