شخصيـــة مزاجيـــــة

[شاعر الحب الحزين]

وقـت مــا أحــب أعلـي ووقـت مــا أحـب أوطــــي

أستر كتير على اخطاء وف لحظة بكشف المتغطي

اللـي قال عن بحري صغير خليته يغرق في شطي

اللي حاول ف معاملته يتغير مقدرش يبعد ويخطي


أغيب وقت ما أنا عايز وأرجع بكيفي ومزاجي

ولما يعـوزوا إنـي أغيـب أبطـل أروح ولا آجـي

ادخل من أي باب ولا شيء يسبب إحراجي

عشان دغري ماشي وتاج الحق والعز تاجي


ولا حزن يلغي بسمتي ولا يأس ينهي أمنياتي

ف ضعفي ببقى ف عز قوتي ولا رح تلقى زي حالاتي

الصبر كيفي الصح سيفي الموت ضيفي كل لحظة ف حياتي

الدنيا صغيرة جدا كل اللي ليا فيها ماضي الطفولة وذكرياتي


أيوة مليش طريق لا حبيب ولا صديق

بس ماشي حتى لو مش شايف طريق

قالوا زمان اتعلق في قشة ولا تموت غريق

القشة هشة ع البحر طافت والبحر عميق


الدنيا زايلة والأيام مش دايمة لحد

واللي ضحكتله السبت بكت عنيه الحد

بين البين بعيشها الضحك ضحك والجد جد

لا يغلبني حزن ولا حق يبات فورا لاصحابه يترد


احترمت نفسي جدا قبل ما حد يذلهــا

علمت نفسي قبل ما حد بغرور يدلهـــا

طول ما انا صح متفرقش معايا الدنيا كلها

انا كده قلبي كده ولو تبقى كده ربك يحلها



شـــــــــــــــــــــــــــــــــــــــــ . حــــــــــــــــــــــــــــــــــــــــــ

[ندوشه 2011]

تسلم يا خالد الله يوفقك ويسعدك بس قولي صحيح طالما انت كدا ياخويه بتقول بحر ما تنزل تصطاد لنا جمبرى وكابوريا ههههههه ربنا يسعدك

[شاعرة الرومانسيه]

والله شخصيه ميه ميه

لا تُحب من يأمرها

ولا تسمح لاحد يجرحها

تسلم ايديك خالد

[العاشق الذى لم يتب]

فكرة حلوة بتاعت ندى
بحروجمبرى
ههه
انت جميل خالد
وكل ماتكتب
اسعدالله قلبك
تحياتى

[Hearts Whisper]

الكلام دا لو النص طبقت نصه .. نص مشاكل البشرية هتتحل هههههههه
حلو الكلام والاسلوب .. تسلم

[توحد ارواح]

بالفعل الدنيا زايله مش باقيه لحد
واحنا عايشنها بحلوها ومرها
تحيتى لجميل ما كتبت
دام نبض قلمك

[فداااااااااااء]

احسن حاجة انك تعيش الحياة بفكر زى كدا

جميل حرفك اخى شاعر دام رقيك وجمال نبضك

اسعدك الرحمن اخى

[شاعر الحب الحزين]

اقتباس المشاركة الأصلية كتبت بواسطة ندي2011 تسلم يا خالد الله يوفقك ويسعدك بس قولي صحيح طالما انت كدا ياخويه بتقول بحر ما تنزل تصطاد لنا جمبرى وكابوريا ههههههه ربنا يسعدك

هههههههاي مش عايزة فسيخ طيب هههههههاي

نجبولك اللي عايزاه يا افندم ولو منورة الدنيا

ربنا يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة شاعرة الرومانسيه والله شخصيه ميه ميه لا تُحب من يأمرها ولا تسمح لاحد يجرحها تسلم ايديك خالد

من بعدك يا راقية

ربي يسلم نبض قلبك حنين

أسعدني وجودك وكلامك

ربي يوفقك ويسعدك

[شاعر الحب الحزين]

اقتباس المشاركة الأصلية كتبت بواسطة العاشق الذى لم يتب فكرة حلوة بتاعت ندى بحروجمبرى ههه انت جميل خالد وكل ماتكتب اسعدالله قلبك تحياتى

يا راجل دي بتحب الفسيخ

بس وماله مش غلط نجيبوا جمبري

انتا الجميل يا ابو الروف يا غالي

أسعدني وجودك يا طيب

ربنا يوفقك ويسعدك