برنامج حياة واناقة بنوتة الحلقة الثالثة العضوة ( انجي_1 )

[♥○ moOoOoOna ♥○]

السلام عليكم ورحمة الله وبركاته معانا النهاردة ضيفة جميلة و نشيييييييطة جدددددداً فى المنتدى كله مش فى القسم بس معانا الضيفة انجي_1 الاول هاتيلنا صورة تشبه ستايلك فى اللبس بالطرحة بكله حاليا بلبس بالطريقة دي ............. هاتى ستايل تانى بيعجبك غير ستايلك بحب لبس العبايات الي زي دي ............. هاتى اكتر ستايل شايفة انه مش بيليق عليكى .. بالطرحة بكله بردو ده محبتوش ............. بتحبى الطرحة الستان ولا الجل اكتر ؟ لو محجبة مبحبش الستان بحب الطرحة الي لما السها تثبت على شعرري ............ قوليلنا بتتعاملى مع اسرتك ازاى ومعاملتك مع الناس الثانية ازاى معاملتي مع اسرتي وف البيت ووسط العيلة هتلاقيني بهزر وصبيانية موت وعيلة جدا بس مع الناس الثانية في الشغل وبره البيت جدية اكثر .............. لو واجهتك مشكلة بتتعاملى معاها ازاى .. بتستسلمى ولا بتحاولى تحليها ولا بتطلبى مساعدة حد من اسرتك او المقربين منك بحاول احلها لوحدي ولو تتطلب تدخل حد غيري فضروري هلجئ لاي حد يساعدني ............. علاقتك بصديقاتك عاملة ازاى زمان كان ليا صديقات وكنا اكثر من الاخوات اجوزا وسافرو بره المغرب ومعدش في وحدة فيهم بتسال عني ومعنديش حاليا صحبات عشان كفاية الي شفته من صحباتي الي كت معتبراهم حته مني ............ اكتر حاجة بتحبيها فيهم كنا بنعمل كل حاجة مع بعض كنا نخرج سوا وكنا مشاريكن بعض في الافراح والاحزان كنا عفويين وعيال وكنا بنحب بعض اوي ........... اكتر حاجة بتكرهيها فيهم نسيوا كل ما كان بينا من اخوة وصحوبية وكرهت تغيرهم نحيتي اتشغلوا بقى اكيد وانتى بردو كان ممكن تتشغلى وغصب عنك تتغيرى انتى كمان ........... كلمينا عن هوايتك حاليا النت .......... بتحبى البيت قد ايه ؟ قد الدنيا ههههههههههه بردو كلنا هذا الشخص .......... بتحبى الخروج قد ايه ؟ بحب الخروج على قد الفلوس يعني لو عندي فلوس بحب اخرج اتسوق واكل بره واقضي وقت جميل بره بس لازم يكون عندي فلوس لو مفيش افضل اقعد ف البيت ......... بصراحة كده بتحبى تروقى البيت اول باول ولا زى كل الناس ؟ هههههه لا لو قاعدة ومش ورايا شغل احب اصحى الصبح افطر وبعدها على المطبخ اطبخ الغدا واغسل المواعين واروق الاوض والشقة كلها وامسح الارض كل يوم كده بحب اعمل الاعمال دي ف البيت موت الله اكبر عالصحة ......... البنت النكدية .. ايه رايك فيها ؟ من حقها الله ؟ انا لو حد مش مهتم بيا ومش بيعمل لي الي انا عوزاه ومش مريحني هنكد على امه اه ولو مريحني مش هيشوف مني غير كل سعادة البنت مش بتبقى نكدية كده من نفسها على حسب الي قدامها بقا لو مريحها هتبقا زي الفل وتريحه لو منكد عليها هترد له النكد بشكل رباعي يجيب لامه شلل هههههههه ماتجيبيله هو انتى مالك ومال الوالدة هههههههه لا فى الحياة عموماً يعنى مع اهلك وفى شغلك وكده النكد حاجة غير مرغوبة ......... البنت الغيورة واللى دايما بتبص لغيرها .. ايه رايك فيها انا بغير بشكل لا يطاق الغيرة دي من الحب اكيد لا بتكلم عن الغيرة عموماً من نجاح حد معين مثلاً .. ممكن دا بيحفز الواحد بس فيه ناس تانية بتبقى عايزة الشر للشخص الناجح دا .......... البنت العصبية .. ايه رأيك فيها ؟ وبرضه عصبية جدا هحكم ازاي عليها وانا عصبية فعلا مش عارفة الناس بتشوف اللي زي ازاي لا مش عالفاضى والمليان يا نوجا ......... تنصحى الثلاثة بايه ؟ االنكدية ............ نكدي يا اوختي ولا يهمك العصبية ......... اتعصبي وياريت تكسري كل الي في البيت واخربيها الغيورة ................ غيري ده حقك هههههههههههه .......... احلى صفة المفروض تتحلى بيها البنت الاخلاق والحشمة والاهتمام بنفسها ......... قوليلنا انتى بخيلة ولا مسرفة انلا لا بخيلة ولا مسرفة بحب اصرف فلوسي باعتدال لما بقبض مثلا لازم اشوف ناقصني ايه واجيبه لو مش محتاجة حاجة مش هجبها اصرف باعتدال محبش ابخل على نفسي ومحبش ابدر الحمد لله حلو كده ......... قوليلنا بتحافظى على فلوسك وعلى الميزانية ازاى ؟ باخد ورقة وقلن اول كل شهر وبدون انا محتاجة ايه ف الشهر دون واجيبه واحدد مبلغ لكل حاجة انا محتجاها خلال الشهر ده وبكده الحياة بتمشي زي الفل والحمد لله مش بحتاج لاني منظمة نفسي جميييييل .......... الاول بتعرفى تطبخى ؟ اه الحمد لله بعرف اطبخ هو انا الخايبة والوحيدة ولا ايه هههههه .......... قوليلنا على اول مرة طبختى فيها كانت امتى وطبختى ايه ؟؟ مممممممم اول مرة طبخت مش فاكرة امتى بالزبط بس فاكرة زمان وانا ف المدرسة كت لما اقوم اعمل حاجة لازم تطلع كارثة ومكنش حد في البيت بيحب ياكل اكلي عشان مكتش بعرف اطبخ بس لما اتعلمت بقا الحمد لله بقيت شاطرة اوي واكلي لزيز بشهادة اهلي ............ قوليلنا على اكتر اكلة بتحبى تاكليها و اكتر اكلة مش بتحبى تاكليها بحب الدجاج المحمر والبيتزا والكسكس المغربي وحجات كثير بكره كل حاجة تطبخ بالحليب زي رز بالحليب مثلا ........... لو فى البيت عندك مصممين على اكلة معينة انتى مش بتحبى تاكليها هتسمعى كلامهم ولا هتصرى على اكلتك هصر على اكلتي طبعا انا محبش اطبخ اكلة مش بحبها ........... كلمينا عن اكتر موقف طريف حصلك وانتى بتطبخى في مرة اخو طليقي جاب لي سمك وقال لي اطبخيه في الفرن عشان هيجي عادل اخو طليقي الثاني ياخده معاه عالشغل عشان عازم صحابه في الشغل على الغدا واختك ساعتها كانت عروس جديدة ومكتش اعرف اسبق بيض اصلا فعملت فيها الشيف اسامة بقا وخدت السمك ونظفته وغسلته وزبطته وحطيته في صحن الفرن ومليت الصحن ميه ودخلته الفرن بس يا اوختي عملت مصيبة جه اخو طليقي عايز ياخد الاكل لشركتهم عشان وقت الغدى احنا بصينا على السمك في الفرن لقيناه بيعوم هههههههههههههههه اه والنيعمة كان عايم في الميه الواد اخو طليقي ضحك عاليا ضحك اليوم ده ميتنسيش وكانت فضيحة سودة في تاريخي في الاخر قال لي خليكي جنبه لما ينشف اتغدو بيه انتي وجوزك ههههههههه وراح اشترة اكل لصحابه من بره شوفتي انا شاطرة ازاي ههههههههههههههههههههههه .......... بتحبى المكياج والحاجات دى ولا مالكيش فيها اوى ؟ بحب احط ميك اب خفيف بالنهار ميبنش اني حاطة اصلا وبحط في المناسبات ميك اب سهرات وخلاص جميييييل .......... بتحبى الناس اللى بتحط مكياج اوفر ؟؟ لاء محبش الميك اب الاوفر ......... تنصحيهم بايه ؟ الميك اب الخفيف احلى احلى كتير وبيبرز الجمال اكتر ......... كلمينا عن احلامك واللى حققتيه منها واللى لسه ما اتحققش انا لسة محققتش الي انا عيزاه في حياتي للاسف هتتحقق ان شاء الله ......... كلمينا عن احلامك وانتى صغيرة احلامي كانت بسيطة جدا من وانا صغيرة كت بحلم ببيت وولاد واني اكون ام بس .......... حلم حلمتيه وانتى صغيرة صرفتى نظر عنه لما كبرتى مثلاً تكونى مذيعة او صحفية كده يعنى لاء مكتش بقكر بالطريقة دي ديما حلمي كان اني اكون ست بيت وام والله انا غبية جدا .......... الستايل دا .. ايه رأيك فيه ؟ حلو اوي انا بحب الستايل ده هاتيلى حذاء واكسسوار وشنطة يليقوا عليه نوووورتينى طبعاً يا نوجا يا عسل استنونا بقى فى الحلقة الجاية

[العاشق الذى لم يتب]

جميل الكلام
منمن
وجميلة سنسن
روعة اختيارتها
تسلمى انت وهى
وروعة برنامج

[انجي_1]

لاء يا قمر انا قلت لك اني في البيت بحب اهزر مع اختي ومع اي حد ولو جيت من الشغل لقيت هدوء تلاقيني اعمل اي حاجة عشان اضحكهم
واعمل جو ف البيت وكده
مش نكدية خالص
بس لما حد مثلا يضايقني النكد بيشتغل عندي وبضايق وممكن مكلمش حد وابوز
عموما والله انا بتصرف زي العيال
تقدري تقولي عني
الجسم جسم بني ادمة والعقل عقل العصافير
هههههههههههههه

والغيرة انا اقصد اني بغير على شريكي يعني
بس عمري ما اغير من حد ناجح او حد احسن مني
انا مش خبيثة يعني
الي بيكون كده بيكون جواه خبث


انا بتعصب لما حد يوصلني لكده
مش عصبية كده من نفسي
انا بحب اكثر الوقت اقعد لوحدي ومنطوية وبحب الهدوء غاليا
بس لما حد يعمل حاجة تضايقني بتعصب اوي


انا حطيت شنطة
فينها بقن ؟؟؟

شكرا ليكي يا قمر على استضافتي

[♥○ moOoOoOna ♥○]

ماهو انا بوضح جوانب تانية للسؤال يا نوجا

عارفة انك مش خبيثة بس فيه نوع من الغيرة كده غير اللى بتتكلمى عنه

حصلت مشكلة ولغبطة فى الصور وعدلت ونزلتها تانى

نوووووووورتينى فى الاستضافة اكييييييد

[انجي_1]

اوك يا عسلد
وشكرا ليك يا رفعت
نورت

[العاشق الذى لم يتب]

مين قال انك نكدية
لللللااااا
خالصص حالص
انت عسل وسكر
وبيتزا وطعمية وفول
منورة والله انت سنسن

[ندوشه 2011]

ربنا يوفقكم ويسعدكم

[همس الحنين]

ايه العسل اللى انتى فيه يا انجى

تسلمى ياستى على النصائح

عجبنى استايلك فى اللبس

مميز

منوره الحلقه ياقمر

جميل مجهودك مونى

مودتى

[توحد ارواح]

انجى منوره الحلقه
الاجابات ف منتهى التلقائيه والصراحة بدون تعقيد او تكلف
واضح من انجى لها شخصيه مميزه
تسلمى مونه ع الحلقه الجميله

[۩۩ elMagic ۩۩]

ستايل مميز بقى يا نوجا
الله ينور بقى
بالتوفيق دايما ا نشاء الله