ايمان طلعت ...هى و الفستان الابيض

[.Lamar]

الفستان الابيض حلم كل بنوتة من صغرها هنستضيف عضوة و نعرف حكايتها مع اجمل ايام العمر و عن احلى و اصعب لحظات مرت بيها فى اليوم دة و نشوف كمان رأيها بعد ما اتدبست و مبقاش ينفع حد هيلحقها ضيفتى انهاردة انسانة مميزة باخلاقها العالية خفيفة الظل ليها رصيد حب كبير فى قلوب الكل هنا و نبدأ معاها الاسئلة الاسم ايمان السن 35 عدد الولاد و اسمائهم 3 يوسف منه نور ربى يخليهم لك و يحفظهم من كام سنة متدبسة قصدى متزوجة !! من15 سنه بعد كل المدة دى ايه رايك فى الزواج عموما ؟ مش هقول غيرحسبي الله ونعم الوكيل ههههههه الزواج حاجه قدريه لابد منها بس علينا الاختيار صح بيقولوا الزواج غلطة لو رجع بيكى الوقت تحبى تكرريها ؟ الجواز يابنتي مش غلطه دة كارثهبتنزل علي الواحد هههههههاه اتمني تكرار تلك الكارثه فدائية انتى يا بنتى هههه اتخطبتى عن حب و لا كان زواج صالونات ؟ كان صدفه شافني عجبته اتقدم وخلصت الحدوته تموتى فى الاختصار ناس بتقول ان الحب بيموت بعد الزواج من كتر الروتين و مشكلات الحياة .. ايه رأيك ؟ لا مش بيموت ممكن يختفي شويه بسبب مشاكل ومشاغل الحياهبس بيظهر عند اول تصادم او مشكله كبيرة بتقابلهم بيقولوا كمان ان فيه حب اقوى بيتولد بعد الزواج اسمه العشرة ايه تعليقك ؟ اه فعلا الحب اللي بييجي بالعشرة بيكون اقوى واعمق نصايح جدتى خد اللى بيحبك و متاخديش اللى بتحبيه يا ترى بتقتنعى بيها و ليه المفروض يبقي فيه حب متبادل بين الطرفين مش من طرف واحد كام نسبة التوافق بينك و بين زوجك 85% بعد الزواج بتظهر الاختلافات الحقيقة فى الطباعايه اكبر اختلاف بينك وبينه و هل دة بيسبب مشاكل ؟ اكيد كل واحد وليه طبع يختلف عن التانيلكن الخلاف بينا مش مسبب مشاكل الحمدلله مقتنعة بقصة ان الرجل يدبح القطة من اول يوم والا مش هيعرف يمشى بيته ؟ يدبح مين يا ماما هو اللي هيندبح ويتشوي كمان هههههه وانا اللى بقول عليكى غلبانة ههههه نيجى ليوم الزفاف مين كان معاكى من اول اليوم يعدل الطرحة يضبط الدنيا يقولك انتى زى القمر ؟ كان معايا اختهواللي بيعدل الطرحه الكوافير ههههواللي قالي زي القمر باقي العرايس اللي كانت هناك يومها قالولي انتي احلي عروسه من المشادات المعروفة هتوصلنى الكوافير و هو يقولها مش فاضى روحى مع قرايبك هو بأة عمل ايه يومها ؟ لا روحت انا واخته بس طيب اكيد جه ياخدك بعد ما خلصتى احكى لنا عن لحظة ما شوفتيه وقتها احكي ايه بس كان وشي فالارض خجلاً مشوفتش حاجه لحظة نقل الدبلة من اليمين للشمال مفكرتيش تتراجعىمش قرار سهل انك تقضى عمرك كله مع انسان متعرفيش طباعه لا طبعا مفكرتش اتراجعالسكينه كانت سرقاني موقف طريف حصل يومها واحدة كانت بترقص وطلعت قدامنا كانت الكوشه عاليه عن المسرحعلي حاجه خشب تقريباهي ترقص واحنا نتهز ههههههخوفت نقع موقف محرج كان فيه برنامج بيذيع افراح ولقاء مع العريس والعروسه جابه لينا من غير ما اعرف وفجأه لقيت المذيعه قدامي اسبهليت ههههههه لحظة اثرت فيكى لحظه ما روحت وامي كانت بتبكي واخواتي اقرب صورة لفستانك الفستان يشبه دة من فوق ونفس القماش بس كان ربع كوم وليه ديل طويل يشبه دة والطرحه كانت شيفون طويله تشبه دي تمام و دة ذوقك و لا ذوقه لا زوقي كتب الكتاب كان يومها و لا قبلها كان قبلها باسبوعين ايه اول كلمة قالها لك اول ما شافك بالفستان الابيض والله ما فاكرة حفلة الزفاف كانت فين ؟ في نادي المعلمين اغنية رقصتم عليها ضميني بتاعه ايمان البحر درويش ازاى ودعتى اهلك بالدموع كل انسان بيحلم يعيش سعيد هل انتى سعيدة فى جوازك الحمد لله هل السعادة مسئولية الزوجة و لا مشتركة بين الاتنين؟ لا طبعا مشتركه بين الاتنين طيب تفتكرى العشا يومها كان ايه ومن ايد مين ؟ من ايد امي طبعا كان ورق عنب ومكرونه بشاميل وفراخ وحمام احب اشكر ايمان على قبولها دعوتى و ربى يسعدها و يهنيها و يبارك لها فى زوجها و اولادها

[Dr. AnOosHo]

يخرب عقلك يلمااااار استله في الصميم الصميم

مختلفه وجديده وجميله جدا

حسبت انكم بتتناقشوا سوا مش سؤال وجواب

اموشتي انتي سكرة المنتدى وتستاهلي كل خير ربنا يخليلك ولادك يارب وتفرحي بيهم

وبجد حلقه صريحه وجميله وحسبت بخجلك يوم فرحك من اجوبتك الطلقائيه

كل الاحترام والتقدير ليكي وربنا يسعدك يارب

لمار تسلم ايدك بصراحه ابدعتي قي الاساله واختيار الموضوع

[الفيلسـوف]

ههههههههههههههه ايمان دى مشكله بصراحه من الناس اللى بحترمهم جدا ف المنتدى
مزهقها هى من اول الناس اللى ساعدتنى ف المنتدى بصراحه
وبتستحمل غلستى كتير اما عن راى الشخصى فيه انتى مش محتاجه
تعرفى راى لانك عارفه من زمان ربنا يحفظك يارب ويهينك بولادك
ياايمان لانك فعلا ام تستحق كل احترام وتقدير
لقاء مميز بالتوفيق بقى

[اشرف 2006]

فعلا الحلقه جميله جدا

الاسئله فى الصميم والاجوبه بصراحه وتلقائيه

موفقه جدا يالمار فى اختيارك

وربنا يسعدك ياايمان فى حياتك وتشوفى

اولادك فى اعلى المناصب وكمان 20سنه

ممكن نسبه التفاهم بينكم تبقى 100٪‏ ماتستعجليش

هههههههههههههههههههههههه


تحياتى

[جنون قلب]

إيمـآن طَلعت مَـآشى
35 سنه مَـآشى مع انها صعبه شويه ب صرآحه عليا
3 آولآد مَـآ شـآء الله ربنا يزيد ويبـآرك فيهم
آلعشـآ حمـآم ومكرونه وبـآشميل
ده شىء ميتسكتش عليه اصلآ بس ممكن يعدى يعنى
عشان انتى عزيزه علينــآ وكده
آمــآ بقى ..
فكره ان القطه اللى اندبحت وانتى اللى هتدبحى وتشوى
مش جايه معايا سكه خـآلص
ده الجانب الشرير ليكـ بس برضه لآيق عليكـ


فكره جميله جدآ يـآ لمــآر
جميل جدآ آننا نتعلم من اخطـآء غيرنــآ ..)( أقصدك انتى يا ايمـآن )(
وإن شاء الله الوآحد يحرص بعد كده
ب التوفيق لكم جميعا
بجد حلقه تُحفه
احسنتى الاختيار لمــآر
ب التوفيق

[شاعرة الرومانسيه]

ههه يالهوى وعماله تنصحينى اوافق على العريس وانتى عماله تقولى

كل ده على الجواز وقاعده تقوى ماما غليه وتقولى اسمعى الكلام

أبداااااااااااااااا مش هاسمع كلامك ولا هاتجوز ياايمى

هاخلى ماما تقرأ كلامك ده

لمار الجميله اسئله فى الجوووون تسلمى على الفكره

[حازم34]

حلقه جميله خالص


لووووووووووولي


حلوه والله وخصوصا الاسئله الجميله من الاخت لمار

حسيت واني بشاهد الشاشه

والمذيعه بتسال وكانه حوار جميل

وايمان طبعا الاخت الخلوقه الطيوبه الجميله

مش كنتي تعزيمنا قي الفرح برضك

ان شاء الله في افراح الاولاد يارب

واجابات حلوه جميله

بس القطه دي لا وابدا ولايمكن


ربي يسعدك يارب

ويبارك في اهلك واسرتك الجميله

ويسعدك يارب اختي الكريمه لمار

جميله الحلقه حقيقي

[اذار .]

ظريفة حكاية البنت الي بترقص ، هههههههههه
ربنا ستر عليكم بقاا و مااخدوش موقف محرج في يوم زي دا
وهو انكم توقعوا ،
هتبقى ذكرى محرجه للبنت و ليكم ههههه

و ربنا يخليلك اولادك ، و يسعدك في حياتك الزوجيه ،
و تبقي تفرحي بقاا ب اولادك في زواجهم ،

تسلمي يا لموره للحقه الجميله دي ،
اهي اساله من نوع جديد
يعطيك العافيه حبيبتي

[ايمان طلعت]

اقتباس المشاركة الأصلية كتبت بواسطة .lamar الفستان الابيض حلم كل بنوتة من صغرها هنستضيف عضوة و نعرف حكايتها مع اجمل ايام العمر و عن احلى و اصعب لحظات مرت بيها فى اليوم دة و نشوف كمان رأيها بعد ما اتدبست و مبقاش ينفع حد هيلحقها ضيفتى انهاردة انسانة مميزة باخلاقها العالية خفيفة الظل ليها رصيد حب كبير فى قلوب الكل هنا و نبدأ معاها الاسئلة الاسم ايمان السن 35 عدد الولاد و اسمائهم 3 يوسف منه نور ربى يخليهم لك و يحفظهم من كام سنة متدبسة قصدى متزوجة !! من15 سنه بعد كل المدة دى ايه رايك فى الزواج عموما ؟ مش هقول غيرحسبي الله ونعم الوكيل ههههههه الزواج حاجه قدريه لابد منها بس علينا الاختيار صح بيقولوا الزواج غلطة لو رجع بيكى الوقت تحبى تكرريها ؟ الجواز يابنتي مش غلطه دة كارثهبتنزل علي الواحد هههههههاه اتمني تكرار تلك الكارثه فدائية انتى يا بنتى هههه اتخطبتى عن حب و لا كان زواج صالونات ؟ كان صدفه شافني عجبته اتقدم وخلصت الحدوته تموتى فى الاختصار ناس بتقول ان الحب بيموت بعد الزواج من كتر الروتين و مشكلات الحياة .. ايه رأيك ؟ لا مش بيموت ممكن يختفي شويه بسبب مشاكل ومشاغل الحياهبس بيظهر عند اول تصادم او مشكله كبيرة بتقابلهم بيقولوا كمان ان فيه حب اقوى بيتولد بعد الزواج اسمه العشرة ايه تعليقك ؟ اه فعلا الحب اللي بييجي بالعشرة بيكون اقوى واعمق نصايح جدتى خد اللى بيحبك و متاخديش اللى بتحبيه يا ترى بتقتنعى بيها و ليه المفروض يبقي فيه حب متبادل بين الطرفين مش من طرف واحد كام نسبة التوافق بينك و بين زوجك 85% بعد الزواج بتظهر الاختلافات الحقيقة فى الطباعايه اكبر اختلاف بينك وبينه و هل دة بيسبب مشاكل ؟ اكيد كل واحد وليه طبع يختلف عن التانيلكن الخلاف بينا مش مسبب مشاكل الحمدلله مقتنعة بقصة ان الرجل يدبح القطة من اول يوم والا مش هيعرف يمشى بيته ؟ يدبح مين يا ماما هو اللي هيندبح ويتشوي كمان هههههه وانا اللى بقول عليكى غلبانة ههههه نيجى ليوم الزفاف مين كان معاكى من اول اليوم يعدل الطرحة يضبط الدنيا يقولك انتى زى القمر ؟ كان معايا اختهواللي بيعدل الطرحه الكوافير ههههواللي قالي زي القمر باقي العرايس اللي كانت هناك يومها قالولي انتي احلي عروسه من المشادات المعروفة هتوصلنى الكوافير و هو يقولها مش فاضى روحى مع قرايبك هو بأة عمل ايه يومها ؟ لا روحت انا واخته بس طيب اكيد جه ياخدك بعد ما خلصتى احكى لنا عن لحظة ما شوفتيه وقتها احكي ايه بس كان وشي فالارض خجلاً مشوفتش حاجه لحظة نقل الدبلة من اليمين للشمال مفكرتيش تتراجعىمش قرار سهل انك تقضى عمرك كله مع انسان متعرفيش طباعه لا طبعا مفكرتش اتراجعالسكينه كانت سرقاني موقف طريف حصل يومها واحدة كانت بترقص وطلعت قدامنا كانت الكوشه عاليه عن المسرحعلي حاجه خشب تقريباهي ترقص واحنا نتهز ههههههخوفت نقع موقف محرج كان فيه برنامج بيذيع افراح ولقاء مع العريس والعروسه جابه لينا من غير ما اعرف وفجأه لقيت المذيعه قدامي اسبهليت ههههههه لحظة اثرت فيكى لحظه ما روحت وامي كانت بتبكي واخواتي اقرب صورة لفستانك الفستان يشبه دة من فوق ونفس القماش بس كان ربع كوم وليه ديل طويل يشبه دة والطرحه كانت شيفون طويله تشبه دي تمام و دة ذوقك و لا ذوقه لا زوقي كتب الكتاب كان يومها و لا قبلها كان قبلها باسبوعين ايه اول كلمة قالها لك اول ما شافك بالفستان الابيض والله ما فاكرة حفلة الزفاف كانت فين ؟ في نادي المعلمين اغنية رقصتم عليها ضميني بتاعه ايمان البحر درويش ازاى ودعتى اهلك بالدموع كل انسان بيحلم يعيش سعيد هل انتى سعيدة فى جوازك الحمد لله هل السعادة مسئولية الزوجة و لا مشتركة بين الاتنين؟ لا طبعا مشتركه بين الاتنين طيب تفتكرى العشا يومها كان ايه ومن ايد مين ؟ من ايد امي طبعا كان ورق عنب ومكرونه بشاميل وفراخ وحمام احب اشكر ايمان على قبولها دعوتى و ربى يسعدها و يهنيها و يبارك لها فى زوجها و اولادها

لامور سعيدة اني كنت معاكي
في البرنامج الظريف دة
تسلمي علي المقدمه الحلوة حبيبتي
تحياتي

[ايمان طلعت]

اقتباس المشاركة الأصلية كتبت بواسطة @anoooooosh@ يخرب عقلك يلمااااار استله في الصميم الصميم مختلفه وجديده وجميله جدا حسبت انكم بتتناقشوا سوا مش سؤال وجواب اموشتي انتي سكرة المنتدى وتستاهلي كل خير ربنا يخليلك ولادك يارب وتفرحي بيهم وبجد حلقه صريحه وجميله وحسبت بخجلك يوم فرحك من اجوبتك الطلقائيه كل الاحترام والتقدير ليكي وربنا يسعدك يارب لمار تسلم ايدك بصراحه ابدعتي قي الاساله واختيار الموضوع

هنون حبيبه قلبي ربي يسعدك
سعيدة بوجودك وردك الجميل زيك
تحياتي