" آغنية / هي / ..تآليفي ..

[αЛαstoOorα]

بوناسيرآآآ ^^
::
آمبارح الدماغ شعشعت مني وسرحت ف الملاكوت
وطلبت معايه بآغنية شعبية
عملتها ..بدئتها بموال وبعدين دخلت بالآغنيه
شوفوني آنفع مؤلف كدا ^^
الموال بالآسود والآغنية بالآحمر
/

آنا المجروح
آنا المجروح ف دُنيا
القسوة تعباني
/
تجيلي الفرحة ف زيارة
وتبعد عني ف ثواني
/
ودايماً همي فاكرني
وعمر الحزن ما نساني
/
وفرحت الكتير جمبي
وبرضه الكل بكاني
/
ووزعت الحنان بالكوم
علي بايعني وعداني
/
آنا اللي كل باع فيا مفيش
غير آلمي جيه شراني
/
ونفسي عذابي يُهجرني
ويختارله واحد تاني
/
ومش عارف آنا المظلوم
ولا بقيت بقة الجاني
/
لآمتي ياقلبي راح تفضل
بقسوتهم كدا تعاني
/
تعبت خلاص من الدُنيا
ودوقت المُر ف زماني
/
آخدني الجرح ف بحوره
وغرقني معاه رماني
/
يامين يشفيلي آوجاعي
وياخد مني آحزاني
/
يادمع العين متنشفشي
ياوحده ملازمة آحضاني
/
ياكلمة حب ما بتكمل
ليه دايماً وياكي بعاني
/
آنا المخلوق لتعذيبي
وآيامي معنداني
/
هي ؟
هي اللي قلبي حبها ومشاعره خدها ورحلها
هي؟
هي اللي كانت كل حاجة ف دُنيتي بحتجلها
هي؟
هي اللي عمري ماشوفت غيرها ف الوجود
هي؟
هي اللي من غيرها زمان كنت بموت
هي؟
هي المشاعر والحنان هي الربييع
وف لحظة خانت قلبي وفيا بقت تبيع
/
هي السبب ف كل شيئ سابني وتاه
هي اللي بيها فضلت آنا آقول الآة
آآآة آآآة
علمتني
علمتني آكون ف الدنيا آنا الآناني
وآنسي آسمي وآنسي شكلي
وآبقة واحد تاني تاني
علمتني
علمتني آبعد بعيد بعيييد
عن كل حاجة ف الوجود
/
واخدة طعم الفرحه وآبقة
آنسان عايش حاله سكوت
/
بس لآمتي تكوني فيا وآكون معاكي؟
/
آنسي آنك كنتي ليا
وهنسي آنا آيام هوااكي
/
وآبقي شيلي آسمي من دفتر حياتك
بعتك خلاص قطري آنا حقيقي فاتك
/
ومن آنهاردة هي في آرشيف زمااان
ومن آنهاردة هي قسوة ومش حنان
هي
هي
هي
هي اللي كااان
//
المنشاوي

[العاشق الذى لم يتب]

وشعشعت دماغك
ومعاه القلب كمان
وروعة حرف
وابداع فى السطروالمعنى
سلمت يمناك
تحياتى وودى

[فداااااااااااء]

نجيب ملحن بقى وواحد يبقى صوته حلو
ونبدأ بقى الحفلة
هههه جميلة منك اخى المنشاوى
وايه شعشعت دى انتو عليكم بعض الكلمات غريبة بصراحة

[مارد الغضب]

علي فكرة انت صوتك وحش قوي
طوال قرايتي للاغنية و انا سامع نغمة نشاز
ماشاء الله
موال اكثر من رائع
فينك يا حسن يا اسمر
مبدع يا منشاوي
تحياتي لسموك

[ويبقى الأثر]

ايه كمية الالم والحزن ده كله
بس بجد جميله كتير

[Lamees]

حاسة انك عايز تديها كيفن على وشها
بس موال جامد جدا
عجبتني جدا وتخيلت حد يغنيه
تسلم منشاوي

[قلب وكلمات]

جميلة يا منشاوي وعجبني الموال

تنفع يا حبيب أخوك ربنا يوفقك

خالص تحياتي

القيصــر

[Doaa Hammam]

فكرتني كلماتك بأغنية حسن الاسمر كتاب حياتي يا عين

بس برافو عليك .. ييجي منك

خلي دماغك بقه مشعشة على طول

( كبر الجي وروق الدي )

تسلم ايدك

[αЛαstoOorα]

اقتباس المشاركة الأصلية كتبت بواسطة العاشق الذى لم يتب وشعشعت دماغك ومعاه القلب كمان وروعة حرف وابداع فى السطروالمعنى سلمت يمناك تحياتى وودى

ربنا يخليك يارفعت بيك^^
منور يا معلم

[αЛαstoOorα]

اقتباس المشاركة الأصلية كتبت بواسطة فداااااااااااء نجيب ملحن بقى وواحد يبقى صوته حلو ونبدأ بقى الحفلة هههه جميلة منك اخى المنشاوى وايه شعشعت دى انتو عليكم بعض الكلمات غريبة بصراحة

شعشعت وبرولت وبهوئت ههههه
هنعمل ايه يا مروة
بنطلع شوية الكبت ف حبة الكلام
يتوب علينا ربنا :d