العناد النفسى

[احساسى صحيح]

المشكله او الفضفضه اللى هاكتبها دى
حسيتها بقالى فتره ومنذ وجودى هنا ف المنتدى
وكنت ناوى اكتب عنها من فتره
لانها تخص عمق المنتدى
او زى ما بنقول الوقود إللى بيه المنتدى بيسير
وإللى من غيره اكييد موش هيبقى فيه منتدى
وهم طبعاََ الاعضاء
طبعاََ الاعضاء على فترات بيكونوا اعدادهم متزايد
واحياناََ آخرى فى تناقص كلاََ على حسب ظروفه طبعاََ
بس الاكيد إللى بأشعر بيه داخل الجميع هنا اعضاء وحتى زوار
إن المنتدى بيمثل متنفس واهميه كبيره فى حياتهم
ايه دخل عنوان التوبيك بإللى بتكلم عنه
دا سؤال اكيد الكل دلوقت بيسأله لنفسه
معاندة النفس
الموضوع خاص بأعضاء مهمين جدا اتعودنا على وجودهم معانا
ولفترات كبيره جدا واكيد غيابهم مؤثر نفسياََ للبعض
انا ممكن اكتب اسماء اعضاء كتير بس موش حــــ عمل كده
لأنى تقريباََ فى بداية تسجيلى كنت زيهم دماغى ناشفه
وكنت بأعمل للموضوع حساسيه كبيره جوايا
فا ممكن هما كمان اى حد فيهم يدخل يقول انتا مالك او حاجه
لأنى فاهم كويس ازاى التعامل بيكون فيه جرأه زياده
خاصاََ لما نكون من خلف الشاشه
بس بالنسبالى الواحد مع الوقت اكيد بيكسب خبرات وبينضج اكتر
واعضاء كتير كانوا اصحابى مشيوا
واتى غيرهم وبقينا اصحاب والحياة ماشيه لا تتوقف
واكيد ناس هتمشى وهيجى غيرهم نبقى زملاء لهم ف المنتدى
علشان كده انا حابب اتكلم فى نقطه مهمه فى الموضوع ده
وهو غياب اعضاء مهمين منهم يمكن كانوا مشرفين او حتى فى مناصب إداريه بسبب زعل ما او موقف ما
إتخذوا موقف وإعتبروا إن عدم التقدير شىء مهين لكرامتهم
او مجهودهم او اى تسميه ما مش مهم
ربما حتى لو حدث تصادم ما اى حد مع اى حد
الموضوع نفسياََ عندهم بيكبر جداََ اكتر من اللزوم
لدرجة مقاطعة المنتدى
وكأن المدير او الادارى إللى حصل معاه الموقف
هو صاحب المنتدى وإن الغياب عقاب له
ولو بصينا كويس للموضوع حنلاقى إننا عاقبنا نفسنا إحنا
وليس اى احد آخر
لأننا حرمنا نفسنا من حاجه بنحبها بسبب حاجه لا تستحق
والمنتدى ده هوايه وترفيه وترويح عن النفس وكسب اصدقاء
ليس اكثر ولا يجب تحميله صراعات من اى نوع
لأنه شىء لا يستحق بتاتاََ أن نتخاصم من آجله
الاسوء فى إللى بيحصل إن العضو إللى بيحتجب ومش بيدخل المنتدى
بيكون له اكيد اصدقاء بيتعاطفوا معاه وممكن بيحرموا نفسهم من متعة التواجد مع اخواتهم هنا تضامنا مع الصديق المحتجب
ودا غلط طبعاََ لأن إنتا كده بتحمل نفسك خطأ لم تفعله
لأن الموضوع بالاساس لا يستحق صراعات ولا شلليه
ولا اى شىء من هذا القبيل ..
الحمد لله عمرى ما كان ليا شلليه
او كنت بعمل مؤامرات على اى حد عن طريق الميل او غيره
لأنى والحمد لله عارف ان دا كله ترهات وتفاهات
بالنسبه للى بيفكر التفكير الشاذ ده ..
بمنتهى الصراحه والوضوح المنتدى ليس وزاره حكوميه
والمدير المسؤل هو كان عضو لك من فتره بسيطه وليس صاحب المنتدى
الذى تقاطع المنتدى بسببه لو كان هذا السبب
اما الاعضاء المنقطعين لأسباب آخرى
زى البنات إللى بيحصلهم مضايقات مثلاََ او ملل ما
فهؤلاء عذرهم معهم ولهم الحق طالما المنتدى سيسبب لهم اذى نفسى
وطالما هما يرفضون إنهم يكتبوا شكاوى ودى بتحصل كتير ..

حاسس إنى طولت شويه رغم إن عندى كلام كتير لسه
عن نوعيه آخرى م الاعضاء
نتركها فى جزء تانى
واتمنى تفاعلكم ف الموضوع وإللى له صديق غائب لأى سبب
يقنعه بالعوده وليس بالآحتجاب معه
لأن العناد مع شىء نحتاجه ونرتاح له نفسياََ
لا يستحق اننا نحمله اكبر من قيمته
طبتم بكل خير ..

[العاشق الذى لم يتب]

كلام جميل
احييك عليه
ومعاك حق فى الاستنتاج اللى اشرت اليه
وخلينى اشاطرك الراى
واقول ان المسؤولالاول عن تفاخم الامور
هى الادارة
عليهم منع حدوث المشاكل من قبل التضخم
بمعنى انهم يتوددوا للجميع
ويكون عندهم طولة بال شوية
ويحاولوا يصلحوا بين الطرفين
بدون تعصب ولاحيدية
علشان المديرلمايشعرالعضو انه مجرد يحاول يرضيه
هيكون حالته النفسية مستريحة
صحيح فيه اعضاء بيكون عندهامشاكل خارج المنتدى
ويقحموا المنتدى والادارة فيها
ولكن ايضا على الادارة الروية والتصبر
وبقدرالامكان الاحتواء
علشان المنتدى لايكن منتدى بدون الاعضاء
وخلينى اذكر مثال واسم بعينه
كان هناعضوة اظنك تتذكرها والكثيريذكرها
نيمها اسيل الفلسطينية
رحلت من هنا بسبب احد الاعضاء
علشان تقريبا شتمها
كانت قمة فى النشاط والتواجد
وقمة فى الاخلاق والتعامل مع الكل
ارسلت لى رسالة
واظن الادارة تعلم ذلك
وقالت بالحرف الواحد
اناماشية ومش راجعة تانى علشان فلان
وحبيت اودعك
حاولت معها بل طلبتها بالحاح ورجاء
بلاش الذهاب
ولكن اتخذت القرار ورحلت
فهل كل عضو يمشى بسبب خلاف
ولو ان الادارة اظهرت المودة والتسامح مع الاعضاء
مش هيكون مصلحة المنتدى
وزى ماانت قلت اخ ياسر
لو ان العضو لم يتسرع بقرار الرحيل
وهو بيحب المنتدى
اكيد هيكون الامراحسن
تحياتى

[مارد الغضب]

هي بالطبع دعوة طيبة منك اخي الكريم
اما عن نفسي فانا اشتركت في منتديات اخري
ليست كثيرة ولكني احببتها وتركت بعضها تماما
ولكن هناك سبب اساسي قد يكون موجود هنا ايضا
وهو
ان بعض الاعضاء عاملين زي الالتراس او زي الشلة
فيكونوا موجودين بشدة مشجعين لبعضهم البعض بنوعية
الردود المغالية في حين ان المشاركة نفسها تكون ضعيفة
او هايفة في بعض الاحيان
و تكون دورة حياتهم في المنتدي هي المرور علي مشاركتهم
هم فقط والانحياز في اي تقييم للصحبة وليس الجودة
انا نفسي تركت اكثر من منتدي لنفس السبب
لابد في كل منتدي من وجود لجنة سرية متخصصة في تقييم
الاعمال في المسابقات وفي النجوم والتثبيت والبانرات
انا شفت بعيني منذ ايام قليلة واحد تقييمه ثلاث نجوم رغم انه
كاتب مشاركة من اروع ما يكون في حين ان اخت قديمة في المنتدي
موضوعها لا يرقي لنجمة او حتي كويكب واخده خمسة انجم
كيف تكون نفسية هذا الاخ عندما يجد هذا الفعل
اطلت قليلا ولكني استرحت كثيرا
اشكرك اخي الحبيب لمنحي هذه الفرصة النادرة
فقليلون هم من يمتلكون الشجاعة لفتح هذه الملفات الشائكة
تحياتي لسموك

[Lamees]

اوقات في بعض المشاكل او المضايقات بتفرض علينا اننا نتخذ قرارات
حتى ان لم نكن نريدها ولكنها تفرض علينا ونضطر الى تنفيذها
في البداية نشعر بالصعوبة ولكن مثل كل شيء في الحياة نحاول التعود
مبادرة جيدة منك اخي ياسر
واتمنى ان نكون هنا في المنتدى كالأخوة \وننبذ الخلافات جانباً
فالحياة لا تستحق كل هذة الصراعات
من اجل لا شيء
فقط استريحوا وعبروا عن دواخلكم ببساطة

تحيتي لك

[۩۩ elMagic ۩۩]

عندك حق في ان كل شئ المفروض يتاخد ببساطه
المشكلات عموما جزء لا يتجزأ من حياتنا
والمنتدى كيان لا يختلف كثيراً عن الحياه المعاصره
اللى بيحصل معاك بره من مشكلات بتلاقي زيه داخل اى موقع
ودا لان عقول البشر لا تختلف كثيراً
لو كل شخص راعي ضميره ومفكرش يضر ولا يتصيد ضد زميل له
واشتغل بما يرضي الله هيرتاح كتير وهيبعد نفسه
عن اى عك وحوارات ممكن تعمله وش ووجع قلب
والشئ الاهم هو انك لازم تعرف بان التواجد في عالم المواقع والنت
بيبقى للتسلية واقضاء اوقات فراغ وكل واحد وعنده ميوله
فا الامور مش بتبقى مستاهله
ودي الحلقه المفقوده التى يجهلها الكثير
فا ربنا يهدي الجميع لما فيه خير بقى .. تسلم لموضوعك ي معلم

[اشرف 2006]

اخلاق رائعه ياصاحبى

تحياتى

[Words Whisper]

عندك حق طبعا
مش منطقي أقاطع الفورم عشان شخص
هو الفورم مش بيته ولا ماسك مفتاحه
وفكرة أن حد يبطل يدخل عشان حد بطل يدخل
انها فكرة غير منطقية
بالنسبة للبنات
لا بردو مش حل ، دا اسمه هروب
ممكن تشتكي للإدارة لو هي مش عارفة تتعامل
لكن الهرب مش حل
أصل هي بتهرب من واحد مش شايفاه عشان ضايقها
أمال هتعمل ايه على أرض الواقع مع كل الكائنات اللي بتضايق اللي ف الشارع ؟!


يعطيك العافية ..

[احساسى صحيح]

اقتباس المشاركة الأصلية كتبت بواسطة العاشق الذى لم يتب كلام جميل احييك عليه ومعاك حق فى الاستنتاج اللى اشرت اليه وخلينى اشاطرك الراى واقول ان المسؤولالاول عن تفاخم الامور هى الادارة عليهم منع حدوث المشاكل من قبل التضخم بمعنى انهم يتوددوا للجميع ويكون عندهم طولة بال شوية ويحاولوا يصلحوا بين الطرفين بدون تعصب ولاحيدية علشان المديرلمايشعرالعضو انه مجرد يحاول يرضيه هيكون حالته النفسية مستريحة صحيح فيه اعضاء بيكون عندهامشاكل خارج المنتدى ويقحموا المنتدى والادارة فيها ولكن ايضا على الادارة الروية والتصبر وبقدرالامكان الاحتواء علشان المنتدى لايكن منتدى بدون الاعضاء وخلينى اذكر مثال واسم بعينه كان هناعضوة اظنك تتذكرها والكثيريذكرها نيمها اسيل الفلسطينية رحلت من هنا بسبب احد الاعضاء علشان تقريبا شتمها كانت قمة فى النشاط والتواجد وقمة فى الاخلاق والتعامل مع الكل ارسلت لى رسالة واظن الادارة تعلم ذلك وقالت بالحرف الواحد اناماشية ومش راجعة تانى علشان فلان وحبيت اودعك حاولت معها بل طلبتها بالحاح ورجاء بلاش الذهاب ولكن اتخذت القرار ورحلت فهل كل عضو يمشى بسبب خلاف ولو ان الادارة اظهرت المودة والتسامح مع الاعضاء مش هيكون مصلحة المنتدى وزى ماانت قلت اخ ياسر لو ان العضو لم يتسرع بقرار الرحيل وهو بيحب المنتدى اكيد هيكون الامراحسن تحياتى

اكيد فى جزء بيقع على عاتق الاداره
ولكن الحقيقه فى مشاكل كتير
صعب او ممكن تقول ملهاش حل بسبب طرف م الاطراف
وانا شاهد على ذلك عندما كنت متحدث باسم الاعضاء
بالعموم اللى كنت حابب اركز عليه
وهو اننا مش نحمل اى حد اى حاجه حصلت معانا
بدرجه مبالغ فيها ويكون رد الفعل على قدر الحدث وليس اكبر منه
كما شاهدت كثيرا
الاهم اننا نتمتع بتواجدنا هنا وما نترك فرصه لاى حاجه تدايقنا
او تحرمنا من حاجه بنحبها
شكرا ياصاحبى على مداخلتك الحلوه ..

[احساسى صحيح]

اقتباس المشاركة الأصلية كتبت بواسطة مارد الغضب هي بالطبع دعوة طيبة منك اخي الكريم اما عن نفسي فانا اشتركت في منتديات اخري ليست كثيرة ولكني احببتها وتركت بعضها تماما ولكن هناك سبب اساسي قد يكون موجود هنا ايضا وهو ان بعض الاعضاء عاملين زي الالتراس او زي الشلة فيكونوا موجودين بشدة مشجعين لبعضهم البعض بنوعية الردود المغالية في حين ان المشاركة نفسها تكون ضعيفة او هايفة في بعض الاحيان و تكون دورة حياتهم في المنتدي هي المرور علي مشاركتهم هم فقط والانحياز في اي تقييم للصحبة وليس الجودة انا نفسي تركت اكثر من منتدي لنفس السبب لابد في كل منتدي من وجود لجنة سرية متخصصة في تقييم الاعمال في المسابقات وفي النجوم والتثبيت والبانرات انا شفت بعيني منذ ايام قليلة واحد تقييمه ثلاث نجوم رغم انه كاتب مشاركة من اروع ما يكون في حين ان اخت قديمة في المنتدي موضوعها لا يرقي لنجمة او حتي كويكب واخده خمسة انجم كيف تكون نفسية هذا الاخ عندما يجد هذا الفعل اطلت قليلا ولكني استرحت كثيرا اشكرك اخي الحبيب لمنحي هذه الفرصة النادرة فقليلون هم من يمتلكون الشجاعة لفتح هذه الملفات الشائكة تحياتي لسموك

انا هقسم ردى على جزئين اخى ابو اسماء
الشق الاول اللى يخص الشلليه
دا شىء موجود ويتماثل مع الواقع اللى بنعيشه فى اى تجمعات زى النوادى او حتى الجامعات وغيره كتير
فصعب اننا نربى الناس او نغيرهم
ولكن ممكن اننا ننصحهم ودا اضعف الايمان ..
بالنسبه للجزء التانى فى سؤالك
انا هاعتبره موجه للاداره علشان تاخد بالها من ملاحظاتك
اللى اكيد بتحقق العدل
وعلفكره الشىء دا مطلوب م الاعضاء
انهم لو شافوا قصور ما او خطأ معين من واجبهم يبلغوا اى ادارى بيها
ودا من اهم الاشياء اللى بتعطى فايده وقيمه للعضو
ودا افضل من انه يزعل او يشيل جواه وممكن جدا تكون الاداره
مجرد انها مش منتبها ليس إلا
لأن الادارى بشر زينا وهناك اشياء كتير ممكن تمر عليه من دون ما ياخد باله منها رغم عنه
فمجرد تنبيهك له اكيد هيتفاعل معاك ويلاقى الرد المناسب
اشكرك اخى ابو اسماء لفائدة وقيمة ما سردته
تحياتى لك

[احساسى صحيح]

اقتباس المشاركة الأصلية كتبت بواسطة اطياف الماضي اوقات في بعض المشاكل او المضايقات بتفرض علينا اننا نتخذ قرارات حتى ان لم نكن نريدها ولكنها تفرض علينا ونضطر الى تنفيذها في البداية نشعر بالصعوبة ولكن مثل كل شيء في الحياة نحاول التعود مبادرة جيدة منك اخي ياسر واتمنى ان نكون هنا في المنتدى كالأخوة \وننبذ الخلافات جانباً فالحياة لا تستحق كل هذة الصراعات من اجل لا شيء فقط استريحوا وعبروا عن دواخلكم ببساطة تحيتي لك

عندك حق رونى فى تلك النقطه
ولكن اللى لديه ظروف عاديه
ممكن يتجاهل اى شىء فى سبيل إنه يمارس حاجه بيحبها زى الكتابه
واكيد اغلبنا لديه اشياء اتى إلى هنا للتعبير عنها بقلمه ومشاركة الاعضاء له وجدانيا
وده الاهم للجميع من اى مناصب اومزايا
هى فى الاساس إشياء غير ملموسه
شكرا رونى على مداخلتك