::: فعاليات المنتدى :::

أهلا وسهلا بك إلى منتديات بنات مصر.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

آخر 12 مواضيع
نفرح ولا نحزن
الكاتـب : ahmed 22 - آخر مشاركة : ندوشه 2011 - مشاركات : 2 -
رونق الحنين والشكولاة
الكاتـب : نزارالفاضل - مشاركات : 0 -
عزاء واجب
الكاتـب : طبيب الهوى - آخر مشاركة : د/ عبد الله - مشاركات : 4 -
ليه بنفكر كتير ؟
الكاتـب : ahmed 22 - آخر مشاركة : د/ عبد الله - مشاركات : 2 -
و فى النهايه يبقى الانتصار محال
الكاتـب : big bốss - آخر مشاركة : SaMa. - مشاركات : 6 -
ممكن ترحيب لبنت السعودية
الكاتـب : بنت السعودية511 - آخر مشاركة : فريدة محمد - مشاركات : 5 -
محراب الغفران
الكاتـب : big bốss - مشاركات : 12 -
اغتصاب انثى
الكاتـب : big bốss - آخر مشاركة : العقل الباطن - مشاركات : 10 -
لازم حد يشوف حل
الكاتـب : ahmed 22 - آخر مشاركة : دمعه حائره - مشاركات : 6 -
شكرا ياامي
الكاتـب : نزارالفاضل - مشاركات : 8 -
زمن الموزة
الكاتـب : ahmed 22 - آخر مشاركة : SiLver Spectra - مشاركات : 6 -
تعالي افسدلك ذوقك ؟
الكاتـب : ahmed 22 - مشاركات : 5 -

إضافة رد
 
LinkBack أدوات الموضوع انواع عرض الموضوع
قديم منذ /04-07-2016, 05:43 PM   #1

عضو ذهبي

 

 رقم العضوية : 82354
 تاريخ التسجيل : Mar 2012
 العمر : 25
 الجنس : ~ ذكر
 المكان : في مكان ما من هذا العالم
 المشاركات : 4,118
 الحكمة المفضلة : اذااردت أن تحب فلا تحب بعمق حتي تتأكد من الذي تحبه انه يحبك بنفس العمق فعمق حبك اليوم = عمق جرحك غدا
 النقاط : Muhammad_Adel has a reputation beyond reputeMuhammad_Adel has a reputation beyond reputeMuhammad_Adel has a reputation beyond reputeMuhammad_Adel has a reputation beyond reputeMuhammad_Adel has a reputation beyond reputeMuhammad_Adel has a reputation beyond reputeMuhammad_Adel has a reputation beyond reputeMuhammad_Adel has a reputation beyond reputeMuhammad_Adel has a reputation beyond reputeMuhammad_Adel has a reputation beyond reputeMuhammad_Adel has a reputation beyond repute
 درجة التقييم : 1210680
 قوة التقييم : 606

Muhammad_Adel غير متواجد حالياً

 

 

 

 

 

أوسمة العضو
افتراضي مين قتل ريجيني ؟! ...



للي مش عارف حاجة عن القضية يصحصح كده .. لأنها بجد بقت قضية أمن قومي مصري .
*
طالب ايطالي بيحضر الدكتوراه في جامعة كامبريدج في بريطانيا اسمه ( جوليو ريجيني ) .. ومن ضمن ابحاث الدكتوراه بتاعته بحث ميداني في دراسة النقابات العمالية المستقلة في مصر .. وكمان يقال دراسة السوق السودا للدولار في مصر .. وده بما ان الدولار ملعلع اليومين دول .. فاللي جاي هو اللي حصل لحكايته بالترتيب المختصر .
*
25 يناير 2016 اختفى ريجيني .. وأهله تاني يوم بلغوا الحكومة الايطالية وبدورها بلغت الحكومة المصرية .
*
03 فبراير 2016 الداخلية لقت جثته بالصدفة البحتة !!! على الطريق الصحراوي في محافظة الجيزة .. وكان على الجثة آثار تعذيب شديدة رعبت اللي لقى الجثة زي ( قطع ودانه – تشويه جسمه كله بالات حادة – طفي سجاير فيه ) .
*
04 فبراير 2016 بيان من اللواء / علاء عزمي مدير ادارة مباحث الجيزة بان التحريات الاولية للموضوع بتقول انه حادث سير .
*
05 فبراير 2016 روايات صحفية منقولة عن أطباء في مصلحة الطب الشرعي بتقول ان الحادث جنائي وممكن يكون بغرض السرقة والابتزاز .. وصحيفة الجارديان بنفسها نشرت الروايات دي مع التشكيك في موضوع السرقة ده .
*
06 فبراير 2016 أول اتهام دولي صريح مريح من الـ ( نيويورك تايمز ) الامريكية وقالت بالنص ان « علامات التعذيب على جثة ريجيني تشبه أساليب التعذيب التي يتم استخدامها ضد المعارضين في مصر » .
*
11 فبراير 2016 تقرير تاني من نفس الجريدة الامريكية بناءا على عدة تحقيقات خاصة بيها .. إن تاجر مصري بيشتغل مخبر سري هو اللي سلم ريجيني للشرطة بعد ما بلغ عليه انه بيدرس السوق السودا وبيكتب مقالات باسم مستعار بتشوه سمعة مصر في الخارج .. والجريدة قالت ان مصر بقى فيها شبكة مخبرين هدفها الايقاع باي حد لم يسبح بحمد النظام الحالي .
*
24 فبراير 2016 اليوم السابع بقيادة خالد صلاح حبت تدخل عالخط – بس بحقارة متناهية - وقالت ان ريجيني بيمارس الشذوذ الجنسي السادي ( نوع من الممارسة الجنسية بالتعذيب ) في شقته في وسط القاهرة وبيجيلوا ناس يعملوا فيه كده .. وطلع بيان من الداخلية المصرية تمشايا مع الكلام ده .. وقالت فيه ان ريجيني كان له علاقات واسعة في مصر بيجولوا البيت ممكن تكون هي السبب في تعذيبه وقتله .. ( العلاقات بتعذب وبتقتل .. الاتنين !! )
*
01 مارس 2016 دخلت الحكومة الايطالية في التحقيقات المصرية واتسربت نتيجة كشوفات الطب الشرعي بان ريجيني اتعذب 7 ايام كل يوم من 10 الى 14 ساعة ( يعني كان حد قاعد فاضي له ).. وفي الاخر مات من التعذيب .. وبعده على طول اشتكت ايطاليا مصر للبرلمان الاوربي .
*
10 مارس 2016 اصدر البرلمان الاوربي اقتراح لقرار يدين تعذيب وقتل ريجيني مع اضافة انتهاكات اخرى لحقوق الانسان من النظام المصري كالاختفاء القسري والتعذيب بالسجون والاعتقال بدون وجه حق .. والقرار اتوافق عليه باغلبية الاعضاء .
*
13 مارس 2016 قناة صدى البلد بقيادة احمد موسى على برنامج على مسئوليتي حبت تجود وطلعت فيديو لشاهد زور اسمه محمد فوزي وقال انه شاف وصور ريجيني ورا القنصلية الايطالية وهو بيتخانق مع شخص تاني وممكن هو اللي قتله .. لكن الداخلية كذبت الفيديو على لسان اللواء / ابو بكر عبد الكريم ( هم دول هيخيل عليهم فيديوهات الفيديو جيم ياحمد ياموسى ) .
*
24 مارس 2016 في مفاجئة من العيار التقيل اوي وبتغطية اعلامية كبرى .. طلعت وزارة الداخلية ببيان دولي عالمي لوزعي قالت انها قامت بتصفية وقتل عصابة في ميكروباص بينتحلوا صفة ضباط شرطة وبيعذبوا السياح .. وكمان لقوا معاهم جميع متعلقات ريجيني بما فيهم جواز سفره و ( حتة قرش الحشيش بتاعته ).. واتحفل عالموضوع ده عالميا في معظم الصحف ووسائل الاعلام والسوشيال ميديا .. وبعدها بيوم رفضت ايطاليا الرواية شكلا وموضوعا .. فالداخلية المصرية ماكانش عندا الا ان جابت ورا .. وقالت مش هم اللي قتلوه ولسه التحقيقات شغالة .. ( طب المؤتمر الصحفي ده كان بتاع ايه .. ماهو لو اتعمل بالشو الاعلامي ده عشان يقول انه قبض على عصابة بتقتل السياح فياما بيقول للعالم قاطعوا السياحة المصرية او بيقول للاتحاد الاوربي وايطاليا انهم لقوا اللي قتل ريجيني .. فيلاش تستغفلوا الدنيا كلها .. استغفلوا شوية بس .. وكمان الناس اللي اتصفوا بدون محاكمة دول ذنبهم ايه ؟! )
*
27 مارس 2016 مدون مصري معارض اسمه / محمود محمد حجازي ( اه .. نقول اسمه الثلاثي عشان لو عايزين يمسكوه ) .. كتب مقاله بيعتذر فيها للإيطاليين .. وبيقولهم ان ده اللي بيحصل للمصريين هنا في العادي في ظل النظام القمعي الموجود .. وتم ترجمة مقالته العربية دي لعدة لغات من اصحابه ومتابعيه .. اهمها الايطالية .. فقامت جريدة ( لاسبريسو ) الايطالية ذائعة الصيت بنشر مقالته بالايطالية .. وتجاوب معاها عدد كبير على مواقع السوشيال ميديا .. وكان اهم المتجاوبين هي الست ( أم ريجيني ) اللي طلعت في جلسة استماع في المحكمة مصورة ومذاعة اعلاميا بتقول ان انتهاك حقوق الانسان في مصر بقى للركب .. فردت عليها الست ( ام خالد سعيد ) وقالت انها متضامنة معاها .. وحاليا الدنيا مقلوبة على ( ام خالد سعيد ) وعلى رسالتها دي من يومين .. برغم انهم كانوا بيعتبروها ايقونة لـ 30 يونيو .
*
3 ابريل 2016 رئيس تحرير جريدة الاهرام / محمد عبد الهادي علام نشر مقالة طويلة عريضة بيناشد فيها الداخلية والسلطات المصرية بتقديم ادلة متماسكة لمقتل ريجيني لأن مصر فعليا في خطر لو تحركت ضدها قضية دولية هتؤدي بيها لحصار اقتصادي او مقاطعة اقتصادية ومصر مش ناقصة الصراحة .. وقال بالحرف ( الروايات الساذجة عن مقتل ريجيني أساءت لمصر داخلياً وخارجياً ) .. وطلعت اعلامية مصرية بالتليفزيون المصري وصحفية بروزاليوسف قالت ان فيه فضيحة مستنيه مصر في البيان النهائي لايطاليا لقضية ريجيني وانهم عرفوا القاتل بالاسم وهو ضابط شرطة متهم في قضايا تعذيب .
*
4 ابريل 2016 مصر أجلت اجتماع دولي مقرر ومحدد الموعد مسبقا لمناقشة اخر نتايج قضية مقتل ريجيني .. وسط استغراب ودهشة الجميع لعدم ابداء اسباب واقعية للتاجيل .. وطلعت - الحمد لله - الورقة اللي لسه ما اتلعبتش لحد دلوقتي على لسان ( رفعت السعيد ) المقرب من النظام .. وقال ان ممكن ( الاخوان ) اخترقوا الشرطة والاجهزة الامنية ( جه يكحلها عماها .. يعني الداخلية من الاخر هي اللي قتلت ) .
*
السؤال هنا .. حد لسه ما عرفش مين اللي قتل ريجيني ؟؟؟؟
*
( نصيحة لوجه الله .. اذا اساء أحد أفراد الاسرة .. فالاسرة اللي هتدافع عن اساءة ابنها هي اسرة غير جديرة بالاحترام .. والاسرة اللي بتعاقب ابنها المخطيء وبتعتذر لخطئه بتنال احترام وتقدير الجميع .. وبتحافظ على سمعتها وشرفها .. ده ليها ولبقية ولادها الشرفاء .. ده ان كانت حابه تظهرهم شرفاء ) .
*








التعديل الأخير تم بواسطة ايمان طلعت ; 04-07-2016 الساعة 07:00 PM
  رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
حصري اهداف مباراه مانشستر يونايتد و ريدينج princes123 كرة القدم , كاس العام 2014 وتحليلات المبارايات ومشاهدة المباريات 1 02-23-2013 02:46 PM
سانتي كازورولا يقود ارسنال للفوز على مضيفه ريدينج ! المبدع ! منتدى الرياضة العام 1 12-23-2012 01:09 PM
سندرلاند يسحق ضيفه ريدينج بنيجة 3-صفر ! المبدع ! منتدى الرياضة العام 4 12-23-2012 12:57 PM
اهــداف مباراة ريدينج و ارسنال " المجـنــونــة " P R ! M O كرة القدم الاوروبية والعالمية 0 10-31-2012 01:18 AM


الساعة الآن 03:58 PM


Powered by vBulletin® Version 3.8.7
Copyright ©2000 - 2020, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w