النشره الاخباريه للستات المفتريه(الجزء الثانى)

[طارق طروق]

اهلا ومرحبا بكم
دا رابط الجزء الاول عشان اللى هيتابع معايا
http://forums.banatmasr.net/msryat543133/


سيداتي وستاتي رجعنالكم بعد الفاصل عشان نشوف حكاية مقصوفة الرقبة منى اللي حرقت بنطلون أحمد الغلبان

معانا على الهاتف منى شخصيا

ايوة يامنى

اهئ اهئ اهئ

ايوة يامنى

اهئ اهئ اهئ

يختي ردي علية وبعدين كملي عياط براحتك

ايوة يا استاذ طارق

احكيلنا يختي على ملابسات حادث حرق البنطلون

أحمد قالي لو سمحتي يامنى ياروح قلبي اكويلي البنطلون عشان نازل بسرعة

قولتله حاضر ياأحمد ياحياتي

وبعدين يختي كملي

لسة يادوب ابتديت في كوي البنطلون وجاتلي رسالة كلمني شكرا من ماما

ليه هي امك مامعهاش رصيد

لأ معاها بس هي مش بتحب تكلف نفسها

امك ناصحة زي خالتى كملي وبعدين

اتصلت بماما ونسيت المكوى على البنطلون والبنطلون اتحرق يا ماميييييييييييييييييييييي ييييييييييييييييييييييييي يييي اهئ اهئئئئئئئئئئئئئئئئئئئئئئئ ئئئئئئئئئئئئئئئئئئئئئئئئئ ئئئئئئئئئئئئئئئئئئئئئئئئئ ئئئ

عيطي يختي عيطي يمكن الدموع تكفر عن خطاياكي في حق الراجل المسكين .اقفلي السكة يابت جبتيلى الضغط



فاصل ونواصل النشرة المنيله دى





نواصل مع حضراتكو نشرة الاخبار

بس الاول نقرا التعليقات اللي جت على ايميل البرنامج

تعليق من الحاجة حواء أم المحروسة وردة بتقول انها خايفة لدبحها

واحب اقولها لأ يا حبيبتي مش هدبحك طول مانتي ست شاطرة وبتابعي النشرة باستمرار

تعليق من ام جومانا وجنى بتقول انها متابعانا

وانا بقولها تسلمي وتعيشي عقبال مانجاملك في الفرح يارب

تعليق من المشاهدة المشاغبة سماء الفردوس فهمت منه انها بتشاور عقلها تقلد كاميليا

وانا بقولها ماتكبريهاش في دماغي انا كمان يختي

تعليق من سندسة ام مريم بتقول انها متابعانا

وانا بقولها يعلي مراتبك ويجبر بخاطرك قادر ياكريم

تعليق من ماريا بتقول انها هي كمان حشرية ورخمه زي حالاتي

بقولها ماجمع الا اما وفق ودا حال كل الستات اللى زيك بيحبوا يقلدوا

تعليق من سارة محمد بتقول ان كلمة زمن اغبر لاتجوز

بقولها معلش ياضنايا زلة لسان غير مقصودة بس هي دعابة مش سب زمن والله

تعليق من همتي صلاح بتقول ان دمي زي العسل

انا بقولها انتي اللي دمك زي الشربات ياشربات انتى

تعليق من المشاهدة درة بنقابي بتتهمني اني راجل غلس ودمى تقيل

كدة برضو بقى انا راجل غلس ودمى تقيل يا انسة حنفي هههههههه

وبقولها والله مش تحيز للرجالة ضد الستات ولا حاجة بس بحب اننا نحط ايدينا على اخطاءنا ونحلها عشان تحافظوا على الرجاله بتاعتكم

تعليق من اتمنى رضاه بتقول انها مبسوطة من النشرة

وانا بقولها انتي لسة شوفتي حاجة

تعليق من ام رقية بتقول ادي النشرة ولا بلاش

وانا بقولها ادي الستات العسل ولا بلاش

تعليق من المشاهدة سجودة بتقولي بتجيب اسامي الستات دي منين

وانا بقولها اكيد معجب بالأسامي ونفسك اختارلك اسم للنونو اللي جاي يا عفريتة


الى اللقاء فى الحلقه القادمه
ومع تحياتى لكم
طارق الرخم

[ندوشه 2011]

والله ضحكتني ربنا يسعدك

[حازم34]

انت طارق العسل

ال طارق الرخم ال

ماشاء الله فكر جميل مع نشره جميله مبهجه

وحرق البنطلون

يا سيدي يا ما حرقوا

يجيبوا غيره

ههههههههههههههههه

والتعليقات علي ايميل البرنامج

حلوه جميله ظريفه

فيها فكر والله طارق

اسعدني المرور

والضحك والابتسامه

تسلم والله لك مني خالص التحيه والتقدير

[طارق طروق]

اقتباس المشاركة الأصلية كتبت بواسطة ندوشه 2011 والله ضحكتني ربنا يسعدك

متشكر جدا ندوشه وسعيد انى ضحكتك ويارب دايما تضحكى
شكرا لتعليقك ومرورك
شرفتى ونورتى

[طارق طروق]

اقتباس المشاركة الأصلية كتبت بواسطة حازم34 انت طارق العسل ال طارق الرخم ال ماشاء الله فكر جميل مع نشره جميله مبهجه وحرق البنطلون يا سيدي يا ما حرقوا يجيبوا غيره ههههههههههههههههه والتعليقات علي ايميل البرنامج حلوه جميله ظريفه فيها فكر والله طارق اسعدني المرور والضحك والابتسامه تسلم والله لك مني خالص التحيه والتقدير

متشكر جدا يا حازم ربنا يخليك انت الاعسل ههههههههههه
وكلامك وتعليقك وسام على صدرى
ويارب دايما تكون سعيد ومبسوط
اشكرك على تعليقك الجميل وعلى مرورك الغالى
شرفت ونورت

[αЛαstoOorα]

هههههه
الله ينور ياطروق
طب ماتخليها نشرة مستمرة
وتعمل لنفسك يومين ف الآسبوع؟
وآنا عليا الدعم والآعلان ياعم ^^