مسابقة شغل مخك الكبرى

[ايمان طلعت]

السلام عليكم ورحمه الله وبركاته طبعاً الكل زهق من مسابقات الشعر والادب فحبيت اعمل حاجه ترفيهيه وكمان تشغلوا بيها دماغكم بدل مانتوا قاعدين متيسين كدة مسابقه شغل مخك معايا كذا مسابقة هنا وعليكم تشغلوا مخكم وتحلوها طبعاً المطلوب حل كل المسابقات او اللي تعرفه ويتبعت ليا في رساله على الخاص ممنوع حد ينشر أي اجابات فالتوبيك الجوايز قيمه جداااااا و لكل حاجه تحلها جايزة منفردة مش شرط تحل كله عشان تفوز وفيه جايزة خاصه للي يحلها كلها قدامكم 10 ايام من الان للارسال نبتدي بقى اول مسابقه اكتشف اسم العضو جبت كام اسم لاعضاء هنا وكتبته بلغز صغنن عليكم تعرفوا مين دة 1- اسم نصه اسم حيوان والنص التاني اداه او حرف يخص الفعل المضارع 2- اسم من كلمتين اول كلمه شيء يُزرع الكلمه التانيه تعني صوت ضربات القلب 3- اسم يبدأ بأداه التعريف وفي وسطه اداه استفهام وباقي الاسم يدل على رائحه شهيه 4- اسم من كلمتين اول كلمه وقت من الاوقات تاني كلمه شيء ندعو له 5- اسم مقطع منه للنفي والباقي يطلق الان على المدرسة 6- اسم من كلمتين اول كلمه شيء اسطوري نخاف منه الكلمه التانيه طبع سيء تاني مسابقه كتبت كلمات بسيطه فيها لغز المطلوب ايجاد ما في الكلمات من قلبي ابعت محبه نجتمع بيها على الخير تسمو حروفي بكم دنيا تانيه هنا معكم يا كل احبابي القي عليكم السلام و تحية من القلب بدعو لكم بالامان نحيا معا بسلام انا وانتم هنا ترتقي اقلامنا لسماء الصفا من هنا اقولها صار القلب ساكن هنا فاجعلها يارب روضه دائما تجمعنا المسابقه الثالثه اوجد اسم العضو مجموعه حروف كون منهم اسماء عشر اعضاء ص – ل – ح – ن – ز – ط – ع – م – ي – س – ا – ت – ر – ب – ش هـ ( مفتوحة او مربوطة ) المسابقه الرابعه فكر المطلوب ايجاد المفقود بين القوسين طبيب الهوى – الفيلسوف –( ) = الماجيك توحد ارواح – جنون قلب – 361266476693 =( ) ( ) - حازم 34 = 20027769015 المسابقه الخامسه العاب المطلوب حل الالعاب بالفوتو او الرسام وتبعت الصورة بعد الحل اللي ميعرفش اللعبه المطلوب هنا توصل الكورتين اللي بلون واحد بدون ما تتقاطع الخطوط و تتملي كل المربعات دي طبعا معروفه لعبه المتاهه وصل الكورتين ببعض في انتظار اجاباتكم بالتوفيق للجميع تحياتي

[العاشق الذى لم يتب]

ايه ده
دى مسابقة تطلع الروح
حلو التفانين
تسلمى امونة
لى رجعة تانى
علشان امخمخ

[توحد ارواح]

مسابقه جميله جدا وممتعه ومنوعه
وفعلا عاوزه تشغيل دماغ جامد
تسلمى ايمى ع افكارك القيمه

[طبيب الهوى]

حاضر يا ماما حاضر

أمرك يا سي أمينة

أمرك يا مُستَبِدَة

سأشترك معكِ في المُسابقة

وأنا مغمض العين مسدود الأذن والأنف والحنجرة

والله معي

بالتوفيق للجميع إن شاء الله

تحياتي وودي وورودي

أبو عصام

[۩۩ elMagic ۩۩]

مسابقة قيمه جدا
مجهود مميز منك ايمي
ليا عوده بإذن الله ,,

[Lamees]

بسم الله الرحمن الرحيم
ومعاكم اول منسحبة من المسابقة
اي حاجة فيها تشغيل دماغ انا مش فيها خالص
اصل مش بحب اتعب دماغي خالص ^_^
احب اسبها كده مرتاحة ومتيسة
بالتوفيق يا ايمي للمشتركين
اللي انا مش منهم ههههههه

[همس الحنين]

ماشاء الله ابداع منك ايمى

بس مسابقه عاوزه زى ما قولتى تشغيل دماغ

نفكر ياقمر

[اذار .]

دي مش شغل مخك
دي أتلف مخك /:

هبقى ابعتلك لو عرفت احل حاجه ان شاء الله
تسلمي يا جميله للمسابقه

[Arco Baleno]

حلوه المسابقه ايمان بس محتاه استفسر منك
في نقاط معينه
الحروف مثال فيه عضو مكرر في اسمه حرف النون مرتين
هل يحق لي استخدام حرف النون مرتين ولا بس مره وحده حسب الموجود
السوال لثاني
طبيب الهوى _ الفيلسوف () = الماجيك
عاوزه بس توضيح للمطلوب ايش لان مافهمت هل حروف
او اسماء او ايش
وان شاء االله اشارك بس اخلص بحث
المدرسه

[ايمان طلعت]

اقتباس المشاركة الأصلية كتبت بواسطة arco baleno حلوه المسابقه ايمان بس محتاه استفسر منك في نقاط معينه الحروف مثال فيه عضو مكرر في اسمه حرف النون مرتين هل يحق لي استخدام حرف النون مرتين ولا بس مره وحده حسب الموجود السوال لثاني طبيب الهوى _ الفيلسوف () = الماجيك عاوزه بس توضيح للمطلوب ايش لان مافهمت هل حروف او اسماء او ايش وان شاء االله اشارك بس اخلص بحث المدرسه

اهلا حوري نورتي
بالنسبه للحروف استخدميها براحتك عادي كذا مرة
بالنسبه للمعادله دي او المسأله مقدرش افيدك
حاولي تفكري انتي ممكن تكون ايه او تيجي ازاي

معلش بدل ما اعمل اقتباس دوست تعديل ههههه
منتظراكي