مظاريف مغلقة...

[مارد الغضب]

هناك اكثر من نظام في المزادات...انا اعرف منهم ثلاثة
نظام المزاد العلني...نظام المظاريف المغلقة...نظام الامر المباشر
امانظام الامر المباشر فهو الاسوأ علي الاطلاق
والمزاد العلني له مزايا وعيوب تتجلي المزايا عند وجود منافسة
حقيقية بين المتنافسين...اما في حالة التراضي بين المنافسين
تكون الكارثة
اما افضل الانظمة الثلاث فهو نظام المظاريف المغلقة...
وفيه يقوم كل متنافس بتقديم عرضه في مظروف مغلق حسب تقديره
الشخصي ويكون الكل حريص علي عدم علم الاخر بما تم تقديمه
و تقوم اللجنة المختصة بفض المظاريف لمعرفة مزايا وعيوب كل طلب
و من هنا اقترح علي الادارة
عند الاعلان عن مسابقة جديدة ان يقوم المتسابق بإرسال مشاركته
علي الخاص للقائم بالمسابقة ثم يقوم القائم علي المسابقة بتشكيل
لجنة متخصصة في مجال المسابقة وارسال الاعمال لكل عضو مقيم
علي الخاص دون اعلامه بصاحب المشاركة ثم يتم تجميع النقاط كما نفعل
اليوم ثم نعلن النتيجةمع الاعمال
اعتقد انه بهذا تكتمل الشفافية ونبتعد عن المجاملات و الانحياز
اذا كانت الفكرة غير مكتملة..فلنعمل سويا علي اتمامها
في انتظار مقترحاتكم
تحياتي

[توحد ارواح]

منظم المسابقه عموما بيختار اعضاء للتقييم علي قدر من المسئوليه والحياديه
ولكن مبدئيا الفكرة كويسه بالفعل ولو الكل وافق عليها ممكن التنفيذ
شكرا ع مجهوداتك القيمه
فى امان الله

[همس الحنين]

لجنة التحكيم فى اى مسابقه المفترض بتقيم حسب فكرة الموضوع وقوته

يختلف الشعر عن المقال عن النقاش

يعنى صعب تتنفذ فكرة المظاريف المغلقه فى كافه المسابقات

عندك القسم هنا حوارى لازم اعرض القضيه واناقش الاعضاء

لكن الفكره اللى اعتقد تكون افضل

ان المشتركين ينزلو مواضعهم عادى لكن بأسماء مستعاره مش معروفه

لان رأى الاعضاء كمان مهم ووقتها يفتح مجال التصويت بكل شفافيه

جميل اقتراحك

احترامى

[الفيلسـوف]

انا مش راضى احبطك لانى الفكره كده بتكون صعبه
ولكن من حقك وقتها ان كنت مشترك تعرف اللجنه المقيمه
ولكن زى ماقالت ندى حقول لو اتفقت الناس معاك اوك
بالرغم انى شايف الفكره صعبه جدا بالطريقه ديه
منور ياابواسماء

[Lamees]

مفيش حد بيبقى الاول دايما
ومفيش حد بيبقى الاخير دايما
التقيمات هنا بتم بناء على الاراء
وكل انسان ليه وجهة نظر
كل عضو من وجهة نظره موضوعه الافضل
لكن هناك اراء اخرى
عامتا الفكرة كويسة
لكن ممكن تتنفذ في قلم الاعضاء
او الاقسام الادبية لكن النقاش مش هتنفع ابدا
لكن اعتراضك ناتج عن اي شيء اخي
عامتا كل انسان بياخد وقت عشان يتعود
على المكان الجديد عليه ويفهمه اكتر
ويعرف الناس اللي فيه وقتها هيعرف
ان مفيش تحيزات ولا اي حاجة
شكرا

[شاعرة الرومانسيه]

انا شايفه ان رأى الاعضاء فى موضوعك عامل اساسى

يأتى من بعده لجنة التحكيم

ودائما بنختار لجنة التحكيم على قدر عالى من المسؤليه

وانا شخصيا عمرى ما اشتركت بمسابقه عشان الجائزه

ولكن بشارك حبا بالفكره وافادة الناس

[العاشق الذى لم يتب]

واناشايف كلامك نتيجة زعلك من المسابقة الاولى والتى اشتركت فيها
اولا ياغالى حكاية المسابقات
ماهى الاتشجيع وتحفيز
كى نطلق العنان لاقلامنا وابداعنا
وليس كل مشترك فى مسابقة فائز بجوائز
وإنما الفوز مجرد ان نشترك ونبدع
ولجنة التقييم ودائمالاتقل عن ثلاثة
كل واحدفيهم له وجهة نظر
فتجدموضوع أحد المقيمين أعطى مثلا 9 من 10
وآخر اعطى 5 من 10
وهكذا تتفاوت وتختلف التقيمات
وكونك تشترك فى مسابقة وتكون فيها من الثلاثة الاوائل
بصرف النظر عن الترتيب
فهذا دليل على انك تحمل قلم وفكرراقى وجميل
ولايعنى بالضرورة فرق المركزالاول من الثانى
ان الاول افضل من الثانى والثالث
فلذا اخى الغالى دعنى اعتب عليك
كونك اخ غالى وصاحب قلم مميز
انك تمر على موضوع النتيجة وانت فائز فيها
وتمتنع ان تكتب كلمة واحدة
فذلك يجعل الناس منك لااقول غاضبة وانماعليك عاتبة
نروح لفكرتك
فيه مسابقات تم التصويت بها كمااشرت
اختم قولى
دعواتى لك

[عاشق انا]

لا تعليق علي الموضوع ولا علي اراء المعلقين
لان كل منكم ليه راء مختلف في المنظزمه ولكن هو قال كلمه جميله ترسل
الموضوع علي الخاص ثم تقوم الجنه جيده وتقيم العمل
هذا ما نفعله في الجنه في دار النشر وتقيم الموضوع لحسن
الاهتمام والنقاش
تحياتى لكم

[احساسى صحيح]

انا كان لدى نفس التحفظات فى بداية تسجيلى فى المنتدى
وكنت كثيرا ادخل مسابقات كثيرة دون أن احصل على أى شىء
يمكن أستمريت لمده لا تزيد عن السنه ونصف دون وسام واحد بأى مركز
لأن المنظمين وقتها كان دائماََ المشرفين على الاقسام
وطبعاََ اى مشرف كان بيكون له شله معينه لا تخرج الجوائز عنهم
خاصاََ العضو الجديد كان من الصعوبه بل المستحيل يحصل على شىء
ودائما كان النظره للعضو الجديد اقل من القديم حتى ولو كان افضل منهم
وذلك دون مراجعه من الاداره لأن المشرفين وقتها كانوا من اقرب الناس للاداره
فكانت تحدث مهازل علنيه وخفيه
هكذا كان الحال سابقاََ ولا أعلم الحال حالياََ ..

ولكن بالعموم من الخطأ عدم الاعلان عن المحكمين
نقطه آخرى مهمه كنت ناوى أنفذها عندما كنت متحدث عن الاعضاء
ولكن الظروف وقتها لم تساعدنى على إتمامها
وهى اى مسابقه تقام بأى قسم
لا بد من مراجعة النتيجة والموضوعات المشتركه من قبل الاداره
وفى حالة وجود مقيم من المقيمين شذ عن الموضوعات وعن باقى المقيمين فى تقيمه
يتم منعه نهائيا مستقبلا من تحكيم اى مسابقه ويكتب اسمه فى قسم المشرفين

كل الناس شرفاء بدون شك
ولكن عند بداية اى مسابقة لا بد من إعلان اسماء المقيمين
لأن هناك بعض المقيمين بيكون لديهم خلافات شخصيه مع المشتركين
فبالتالى لن يكون هناك شفافيه ..
تسلم ابو اسماء ولديك كل الحق فى استفسارك
تحياتى ..

[αЛαstoOorα]

ممممم
آنا نفذت الفكرة بالفعل
ف مسابقة سابقة منذو زمن قريب
وآعلنت على الحكام ونزلت التقييمات
بتحليل كل واحد ووجهة نظرة
يمكن آطياف تفتكر وآنها كانت من المقييمين وقتها
ودا ف حد ذاته قمة الشفافية ف التقييم يعني
واللى انت بتقوله دا صح مش غلط والمفروض
ان هو دا اللى نمشي بيه ..
بس مثال
آنا مثلاً واحد من المحكميين جيت انت مثلاً
ليك خلاف معايه آو مش متفقين مع بعض ف معظم الردود
وعامل موضوع داخل المسابقة
:
وجيت آنا حطمت وقولت انا هديك تقييم قد كدا
والتقييم اتعرض ..آنت ذات نفسك مش هتقتنع آن انا كدا
بديك التقييم اللي هو فعلاً من حقك ودماغك اتوماتيك
هتقول دا عطاني التقييم دا عشان في خلاف بنا
والتقييم مش عادل وبتاع ؟ بس ساعتها مش هتقول في خلاف
ساعتها هتقول التقييم مش عادل ..
"
وحصلت بالفعل ف المسابقة اللي بقولك عليها
مع آني كنت مختار آعلي الناس شفافيه وصدق وآحترام
وانا بالزات وبالآخص ف المسابقات
مبحبش آحط نفسي ف موضع شك ولا شبهه
ف بقيم بطريقة متعبة بجد ..وبكذا طريقة مش طريقة وحدة
بخلاف آني مبخترش آي حد يقيم غير آعلي ناس ف الآدارة
والناس القدامي اللي تقيمتها نزيهه لآبعد حد
وبرغم دا ..آتشكك ف النتايج وقتها والناس زعلت
وكل واحد كان شايف موضوعه هو الآول ؟؟
ووصلت للآتهامات كمان للناس اللي قيمت
ودا خلاني اتعصب جامد وآفهم الكل ان انا بالآخص
عشان انزل تقييم ونتيجة ..يتآكدو تماماً آنها منصفة
::
ف الفكرة جميلة لو الكل تعاون وساب الخلافات الشخصية
على جنب وشاف ان الآعضاء دي للجنة ولازم يحترم
آراء اللجنة والنتيجة النهائية سواء فاز او خسر
لو دا هيتم من الآعضاء والكل هيحترم الكل ويحترم النتيجة
وميشككش ف الحكام وف التقييم
نقولك نتوكل ع الله ونمشي بالمبدء دا
آنما هتنزل النتيجة هتقلب بتشكيك وخلافات واتهامات
ومشكلة؟
يبقة الآصلح آننا نخلي التقييمات وره الستارة كدا
وتنزل المراكز ..لا حد عرف ليه ولا آزاي؟
بس آنت فكرتك بتقول ان من حق صاحب الموضوع
يعرف اتقيم من مين وعلي اساس ايه ويعرف تحليل الحاكم اللي قيمه
وانا معاك وبشجع دا ..بس لو هيُحترم والناس هتحترم بعضها؟؟