تساوي كام عند صاحب العمل !!!!

[Dr. AnOosHo]

بعد اكتر من موقف اشوفه في الشغل اللي انا فيه او مع اصدقائي او الصيدليات التانيه

بقى عندي يقين تاااام ان الموظف لا يساوي 3 تعريفه في ميزانيه صاحب العمل

كل همهم حياخدوا كام من الموظف ده غير كده ولا يهمهم ولا يفرق معاهم

ممكن جدا تقع في مشكله كبيره بسببهم وبسبب سوء ادارتهم ولما تخاف وتعترض انك تكمل في نفس الغلط يتقال ده اللي عندنا عجبك عجبك مش عجبك براحتك اقعد في البيت !!!

في باله اي حد تاني حيشتغل ويدي طز !!

النهاردة دخلوا علينا في الصيدليه لجنه تشيك على ان الاقامات مظبوطه في المكان

انا الحمدلله تداركت الموقف ومحصلش اي ضرر للعمال اللب معايا

لكن لما بلغنا صاحب الشغل كان رده باختصار ... طب خير ان شاء الله !!

مش فاهمه مستني مصيبه عشان يعرفوا انها مش بسيطه ... وانا متاكده وقتها ولا حيعملوا اي حاجه والدليل ان في اماكن كتير اضرت وهم كان على قلبهك اجدعها مراوح

ابس الغلط مش بس غلط الشركات وصحاب الشغل ... الغلط كمان منا لان من كتر مافي كتير بيوافقوا على الغلط بحجه لقمه العيش
بقى صاحب العمل عنده قدرة يتنطت على الكل ويبقى متاكد ان في غيره يرضوا كتير

المفروض السؤال يكون احنا نسا ي كام عند نفسنا مش عند صاحب الشغل ؟؟؟؟

احنا اللي بنرضى بالغلط لحد مابقى الغلط صح وماشي في الدنيا واللي عايز يمشي مظبوط يتقاله انت مكبر ليه الدنيا

عجبت لك يازمن !!

[واد حبيب]

مين قالك انك تسوي حاجه هنا
مين يسوي اصلا
الوضع هنا كل يوم بيزيد سؤء اكتر من اللي قبله
ربنا يكرمنا ونطلع منها علي خير

[Fatma eissa]

علي رايك
سعات يفوقو علي حجات
ويبرر موقفهم انهم مش غلطنين
وسعات بتقع علي الموظف
فيبقى من السهل انه
يستغني عنه
وسعات تنيه يفضلو موضفين
كانو عندهم
علي حساب لآخر
وسعات تنيه يفضلون يشغلون القرايب
فبدأ يمسكله علي وحده وبدايه
علي اساس يجدها من آخرها
وسعات تنيه يستعبدو الواحد
وفي الحاله دي يكون الخسران
لأول والأخير
هو الموظف
وصاحب الشغل
عادي لأنه
في منتهي السهولة
يدور علي حد تاني

[أميرة محمود]

هو انا مش فاهمة ايه المشكلة بالظبط
بس لما يكون حد بيعمل غلط وفيه حد راضي بالغلط
يبقا الاتنين غلط
مهما كان مبرر الشخص الضعيف فيهم

[العاشق الذى لم يتب]

اكيد صاحب العمل
بيعطى لنفسه الاحقية
يتحكم فى اللى شغال عنده
لكن فيه منهم كتيربيحترم اللى شغال معاه
تسلمى دانوش
لك تحياتى

[♥○ moOoOoOna ♥○]

لا ارضى ضميرك يا انوووش اهم حاجة

امثالك اللى عندهم ضمير لما الواحد بيشوفهم بيقول الدنيا لسه فيها خير

يعنى فيها ايه لما كل واحد يصحى ضميره شوية ويتعامل بما يرضى الله ؟؟

يعنى انت مثلاً بترضى نفسك فى الدنيا ومش هامك رضا ربنا ؟؟

الدنيا مش دايمة على فكرة وقصييييرة جداً

خايف على نفسك فى الدنيا القصيرة دى ومش خايف على نفسك فى الاخرة وعذاب الاخرة ؟؟

والله انا بستغرب من الناس اللى بتتصرف كانها هتعيش فى الدنيا على طول دى

فكل واحد يصحى ضميره كده و يشوف هو بيعمل ايه

مانت ممكن تموت دلوقتى

واتقى الله يجعل لك مخرجاً

[حازم34]

موضوع مهم وخطير

في ها الدول صاحب العمل هو الاهم

اما العامل فلا حول له ولاقوه

الا لدول بعينها

من ياتي منها هو صاحب العمل علي ابن الدوله

دول اوربا ودول امريكا

يا سلام علي الاهتمام من صاحب العمل والخوف الكبير

من ان يؤذيه باي شئ وجميع حقوقه تلبي في الحال

وحتي ال بيمروا عليهم دول يشوفه من ها الجنسيات

يضربوا له تعظيم سلام

نحن ارتضينا لانفسنا الكثير

عندك حق يا دكتوره لو انتي ما وافقتي غيرك

بيوافق بالاقل

يا ما بنشوف والله اشياء محزنه

وكان الرزق بيد هؤلاء الناس

الرزق هو بيد الله عز وجل

اذا فلنكن كما امرنا الله نعمل

ونرضي الله ولا يهمنا اي شئ

ورضي الله عن انفسنا هو الاهم

وليخسا الفئه المجرمه الظالمه للعمل والعمال

وهناك ارباب اعمال يهمهم العامل عندهم قبل كل شئ

وهؤلاء هم ناجحون في كل شئ

ويعبرون من معهم ارباب عمل

هؤلاء ونعم فيهم في اي مكان

تسلمي يارب علي ها الموضوع دكتوره حفظك الله ورعاكي

[♥○ moOoOoOna ♥○]

اعملى اللى فى دماغك يا انوش وارضى ضميرك وماتخليش حد يعمل حاجة عليكى

ماهو الناس كلها لو عملت كده مع الاشكال دى هتمشى زى البتاع

وربنا يصلح الاحوال

[Dr. AnOosHo]

ربنا يهون ويرزق الجميع يارب ..

تسلموا ومعاكم حق بس الحل الوحيد ان الناس اللي بتوافق على كل حاجه يبطلوا ويعرفوا قيمه نفسهم عشان الحال يتصلح وصحاب الشغل يبطلوا استغلال قيهم

نورتوا