اعضاء ف دائره الاتهام ( ايمان طلعت )

[الفيلسـوف]

اهلا وسهلا بكم معانا ومعاكم النهاده

نجمه السويتش صاحبه البصمه المميزه نجمه الخزعبلات وفتاه المقالب ايمان طلعت اسمك وسنك علشان ف ناس مش تعرفك ع اعتبار انك مش مشهوره وانا اكتر واحد مشهور لا محدش هنا يعرفني خالص اصل نورك مغطي عالكهربا ايمان طلعت 35 سنه و اربع شهور ايه احساسك بقى وانتى جايه متهمه وياترى متهمه فى ايه بالضبط انا عامله زي اللي قاعد بيتغدي وهوووب امن دولت جاله زيارة ليه وفين وهرجع تاتي ولا لا ميعرفش عندك استعدادا تجوبى بصراحه ولاممكن اه طبعا هجاوب بصراحه جداً الشعور بقله الحيله كيف تتغلبى عليه شعور قله الحيله دة يعتبر قسم من اقسام اليأس فاكيد لما اوصل للاحساس ذة مش هيبقي قدامي حاجه للتغلب عليه التغلب و المحاوله يبقي قبل الوصول للشعور دة انى لا أياس لان اى محاولة فاشلة لا اعيرها بالاً بل اعتبرها خطوه الى الامام طبقتى ازاى ده ف حياتك المحاوله الفاشله بتبقي اول خطوة لمحاوله اخرى ناجحه علي سبيل المثال حصل وجبت مجموع قليل في الاعدادي ومدخلتش ثانوي عام دخلت ثانوي تجاري واعتبرت نفسي فشلت لكن تفوقت فيه جدا وكنت من الاوائل دايما وجبت مجموع فيه دخلني معهد وكان ممكن اكمل كليه حقوق بما اني كنت شعبه قانون بس اتجوزت بقي ومنفعش الاعتقاد السلبى انك لا تسطيع ان تفعل شيئا وان لا فائده منك كم مره راودك هذا الشعور محستش فاي وقت ان لا فائده مني يمكن لان حياتي بسيطه جدا ممرتشي مثلا بمواقف تخليني احس اتي سلبيه لكن عموما محبش اكون سلبيه ولا احب الانسان السلبي ماضيك يختلف عن مستقبلك كيف كان ماضيك وكيف اصبح مختلف عن مستقبلك الماضي كانت الطفوله فاكيد تختلف عن الشباب كتير في التعامل والتفكير والحياه عموما لكن لا خلاف بينهم في الانطوائيه.... البراءه.... ملامح الشخصيه فى اتهام بيقول ان النجاح هو ان تحدد اهم شى بالنسبه لك هل استطاعتى فعلا ان تحققى اهم شى ف حياتك مش شرط تنجح في الهدف اللي حطه لنفسك ممكن تحط هدف وتسعى اليه لكن متقدرش توصله وتلاقي نفسك محقق حاجه تانيه كان هدفي ادخل كليه علوم قسم كيمياء محققتش هدفي فيه لكن ربنا عوضني بهدف تاني وهم اولادي ربنا يباركلي فيهم اتهام تانى بيقول انك عصبيه جدا وخصوصا مع اللى يستفزك انا عصبيه اه بس مش جداً واكيد هتعصب مع الانسان المستفز بس بحاول اسيطر علي نفسي ماهو اقصى درجه الاستفزاز عندك وازاى بتقدرى تتعاملى معاه درجه الاستفزاز بتترتب على الحاله النفسيه وقتها ممكن اكون اصلا مش طايقه نفسي فمن اقل حاجه هتعصب والتعامل بردو بيكون علي حسب الموقف ممكن اقعد وقت بدون استفزاز وممكن اسيبه خالص يخبط راسه فالحيط وممكن اقوله انت حر بقي عليكى ان تتبرا من اوهامك التى لاتجعلك ان ترى الحلول ماهى تلك الاوهام التى قابلتك وكيف استطاعتى التغلب عليها الاوهام هي السراب اللي بيبقي في طريق الحياه ولازم نبعد عنه عشان نشوف طريقنا كويس بالنسبالي مكنش فيه اوهام فطريقي ليس هناك مايستحق الانتحار فالحياة جديرة بان نحياها فدائما ما نجد ما ينبغى ان نكن له الامتنان الانتحار كفر بالله لكن اعتقد انك لا تقصد الانتحار الفعلي لان كثيرون احياء لكنهم منتحرون الامل والاحلام كانهم موتى الحياه لا تستحق العيش باليأس فانها لا تساوي جناح بعوضه ف اتهام بيقول معانا وخصوصا انك مراقبه انك بتبقى مش منصفه دائما ف التقيمات ههههههههههه بتهزر اكيد الحمد لله بتعامل بضمير جدا وعمري ما اجامل حد ولو شوفت اي مجاملات او تجاوزات اسيب الموضوع من ايدي وانت عارف الكلام دة كويس بما انك اداري^_^ باعتبارك مراقبه كيف يتم التقيم من وجهه نظرك وما الاشياء التى لم تستطيعى ان تحققيها حتى الان التقييم بيكون على اساس نشاط المشرف ومجهودة فالقسم وافكارة اللي بيعملها طبعا مجهودة وشغله هو اللي بيجذب الاعضاء وبالتالي تنشيط القسم ودة المطلوب وبيتم التقييم وفقا لمعايير تمت وضعها واحصاءات ويمكن تغيير تلك المعايير من وقت لاخر والله فيه كذا حاجه فدماغي بس بعمل حاجه حاجه مش كله مع بعضه واللي عايزاه بعمله مفيش حد بيمانع من الادارة بالعكس دايما بلاقي تشجيع الشخصيه والنقد والاسلوب والموازنه اشياء يجب ان تكون ف الانسان كيف تم ذلك فى شخصيتك والله هي الشخصية بتتبني من الصغر للكبر مش حاجه بنتعلمها او نكتسبها فجأه بس بنقدر نتحكم فيها و نرقيها مع الخبرة في الحياه والعقل والتفكير السليم دائما ما نجد ما ينبغى ان نكن له امتنان من هولاء الذى تعيشى معاهم هذا الشعور امتنان وفضل اي حد اتعلم منه شئ امتن له كثيراً النجاح هو نتيجة للراى الصائب والراى الصائب هو نتيجة للخبرة ايه هى خبراتك ف الحياه حتى تقولى انك ناجحه الحقيقه انا ماليش خبرة فالحياه كبيرة لان دايما كان مقفول عليا و ممرتش بمواقف وتجارب اتعلم منها كتير بس العقل والتفكير السليم هما اللي بيوصلوا للرآي الصائب مع نصيحة الاكبر سناً الخبرة هى نتيجة الفشل فى اصدار الاحكام كيف استطعتى ان تتعلمى من ذلك الخبرة بتيجي من التجربه والفشل وايضاً تجارب الاخرين ولازم نتعلم من الفشل حاجه لان لو متعلمناش هنفضل نفشل ومش هنكتسب غير خبرة الفشل انت صانع القرار كيف استطعتى ان تكونى كذلك بالعقل السليم والشخصية تقدر تصنع قراراتك وتتحمل مسؤليتها والحمد لله كل قراراتي فالحياه انا اللي اتخذتها بنفسي و كانت صائبه النجاح هو النجاح الاسرى والشخصى والمهنى هل استطاعتى تحقيق هولاء وهل اضاف ذلك ف مكنون شخصيتك الحمد لله نجحت نجاح اسري وشخصي لكن منجحتش مهني لاني مدرستش اللي عايزاه ولا اشتغلت بيه الشخصيه زي ما قولتلك بتتكون مع التكوين العمري وبنكتسب اضافات مع كل مرحله فاللي اثر في مكنون شخصيتي التكوين الاسري قوة القرار تكافى القدرة ع التغير كيف تم ذلك من خلالك لا قوة القرار لا تكافئ القدرة على التغيير لاننا ممكن نقرر كذا ولا نستطيع العمل به تم في كذا موقف ودي اللي بنسميها احلام مايحدد المصائر هى قراراتنا وليست ظروف حياتنا ايه رايك ف الكلام ده ايمان احيانا ظروف وضغوط الحياه هي التي تحدد المصير او توجهنا لمصير غير المقرر له واحيانا ايضا قراراتنا توجههنا لطريق اخر غير المحدد فنتيجه القرار غير مضمونه وفي الاخر كله بيد الله والمكتوب هو اللي بيتنفذ انتى متهمه بالتقصير ف بيتك تفتكرى انتى هذا الشخص بعترف اني احيانا بقصر لكن مش كل الوقت اكيد ودة بيكون لعوامل نفسيه ولكن انتظر فهناك المزيد متى تقولى لنفسك هذا الكلام اقول الكلام دة لقلبي لو بدأ يشعر باليأس القصه لم تنتهي عند ذلك الى من تقوليها اقولها لقلمي شى تريدى ان تعترفى فيه ف اول حلقه اتهامات اغترف اني عامله ريجيم وجعانه دلوقتي عااااااا النقد والاسلوب والجدال كيف تستطعى ان تطبقى ذلك فى طريقه تحاورك اسلوبي مباشر دائما فلا اجامل لكن ايضا لا اجرح ولا اجادل كثيراً لكل مكان اشياء جميله وسيئه ماهو الجميل والعكس فى بنات مصر الجميل ان فيه روح محبه واخوة متلاقيهاش في مكان تاني وكمان ثقافه البعض في القراءه والرد قليل لما تلاقي رد كوبي السئ التعصب السياسي والكروي واحيانا .... شخصيات رائده استطاعت اان تستغلى اى شى تمنحه الحياه له استطاعتى ان تكونى ذلك الشخص بحاول اقلام اتسمت بالهدوء ف الاقناع والتحاور الاقلام المميزة هنا كتير ماهو تحليلك بالنسبه للشخص الذى يرى انه دائما ف موضع اتهام ما دام شايف نفسه في موضع اتهام دائما يبقي في الامر شئ زي ما بيقولوا اللي على راسه بطحه بيحسس عليها من هو الشخص العفوى والعصبى والاجتماعى من وجهه نظرك العفوي بيبقى تلقائي اللي في قلبه على لسانه واحيانا يقول كلام دون ادراك بس مش معنى ان له العذر انه يغلط ويرجع يعتذر ويقول اصل انا عفوي العصبي بتبقي درجات فيه عصبي متحكم فنفسه فيه عصبي ويقول كلام جارح ويرجع يعتذر وفيه عصبي فظ يغلط ويجرح ولا يعتذر الاجتماعي ممكن يكون دبلوماسي فكلامه و ممكن يكون عفوي بس لبق عشان كدة تلاقيه اجتماعي والكل يحبه اختلاف الشخصيات تختلف باختلاف البيئه والتربيه والسلوك هل تتفقى ام لا ولماذا نعم اتفق لان كل بيئه وليها طريقه في التربيه في بيئه متدينه وبيئه وسطيه وبيئه متدنيه وبيئه منحرفه و لكل بيئه اكثر من طريقه فى اتهام بيقول انك دائما تدعين البرائه وانتى لست ذلك دفاعك عن نفسك ايه انا لا ادعي شيئا عن نفسي فما هو المكسب فادعائي البراءه بالكذب لا شئ مبسوط انك كنتى معانا متهمه وانتظرينى ف حلقه جديده واوعى تغير المحطه انا كمان اتبسطت كتير بوجودي اول ضيفه معاك والاسئله متنوعه واستمتعت بالاجابه عنها اتمنى النجاح للبرنامج واعتذر عن الاطاله في بعض الاجابات وانتظرونى ف الجزء 2 مع ايمان بدون مونتاج او حذف وتصريحات ع صفيح ساخن

[سيناا]

اوووووووووووووووووووه


اووووووووووووووووووووه


البداية مع الابلة الخطيرة امووونة ياعين ياعين


طبعا بداية موفقة


<<<< حجز مكان

ل تمعن بالتهمة ):

[ندوشه 2011]

عسل ايمي شخصيه ميه ميه ربنا يوفقك ويسعدك ويسعد الجميع

[۩۩ elMagic ۩۩]

يخربيت اللغه العربية
المصائر دى جيبتها منين = d
وبعدين دا طلع معانا زويل واحنا منعرفش كده
ربنا يكرمك ايمان ويحققلك كل ما تتمنيه بقى
متابعين ان شاء الله ,, تسلم ي معلم للمجهود

[اشرف 2006]

ماشاء الله


شخصيه عاقله واقعيه صريحه


اختيار موفق جدا ياقيليسوف

تحياتى

[bobaOo]

ههههه صفايح ساخنه..
بدااايه جميله جدا مع ضيفه اجمل مونه حبييه قلبي..
ربنا يحققلك كل احللمك ويبعد عنك اي سوء يارب..
تسلم ايدك ي محمود مجهود عالي منك..
تحياتي ليكم ..

[سيناا]

اول اعرف امونة عصبية يالهوتي يالهوتي

ههههههههههههه


بس بجد طريقة متميزة منك يا صديقي الفيلسوف

وامونة صريحة و مثقفة ماشاء الله عليها تعرف كويس تدافع عن تهمها


استمر بفى بالرنامج المشوق

تحيتي ..

[Lamees]

صفيح ساخن وفي الحر ده كمان ^_^
المهم ايمي انتِ لسه متهمة حتى تثبت براءتك
وساتولى انا مهمة الدفاع عنك بأستماته
ولن اتوانى عن اثبات براءتك
وسأرفع دعى على محمود بالتعويض المادي والنفسي
هههههههههههههههههههههههههههههه

[حازم34]

لقاء جميل جدا مع شخصيه جميله قلبها طيب تحب الجميع

واثبت الاجابه عن الاسئله صدق ذلك

شخصيه فنانه تمتلي بروح جميله

اعتز اني اعرفها اخت ما اجملها في الطيبه وحسن الخلق

ربي يسعد ويبارك فيك وزوجك واولادك


حقيقي استمتعت جدا باولي الحلقات

مع الشخصيه الجميله تلك هي ايمان طلعت

ومع رائد الاستضافه واستاذها الاخ محمود

لقاء جميل

ولن اغير المحطه

انا جالس بقي يله فيها ايه

لو انتظرنا جمال الحوار والاجابه

اجمل ما فيها اخت غاليه علينا

كتير بنعرفها ونفرح بوجودها

مش هغير واهو جالس منتظرها

تهل علينا في حلقتها التانيه

ربي يسعدها ويكرمها

[Hearts Whisper]

ايوووة بقا .. فظيع الحوار والاسئلة
عجبنب اجابات ايمااان جدا .. بس بالنسبة للتعصب السياسي
والكروي في دا في كل مكاااان .. هنا يعتبر مفيش مقارنة بالواقع
والسوشيال ميديا مثلا .. حوار راقي جدا منكم ..
ومنتظرة الجزء التاني ^_^