مغامراتي مع القرموط

[ايمان طلعت]

السلام عليكم و رحمه الله وبركاته



امبارح ابوالعيال جابلي سمك قرموط
ايوة ايوة اللي شكله وحش دة
انا محبوش وبقرف من ملمسه وشنباته
الصراحه الصراحه يعني بخاف منه
المهم بقي المفروض بتاع السمك دبحه علي كلامه
وبمسك الكيس الاقيه بيتحرك
طب فتحته و سبته في طبق لحد ما يموت
ييجي ساعتين ولسه صاحي
يادي النيله اعمل فيه ايه
قولت طب اقطع راسه خالص يمكن يموت
مسكت راسه بمقص من بعيد كدة
ولسه بحط السكينه عشان اقطعها اتحرك
سبته راح واقع علي مشايه المطبخ
مسكته بالمقص بردو وقطعت راسه بسكينه
امسك السمكه بقي وانضفها
يالهوي من غير راسها ولسه بتتحرك
وكل ما اقص تتحرك فايدي
والراس لوحدها و بتتحرك
هو السمك ده متعفرت ولا ايه
وبعد ييجي ساعه
تمت عمليه تنضيفه بنجاح
ورميت راسه وهي كانت لسه بتتحرك بردو
سبحان الله

وكل دة العيال واقفه تضحك عليا

[اشرف 2006]

هههههههههههههههههههه

مسكتيه بالمقص ؟؟؟ ليه هتحلقيله

هههههههههههههههههههههههههه

كان الله فى عون العيال وأبوهم

[شاعرة الرومانسيه]

هههههههههه انا بخاف منه مووووووووت

دا مش بيموت هههه بعد الدبح بيتحرك

وده الى بيخوفنى هههههه

زفرتى المطبخ عشان قرموط

والله موتنى من الضحك

[Doaa Hammam]

ههههههههههه مغامرات مع القرموط

تجربه لا تحسدي عليها

بس جدعة والله انك قدرتي تنفذي العملية بنجاح

[ابو نصير]

اقتباس المشاركة الأصلية كتبت بواسطة اشرف 2006 هههههههههههههههههههه مسكتيه بالمقص ؟؟؟ ليه هتحلقيله هههههههههههههههههههههههههه كان الله فى عون العيال وأبوهم

اللى ناقص ياعم اشرف ياخود دقن وشنب
هههههههههههههه

[ابو نصير]

اقتباس المشاركة الأصلية كتبت بواسطة ايمان طلعت السلام عليكم و رحمه الله وبركاته امبارح ابوالعيال جابلي سمك قرموط ايوة ايوة اللي شكله وحش دة انا محبوش وبقرف من ملمسه وشنباته الصراحه الصراحه يعني بخاف منه المهم بقي المفروض بتاع السمك دبحه علي كلامه وبمسك الكيس الاقيه بيتحرك طب فتحته و سبته في طبق لحد ما يموت ييجي ساعتين ولسه صاحي يادي النيله اعمل فيه ايه قولت طب اقطع راسه خالص يمكن يموت مسكت راسه بمقص من بعيد كدة ولسه بحط السكينه عشان اقطعها اتحرك سبته راح واقع علي مشايه المطبخ مسكته بالمقص بردو وقطعت راسه بسكينه امسك السمكه بقي وانضفها يالهوي من غير راسها ولسه بتتحرك وكل ما اقص تتحرك فايدي والراس لوحدها و بتتحرك هو السمك ده متعفرت ولا ايه وبعد ييجي ساعه تمت عمليه تنضيفه بنجاح ورميت راسه وهي كانت لسه بتتحرك بردو سبحان الله وكل دة العيال واقفه تضحك عليا

والله العظيم ياايمان ياطلعت لبلغ عنكى حلقة السمك والقرموطى الكبير.. وهتخدى تأبيده تقتلى وتدبحى الأرموط مع سبق الاصرار والترصد هو ده كيد النسا والافترى على الغلبان ... تقدرى تعملى كده مع حووووت
هههههههههههههههههه
ارق التحايا
دمتى بحفظ الرحمن وسلميلى على العيال ياشيف شربينى
ههههههههههههههه
ابو نصير

[جبل عالي]

ههههههه وربنا حصلت معايا زمااان
انا باعشق السمك الا البتاع ده هههه
بس قوليلي عملتيه صينيه ؟
طب كلتي منها ؛) عسوله والله ياقمر

[مارد الغضب]

القرموط ده اللي انت مش بتحبيه
يعتبر فتي احلام الصيادين
انا بقي بموت فيه
لما يكون بالفريك
ياريتك دعمتي الموضوع بالصور او الفيديو
هي دي بقي اللحظات التاريخية
تحياتي

[حازم34]

ههههههههههههههههههههههههههههههههههههههه

القرموط وما ادارك ما القرموط


يمكن تبع القرموطي ومففخ ولا حاجه


ههههههههههههههههههههههه

فيه سمك لسه نسب مع القطط

ولذلك عيونه تشبه عيون القط

وهو بسبع ارواح

الحمد لله ان تمت العمليه بنجاح

وبالهنا يارب

حلوه المغامره جميله ربي يسعدك

لكي مني خالص التحيه والتقدير

[ابو نصير]

اقتباس المشاركة الأصلية كتبت بواسطة Doaa Hammam ههههههههههه مغامرات مع القرموط تجربه لا تحسدي عليها بس جدعة والله انك قدرتي تنفذي العملية بنجاح

ياست الكل هى عملية ولاده قيصريه الحمد لله ضحينا بالقرموط وست ايمان بخير
هههههههههههههه