الناقد والفيلسوف 2 words whisper

[الفيلسـوف]

اهلا وسهلا بيكى ف حلقه جديده ومن جديد معانا ومعاكم د اسماء هلا بحضرتك وبكل اللي هيتواجدوا .. احساس حضرتك بعد الحلقه الاولى من الناقد وطريقه النقد استمتعت و استفدت .. اضمن طريقة للعيش بشرف فى هذا العالم هى ان تكون حقيقتنا مطابقة لما نريد ان يرانا الناس عليه هكذا تكلم سقراط كيف تتكلم اسماء فى ذلك فعلا دي أضمن طريقة للعيش بشرف لأن هتكون الحصيلة إن مانؤديه بالسر لايتعارض مع مبادئنا و قيمنا .. شيء آخر مش فيه بني آدم كامل ادعاء الكمال بحد ذاته نفاق ( انت بني آدم له عيوبه فبلاش تصنع عكسها ) الأمور بالبساطة دي .. كل الفضائل الانسانيه تنمى وتعزز نفسها عندما نمارسها ونطبقها ايه رايك ف الكلام ده يوافقك ام لا أكيد الفضيلة مش هتكون حياة غير بممارستها .. عندما لا نقاوم عندما لانكره انفسنا بسبب مانمر به تنفتح قلوبنا هكذا تكلم شارون سالزيوك ف كتاب the path of least resistance الى اى مدى تتفقى ام تختلفى مع هذا لاأعلم كان كلامه بسياق إيه ولكن بشكل عام آه لما مش هنقاوم نقصنا البشري ومش هنكره أنفسنا لأي سبب ولاحتى لخطايانا هنكون على قيد الحياة ممكن حد يقول ودا بيحصل كتير ( أنا بكره نفسي للخطيئة الفلانية ) وممكن يبآ الرد ودا كتير بأن دا جيد لكن دا غلط تماما مهما كانت نقائصنا ومهما كانت عيوبنا فهي جزء من الحياة المفروض نرفض خطايانا ونحاول نصلحها إنما مش نكره أنفسنا كراهيتنا لأنفسنا هتخلينا مش نعرف أصلا نصلح خطايانا بشكل حقيقي .. اخبر نفسك عن حقيقة موقفك الحالى تقدرى تقولى ليه ايه موقفك الحالى بالضبط من نفسك والمجتمع والاصدقاء من نفسي / متصالحة مع نفسي لكن عايزه أشدها في الدراسة .. المجتمع / غضب كتير .. الأصدقاء / متقبلاهم تماما بكل مافيهم .. ردودك دائما تكون مختصره لماذا ومالهدف من ذلك هل هو تحديد الحدود والمسافات بينك وبين اى شخص ولا شى اخر بعض الأحيان آه دا سبب و بعض الأحيان ودا أهم ان دا اللي هيهم اللي بجاوبه وأكتر منه هو مجرد إضافة عبثية مش هتفرق عنده حاجه .. الطريقة التى نبدا بها يومنا هى التى تحدد ايقاع كل شى سوف يحدث بعد ذلك كما قال تريسى دى ساريوجارت وبيجى يووارد ماذا عن اسماء فى هذا العقل لا مش دايما دا صحيح ممكن نبدأ يومنا بشكل خاطئ لكن نصلحه وممكن العكس .. الرضاء شى جميل فى حياتنا هل استطاعتى ان تكونى ذلك الشخص الراضى عن نفسه آه الحمد لله لو الشخص مش شعر بالرضا عن نفسه حتى لو انتقدها يبآ مش هيعرف يقدر ويحب نفسه .. عيوب ومميزات اسماء من وجهه نظرك مميزات اللي حاضر بذهني حاليا : - اني جيدة في مبدأ الإستغناء - بعرف امتى أكمل وامتى أعمل ستوب - بقدر نفسي وأدللها وأحبها - بعرف أحط حدود في حياتي - اني فعلا بقدر اللي بحبهم وبعرف أوصلهم دا - ان مش واخده دور الحكم والقاضي ولابمثل الكمال - ليا دماغي ومش بهتم أعجب حد العيوب بردو حسب الحاضر بذهني : ان لو قلبي قسي على حد أو بطلت أسامحه بيبآ خلاص دا منتهي ومش له رجعة مهما جد في الأمور ومهما حصل ومهما اتغير .. هناك كتابات دائما تتهم الرجل انه له حق الخطا والمراه له ماذا كنتى تقصدين بهذا القول احنا في مجتمعنا الشرقي بنتعامل كدا ان الرجل إله أخطاؤه لاتُحتسَب بينما نفس اللي شايفينه عادي من الذكر يبنشوفه خطأ من الأنثى حتى في الحاجات اللي مش خطـأ .. نضرب مثالين وبحاجات بسيطة / 1- الزواج الثاني : اتنين انفصلوا أو زوجين حد فيهم مات بشرع ربنا و بالقيم الإنسانية والسيكولوجية مش فيه أي خطأ في الارتباط بالزوج الثاني ( ذكر أو أنثى ) بشرع مجتمعنا الشرقي الراجل لازم يتزوج تاني والحياة مش بتقف وحد يهتم بيه بينما المرأة بتبآ عديمة الوفاء و الإخلاص اللي بتعمل حاجه عيب ومش قررت تموت نفسها وهي عايشه وتربي العيال وخلاص ! 2- التدخين : الحرام شرعا مش فيه حاجه اسمها ست ولا راجل حساب ربنا للكل واحد و شرعه واحد لكن في شرع مجتمعنا الرجل المدخن عادي يعني ولاَّ دا شاب وطيش المرحلة وخلاص ولو واحدة رفضت واحد لأنه مدخن يبآ دا مش سبب كافي ومش حد بيشوف تدخين الرجل خطيئة وإن كان لايعني سوؤه فالكل له خطاياه بينما المرأة بيتقال عليها بجاحه وقلة أدب !! العلاقه بين الرجل والمراه توضح ف اشياء اراء اتجاهات كيف يرتب هولاء بالنسبه لكى هو أنا مش شايفه انهم يترتبوا ولكن العلاقة دي بيحكمها الرابط بين الرجل و المرأة واللي بناء عليه بيوضح الحدود و المسؤوليات و الحقوق في التعامل احنا بنتكلم عن العلاقة والتعامل مش الاختلافات .. حتى تتعلم الصبر يجب ان تكون لديك ف البدايد قدر كبير منه هل استطاعتى ان تكونى هذا الشخص هو الصبر مكتسب مش حاجه أصلا بتكون عندنا لو الصبر أصلا صفة فينا مش كان بآ صعب وعليه أجر .. آه الحمد لله صبورة جدا .. اساس العلاقات عندك فى خطوات ماهى 1- رسم حدود التعامل كـ غريب 2- ترك الشخص يحدد مكانته 3- التعامل وفقا للمكانة اللي اختارها الشخص لنفسه 4- الاهتمام بالأشخاص اللي بناء على اختيارهم أنا اخترت لهم مكانة أكبر اكتشفى اشارات الانذار الخاصة بكى المشكلات هى فرص تحثك ع اغتنامها اى رايك ف الكلام ده المشكلات فرص ! هي وسيلة بنوصل بها لمعرفة أنفسنا أكتر ولأن نتعلم نكون أقوى وأحكم و أصبر لكنها مش فرص .. لاشى اكثر فعالية من التنفس بعمق وبطء حتى يمكنك ان تتنازل عما لا يمكنك السيطرة عليه وتركز مرة ثانية ع ما تراه صوابا امامك تفتكرى قدرتى تكونى هذا الشخص أنا عامة هذا الشخص .. لكل شخصيه تنازل وتسامح متى تكونى الشخص الذى يتنازل ويتسامح لو اللي قدامي يستحق مش أخسره .. الحليم خير من القوى ومن يحم نفسه خير من يحكم مدينه هل استطاعتى ان تحكمى نفسك وماهى المدينه المفضله لكى وماهى قواعدها فى بناء نفسك آه الحمد لله بعرف كويس جدا أتحكم بنفسي على كل المستوياات .. مدينة بتحترم الإنسان و كرامته أكيد مش المدينة الفاضلة لأننا مش آلهة ولا ملائكة لكن مدينة بتحترم الإنسانية و العدل بغض النظر عن أي حاجه تانية .. شايفه نفسك كصديقه كاام كااخت كطبيبه ازاى صديقة >> لو كنت مش أنا و صاحبتني كنت هفخر بدا .. أم >> مش عارفة بس من تعاملي مع اخواتي الأصغر بتمنى لنفسي أكون أم صديقة .. أخت >> مكانة كل شخص في العائلة حسب تقديره واحترامه ليا .. طبيبة >> في المجال اللي بتمناه لنفسي شايفه نفسي ناجحة .. التخصص النهائى اللى حابه تكونى عليه وايه سبب اختيار هذا التخصص بالذات طب نفسي أهم حاجه في اللي هيتعامل في المجال دا ان يقدر يكسب الثقة و يقرأ اللي قدامه و يتفهم ويقدر مشاعر الآخر والحمد لله أنا بعرف أعمل دا وفيه ناس بتقابلني ومن أول لقاء بيحكوا لي أسرارهم !! وبدون ماأسأل في حد قالي ان بصدر للي قدامي بدون ماأقصد الثقة فيا مجال انا بحبه وهقدر أخفف حمل عن الناس وأخليهم أصدق مع أنفسهم وأكثر تقبلا لها .. عليك ان تغادر مدينة راحتك الى برية حدسك وستجد ان ما ستكتشفه سيكون رائعا انك سوف تمتشف نفسك هكذا تكلم آلان اندو فكيف تكلمتى انتى فى ذلك والى مدى تتفقى مع هذا سبق قلت الحياة بدون مخاطرة ومغامرات وبدون مانحسب كل حاجه بالمنطق أوي مش حياة .. استفد من حكمتك الداخلية ماهى حكمتك الداخلية التى تحرك مشاعرك وعقلك اينما اتجهتى فى اى طريق ان أتجنب الندم على شيء أهدرته .. جهازنا العصبى ليس مجرد خيال فهو جزء من جسدنا المادى وروحنا كذلك موجوده بداخلنا كما تتواجد الاسنان ف الفم معلمومه طبيه ع الماشى ايه رايك فيها جهازنا العصبي هو أكتر شيء مادي معقد وأنا شخصيا وبدون العلم مؤمنة بالروح .. المكان هنا حار جداً ولكن اليس الاهون ان تلفح النار وجوهنا من ان تلفح قلوبنا هكذا تلكلمت الام تريزا ايه رايك ف الجمله ديه والى اى مدى تتفق معاكى ام تختلف تمام وعشان كدا الواحد لازم يدعي ربنا ان يقيه عذاب جهنم >> لو حتى مجرد طمعاً في رحمة مش يستحقها دا انا مش بعرف أتحمل الشمس .. هناك اشياء تجذب انتباهك وتحميكى وتطيل التفكير فى ذهنك واشياء تثير استياءك وغضبك ماهى تلك المواقف تثير استيائي // أكتر حاجه على الإطلاق حاليا مواقف العبط المتخلفين اللي ماشيين يعاكسوا ويرموا كلام في الشارع + تصريحات الحكومة الموقرة واللي بردو بتحسسني ان البلد اتملت أغبيا .. تجذب انتباهي // غالبا بتكون مواقف عاطفية ولو مش على صعيد شخصي .. اساس الحكمة واحد اصعب الفصول فى فن الحياة العظيمة هو ان تعرفى كيف تصبح شيخا كبيراً بس الحكمة مش للشيوخ وبالتالي أساس الحكمة مش هو دا أساس الحكمة أن تسمع و تفكر كثيرا و تتكلم أقل .. الحياة قصيرة جدا ولذلك يجب علينا جميعاً ان نتحرك فيها ببطء اكثر تتفق ام تختلف معاكى ببطء ! لا طبعاً دا عشان الحياة فعلا قصيرة لازم مش نهدرها لازم نعرف نتخلى عن إيه مقابل ايه ونعرف انها مش هتقف تستنى نلحقها .. وانتظرونا ف الحلقه الاخيره مع د اسماء وأنا كمان هنتظرها .. واوع تغير المحطه ------------------------------ ------------------------------ .

[fanaa]

عسوله خالص دكتور اسماء
اجباتها جميله ومقنعه
والاسئله جميله يا بروف
فى الانتظار ........................

[ويبقى الأثر]

ماشاء الله
د/ اسماء من الشخصيات اللى لهم فكر وقلم راقى
قلمها فريد واجاباتها تنم عن شخصيه واعيه مثقفه
حقيقى جميله الحلقه
ربنا يوفقها
والاسئله كمان جميله محمود
بانتظار باقى الحلقات بقا
موفقين دايما

[همس الحنين]

اسئلتك مميزه لانها غير اعتياديه

تناقش جوانب الشخصيه بكافة الرؤى

جميله الحلقه فعلا

ودكتور اسماء

اجاباتك بتعبر عن شخصيتك راقيه فكراً واخلاقاً

احترامى لكم

[BaAnoOta]

برنآآمج مميز وكل آلشكر لصآآحب آلفكرة ألمبدعه ،
آنما ألضيفه ف آجابتها هآيله وآد آيه هيا أنسانه مثقفه ووآعيه
ف آنتظار آلجزء آلاخير من آلحلقه ، ومن نجآج لنجآح

[احساسى صحيح]

ما شاء الله
شعرت ان الحلقه دى مختلفه عن السابقه
حتى فى إجابات د/ اسماء
واضح جدا قوة الشخصيه فى إجاباتها
ويمكن كمان مختلفه كتير المره دى
عن إستضافات كتير لها سابقه فى برامج آخرى ..

كل تلك الملاحظات وغيرها هتكلم كتير عنها
بس إن شاء الله بعد الفاصل
قصدى الحلقه الاخيره
منوره دكتوره
وألف شكر حوده على الاسئله المتميزه
تحياتى لكما ..

[Words Whisper]

أ.محمود
شكراً لحضرتك
وهنتظر الجزء الجديد ..


كل اللي تواجدوا
شكرا لكم
وهرجع أرد عليكم فرد فرد ان شاء الله
بس لأن حاليا النت عندي ضعيف
فبإذن الله هدخل تاني اليوم وأرد على الكل ..
نورتم جميعاً ..

[شاعرة الرومانسيه]

لقاء راقى لشخصيه راقيه

واسئله ماتخرج الا من فيلسوف

تسلم ايديك محمود

[αЛαstoOorα]

تثير استيائي //
أكتر حاجه على الإطلاق حاليا
مواقف العبط المتخلفين اللي ماشيين
يعاكسوا ويرموا كلام في الشارع
+ تصريحات الحكومة الموقرة واللي بردو
بتحسسني ان البلد اتملت أغبيا ..

مفيش فايدة ..زي ماقال سعد زغلول بالظبط
مش عارف ليه بعد الحوار دا
حسيت انك متمردة علي كل حاجة حوليكي
ومش شايفة نفسك تشبهي الناس اصلاً ^^
تفتكري دا ايه؟
هل دا لآنك شايفة آنك موجودة ف زمن غلط؟
آو مش لايق عليكي؟
آصل مفيش بني آدم آستثنائي بالمعني القوي
ومش معقول تكوني مفكيش حاجة من الناس بقة ^^
بس عامة ياحوت الحوار ممتع ^_*
والضيفه آنسانة مثقفة ومحترمة جداً
وآعذروني ع التعليق والمداخله
حبيت آحييكم بس ^^

[توحد ارواح]

د/ اسماء منوره الحلقه
ماشاء الله بجد الحوار ممتع
قراته كله دون ملل
الاجابات تنم عن شخصيه راقيه واعيه مثقفه
ولها رؤى فلسفيه مختلفه
بانتظار الجزء القادم
تحيتى