لا أنتى ولا هى...

[د/ عبد الله]

لا أنتى ولا هى...
لا قدرت إنى أحبها
ولا أنتى هتبقى فى يوم ليا

حبتنى أيوة وحبها...
داير ما بين لياليا
تعلن فروض عشقها
تحلم بكلمة وحنيه

وأنا اللى رافض قربها
حبك بديل عن حبها
تحلم بشوقى وجنتى
وأنا اللى كاسر قلبها

مبقتشى شايف غيرك انتى
ولا انتى ليكى حبيب إلا أنا
يعنى مين فيكم حبيبتى
ومين مكانها مش هنا؟

مين فينا اللى جانى
ومين فينا الضحية؟

لا أنتى ولا هى....

لا هو بايدى ولا بايدها
ولا بايدك تحبينى
مش قصدى ف بعدى أعاندها
لكن قلبى اللى هادينى

وآخرة حبنا كله...
محدش فينا طال غيّه

لا أنتى ولا هى

[شاعر الحب الحزين]

ولا انتي ولا هي قلوبنا ملناش حكم عليها

زي السما والارض امنيات فوق السما ومشاعر ف الأرض تحتيها

في وحدة تالتة مخبيها النصيب لا قبليها ولا بعديها


كلمات جميلة وواقعية بعامية ولا احلى

تسلم ويسلم النبض دكتور عبدالله

ربي يوفقك ويسعدك

[شاعرة الرومانسيه]

ما أروع حروفك التى تميزت باحساس راقى

ابداع كما تعودنا منك دائما

تسلم ايديك يادكتور

[اشرف 2006]

كل شئ قسمه ونصيب

تحياتى

[۩۩ elMagic ۩۩]

كلمات جميله منك
سلمت يمينك أ/عبدالله
دام نبضكـ

[مارد الغضب]

الفكرة اعجبتني كثيرا
اسجل اعجابي بكلماتك الرائعة
راقتني الفكرة والمضمون
تحياتي

[Lamees]

مش دايما كل اللي بنعوزه بنلاقيه
كل شيء بيرجع للقلب واحكامه
وطبعا القسمة والنصيب
راقتني الفكرة والمضمون
تحيتي

[العاشق الذى لم يتب]

انامتهيئلى حكاية النصيب دى عاوزة تتلغى من القاموس
جميلة كلماتك بالعامية
شاعرناالكبير
ودكتورناالعظيم
تسلم ايدك
تحياتى

[همس الحنين]

كلماتك سلسه واحساسك بالكلمات راقى

فى الحياه ليس كا ما نتمناه ندركه

احترامى لك ولقلمك المميز

[د/ عبد الله]

شكرا لكل اللى شرفنى بالمرور

تحياتى ليكم جميعا

أسعدكم الله فى الدارين