الكابتن ابو نصير يحيكم من مطار بنات مصر

[ابو نصير]

الكابتن ابو نصير يحيكم من مطار منتدى بنات مصر.. وعلى الساده الركاب ربط الأحزمه وربط الأدمغه وممنوع اصطحاب الأطفال
والعيال والرجاله.. الكابتن ابو نصير بيحيى بنات وأبطال مصر الأشاوس وخصوصا المشرفين الأفاضل أصحاب
الأقلام المميزه ...... اللى بيسهروا من أجلنا .. على رأى الست فايزه أحمد .. ست الحبايب ياحنينه
تنامو وتشخروا وتصحوا من الأدان تفئرو ا...
على الساده الركاب ممنوع منعا باتا أكياس الشبسى والبوزو و المشروبات الغازيه .. والغازيه لازم تنزل ..
الكابتن ابو نصير يحدثكم من ارتفاع 58 الف قدم ونحن الأن فوق سطح المحيط الهادى.. ويارب ياهادى
الكابتن ابو نصير
على الساده المشرفين كل واحده تمسك فى ايد اختها لأن فى عطل فى الجناح الايمن بتاع الطياره
وهذا أمر طبيعى بيحصل فى جميع رحلاتى العالميه والدوليه .. وعلى الساده المشرفين كل واحده تسيب ايد اختها وتنط تلات نطات لأن حصل عطل فى الجناح الايسر بتاع الطياره ولا داعى للأزعاج والصريخ والأعمار بيدى الله
الكابتن ابو نصير يحيكم من البرشوت ويتنمنى لكم السلامه ورحله سعيده
والسلام عليكم ورحمة الله وبركاته
وكل المشرفين كتب الله لهم النجاه والسلامه علشان كانوا عاملين حسابهم بملابس الغطس
الا الكابتن ابو نصير اللى كان لابس جلابيه وطقيه بشبيكه وتحت الجلابيه كلسون بدكه وفنله حملات برقبه ومعملش حسابه لليوم ده أن المشرفين لبسونى فى المحيط وربنا كبير ..

هههههههههههههههههه
ومازال البحث جارى على الكابتن ابو نصير فى قاع المحيط واللى يحصل على الكابتن يتصل بزيرو 900
أو عن طريق المحمول .. وسوف يحصل على هديه .. سمكتين بلطى .. وسمكه شوخروم .. و2كيلو
بساريه ...
ابو نصير

[ايمان طلعت]

ههههههههههه
فكرتني بالبحث عن ورك نمله في قاع المحيط
هنجيب فلوكه بقي وصنارة ونصطادك من الدكه هههههه
منور يا كابتن

[أميرة محمود]

هههههههههه
لا متهونش علينا يا ابو نصير
انا هساعدك في قيادة الطيارة
بس ليه ممنوع الشيبسي والكانز
دا اهم حاجة ف الرحلة مليش دعوة
هههههههه

[جبل عالي]

هههههههههههههههههههههه
ربنا يسعد قلبك ياعمدتنا
ولايحرمنا حضورك الباسم دائما
لروحك كل التحية والتقدير

[مارد الغضب]

انا عارف انت مستخبي فين
اكيد انت ورا جبال صنافير
لاني ملاحظ انك بتحوم حوليهم بقالك كام يوم
فين الهدية بقي
بس اوعي تديني تيران هدية
لاني عمري مبصيت للي في ايد غيري
ربنا يشفيك يا ابو نصير

[السفيره عزيزه]

مالك وماااال الطيران يا عمدة
خليك معانا هنا .كتير امان
انا سامعة الناس بتقول غريق غريق
الحمد لله انا مش معاكم ...
هبعت لكم هيئة الانقاذ ومعاهم ورد وياسمين
تفوقوا على طول ..

يا كابتن ما تعلى تانى لفوق
اصل بيخدنا الشوق
لساعة فيها شروق
لوطن ناسة ذوق
اهبط يا كابتن وروق

تحياتي

[ندوشه 2011]

بعد الشر عليك الله كريم. .في رب كريم ساعه المحن ستار ودار يا دار يادار قشطه ياابونصير