ده يرضي مين..

مارد الغضب · منذ /04-28-2016, 10:38 PM

ليه انا
عايش كأني مش هنا
و ليه عنيا مغمضين
مع اني شايف حلمنا
ضاع مننا
ولا احنا ضاعين من سنين
ولحد امتي حكون كدا
لحد مأنول الرضا
و ابقي عبد للبيادة
او ادوق طعم الشهادة
او اعيش مهموم حزين
ده يرضي مين
اعيش اديا مكتفين
و لساني ممنوع م الكلام
و تبقي عيشة و السلام
ده يرضي مين
اني اكون ماشي تمام
مشدود علي فمي اللجام
ياخدوني ليه ولاد الحرام
و اكون سجين
ده يرضي مين
اني لو رحت الميدان
اصبح مدان
و تبات ايديا مكلبشين
ده يرضي مين
الظابط اللي معاه سلاح
دمي ليه يكون مباح
و لو صرخت او شكيت
اندم و اقول مليون يا ريت
و لو انتهيت
ياخد وسام
و شعب تاني يبتسم و يقول تمام
طاب اعمل ايه و انا ضعيف
يا دوب بهابش ع الرغيف
ده يرضي مين

ندوشه 2011 · منذ /04-29-2016, 06:01 AM

ودا يرضى مين تنفع اغنيه هههههههه طب اسمع دي ..ودا يرضى مين اعيش حزين من كتر الاهات طول عمرى في المواجع مش عارف أمتي راجع علي فكره دي اغنيه وعلي فكره بقي انا فاهمه قصدك بالله عليك خلينا في حالنا احنا مش قدهم. ..واسمع وافهم كلامي ظابط ومخبر وحرامي وايييييييييييييييه دونيا

صمتى كلام · منذ /04-29-2016, 09:02 AM

يامارد
..
العمر لو راح فدا وطنى ..مايهمنيش
..
على ايدى اشيل كفنى ..وهو يعيش.
..
اعتراضى على القيادة ..مش ع الجيش
..
تحياتى

ندوشه 2011 · منذ /04-29-2016, 09:05 AM

اقتباس

المشاركة الأصلية كتبت بواسطة صمتى كلام


	يامارد .. العمر لو راح فدا وطنى ..مايهمنيش .. على ايدى اشيل كفنى ..وهو يعيش. .. اعتراضى على القيادة ..مش ع الجيش .. تحياتى

وعجبي هههههههههههههههههههههههههه

بنت خديجة · منذ /04-29-2016, 12:46 PM

ميرضيش حد
بس كلماتك جعلتنا نرضى

راقي جدا مارد

أحمد الجمل · منذ /04-29-2016, 02:38 PM

يا صاحبي ...
أنت شاعر راااائع بحق
أعجبتني القصيدة جداااا ، فكرا ونسجا ونظما
سلمت وسلم قلبك ولسانك
تحيتي وخالص مودتي

حازم34 · منذ /04-29-2016, 04:47 PM

الله الله علي جميل ما عبرت

هذا هو ديدنك دائما

حب الحق واهله

وملاحقه الباطل اينما وجد

ما اجمل النسج بجمال الابيات

وصدقها

الله عليك

اقول لك لاتحزن ان الله يسمع ويري

ودوله الباطل ساعه

ودوله الحق الي قيام الساعه

الحق ابلج والباطل لجج

تسلم علي

الابداع وبارك الله فيك

دمعه حائره · منذ /04-29-2016, 04:50 PM

مايرضيش حد ولايرضى ربنا
ربنا يولى من يصلح
تسلم اخى

ندوشه 2011 · منذ /04-29-2016, 05:21 PM

اقتباس

المشاركة الأصلية كتبت بواسطة حازم34


	الله الله علي جميل ما عبرت هذا هو ديدنك دائما حب الحق واهله وملاحقه الباطل اينما وجد ما اجمل النسج بجمال الابيات وصدقها الله عليك اقول لك لاتحزن ان الله يسمع ويري ودوله الباطل ساعه ودوله الحق الي قيام الساعه الحق ابلج والباطل لجج تسلم علي الابداع وبارك الله فيك

الله أكبر. .وادي شيخ المنتدي وصل اهوت يرضيك كدا يا عم الشيخ

۩۩ elMagic ۩۩ · منذ /04-29-2016, 05:32 PM

ميرضيش حد بقى
ربنا يهدي الجميع
إن غداً لناظره قريب
تسلم أ/مارد
دام نبضكـ

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ده يرضى مين	ندى المصريه	فضفضة الأعضاء	3	11-15-2013 11:25 AM
بالذمه دا يرضى مين	اميره الشعر الشجين	منتدى النقاش - الحوار الجاد - قضايا المجتمع	26	10-22-2013 11:46 AM
بما يرضى الله ..	ٻڼوُﭠہ مَصَــ♥ـــرُﭜہ	نكت - طرائف - وناسة - فرفشة	4	08-05-2013 12:42 AM
هل انت راض عن الله حتى يرضى عنك؟	راجية الشهادة	منتدى الاسلاميات والقرأن الكريم	6	10-11-2012 05:00 AM
ده يرضى مين يا ناس ؟	ليالى العمر	الأخبار الطريفه	14	08-18-2012 12:42 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

ده يرضي مين..

ابداعات الاعضاء العامية