شاعر من منازلهم ..!

احساسى صحيح · منذ /05-01-2016, 05:07 AM

شاعر أنا من يومي
وبقضى نص يومى
فى كل حِته

شجاع أوى علفكره
وعمرى فى يوم
ما حسيت بخضه

كسرت كل فنون الشعر
وخبصت فى الخاطره

أنا إللى
خففت
الوزن
ولغيت القافية

بكتب أنا بمزاجى
لا بمشى على عنوان
ولا أعرف شكل الخارطة

مش مهم أعجب حد
أهم حاجه أثق فى نفسى
أهم حاجه أسمى

دايماََ محافظ عليه
ماشى كدا دوغرى
ولا عمرى أحط نفسى
فـ أى ورطه

بأكتب بالأصول
ومش واخدها عافيه
شاعر من منازلهم
بلا أفيه

وانا كدا كدا
عاجب نفسى
لا أحب أتوزن
ولا أتحط فى كفة

طول عمرى
واد صريح
فاهم فى كله
ولو طلبت
من عيوني
ممكن أعملك زفه

عمرى يوم
ما كتبت
غير لما تكون روحى هَفه

ولو كلمتنى عن الشعر
لا أعرف أنا بحر
ولا عمرى وقفت
على حافه

يعم قول يا باسط
المهم القلب
يكون من جوه بافته

هتلاقى الدنيا حلوه
وحياتنا بينا حاسه

السنس دا جوه قلبى
يمكن دا عيبى
بس عمره
ما جابلى الكافيه

بأكتب فى كله ممكن
عندى رأى يمكن
بيقولوا عني إنى
دايما صوتى عالي

ميعرفوش يا عمرى
ومهما قالوا عنى
هفضل واد حقانى

ولو طلبتوا عيونى
هعلمكم شعرى
لكن بالمجانى ..!

Lamees · منذ /05-01-2016, 11:11 AM

كلمات معبرة جدا ياسر
وصف بسيط لانسان بسيط
يكتب من اجل نفسه
في البداية
يسكب احساسه على ورق
من اجل الآخرين

راقي
شكرا

اشرف 2006 · منذ /05-01-2016, 11:30 AM

مفيش احسن من البساطه ياصاحبى

تحياتى

بنت خديجة · منذ /05-01-2016, 12:52 PM

الشعراء البسطاء ذوي الروح

اشكرك انك جعلتنا نقرا هذا الجمال

العاشق الذى لم يتب · منذ /05-01-2016, 05:39 PM

وقبل شاعريتك وبساطتك
كانت مصدقيتك ورقى شخصك
بديع الاحرف
سلمت ودمت

قلب وكلمات · منذ /05-02-2016, 11:41 AM

جميل يا ياسر

وعظيم كلامك وليس مطلوب منك أن تدرس عروض

إلا اذا رغبت أنت في ذلك ، أما عنك فأنت يا صديقي مميز

واحساسك يصل للقاصي والداني ، ويكفي احترمنا لك وتقديرنا

فأنت رائع في كل حالاتك حببنا ، تحية تليق بك يا غالي

القيصــر

احساسى صحيح · منذ /05-03-2016, 09:15 AM

اقتباس

المشاركة الأصلية كتبت بواسطة lamees


	كلمات معبرة جدا ياسر وصف بسيط لانسان بسيط يكتب من اجل نفسه في البداية يسكب احساسه على ورق من اجل الآخرين راقي شكرا

تسلمى رونى
ومبسوط إن الموضوع عجبك
سعدت بتشريفك الراقى
تحياتى وإجترامى ..

احساسى صحيح · منذ /05-03-2016, 09:17 AM

اقتباس

المشاركة الأصلية كتبت بواسطة اشرف 2006


	مفيش احسن من البساطه ياصاحبى تحياتى

حبيبى يا نجم
منور دايما كل الشاشات

احساسى صحيح · منذ /05-03-2016, 09:19 AM

اقتباس

المشاركة الأصلية كتبت بواسطة خديجة


	الشعراء البسطاء ذوي الروح اشكرك انك جعلتنا نقرا هذا الجمال

تسلمى حديجه
الاجمل بالنسبالى هو إن شخصك الكريم
مر على موضوعى المتواضع
الف شكر لكِ
تحياتى وإحترامى ..

احساسى صحيح · منذ /05-03-2016, 09:21 AM

اقتباس

المشاركة الأصلية كتبت بواسطة العاشق الذى لم يتب


	وقبل شاعريتك وبساطتك كانت مصدقيتك ورقى شخصك بديع الاحرف سلمت ودمت

حبيبى يا صاحبى
منور كل الصفحات دايما
تحياتى لك يا جميل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بالفيديو : صحفي غزي يجسد معاناة النازحين ومن هدمت منازلهم في العدوان الاخير على القط	nidsaf2	يوتيوب - موقع يوتيوب - يوتيوب فيديو - مقاطع يوتيوب	1	02-13-2015 07:26 PM
لحل الازمه لحل الازمة مرسي يطالب المصريين قطع الكهرباء عن منازلهم ساعتين يوميا	عاشق الود	منتدى الاخبار - عربيه - عالميه - اخبار مصر	2	08-15-2012 09:21 AM
كيف نحول الإنترنت إلى مشاريع فعالة للشباب للعمل من خلال منازلهم	emarketing30	تطوير المواقع و المنتديات	1	05-05-2011 02:47 AM
اجمل شاعر بالعالم شاعر حمد مسير	اموونه	قسم الخواطر - وهمس القوافى حصرى بقلم الأعضاء	0	02-24-2010 02:12 AM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

شاعر من منازلهم ..!

ابداعات الاعضاء العامية