عصفورة.واسمك مصرية

[صمتى كلام]

عصفورة
...
بعيونى بشوفك عصفورة
...
لكن جنحاتك مكسورة
...
عصفورة واسمك مصرية
...
واصلية ولغتك عربية
...
ماسكينك شلة حرامية
...
سارقين البرواز والصورة
...
عصفورة وعشك مهجور ..والارض الخصبة بتبور
...
والنيل مابقاش بيفيض وانتى اللى عليكى الدور
...
عصفورة وريشك منتوف
...
عصفورة وشعبك مخطوف
...
والكل باصيصلك ملهوف
...
يشوف جناحك مكسور ..
...
ما انتى الى عليكي الدور
...
عصفورة وواقف سجانك
...
يتلكم باسمك ولسانك
...
برصاصه بيسرق روحى
...
وانا واهب روحى عشانك
...
عصفورة وحملك بيميل
...
والخونه بيبيعو النيل
...
والكل سابك غرقانة
...
وانا كاتب على صدرى اصيل
...
عادل السيد
..
3/4/2016

...

[بنت خديجة]

معبرة لابعد حد
صدقت بصمتك كلام واكثر

[ويبقى الأثر]

الله
جميله كتير بجد
تسلم ايدك

[حازم34]

ربي يحرر العصفوره من سجنها

وتطير الي اعلي مكان

وكلنا نفرح ونقول عصفوره

اه يا جمالك يا ام العصافير

تسلم القلم الجميل المبدع والله

اخي الكريم

عادل السيد

كلمات لها صدي بمعني الالم

علي اجمل عصفوره جناحها مكسور

ربي يحفظك

[أميرة محمود]

عزف وطني أعجبنى سلمت
عصفورة حقا ولكنها مقبرة الغزاة والفساد
وسيأتي اليوم وتنتصر وتتحول لنسر
كما هو مرسوم لها في العلم المرفوع على أرضها

خطفني هذا التعبير :
عصفورة واسمك مصرية
واصلية ولغتك عربية

[*فجر الاسلام*]

حلوه اوووووووى

[قلب وكلمات]

عزف راقي يا عادل وجميلة بسلاستها

تسلم حبيبي وربنا يفرج همها

تحية تليق بك يا غالي

القيصـر