انا مجرد عابر سبيل فى الدنيا

[طارق طروق]

رغم ان البرد شديد جدا جدا
لكن فى حياتنا اليوميه او فى حياتنا عامه
فى ناس ابرد من البرد القارص
ومن كتر برودهم بيجمدوا مشاعرنا
وبيجمدوا كل حاجه حلوه فى حياتنا
وباى بقى

[طارق طروق]

ومازال البرد مستمر
وخصوصا فى مكان شغلى
لأن الشركه اللى انا شغال فيها
بالسخنه التابعه لمدينه السويس
وبالمناسبه السخنه دى فى الصيف
مصيف اكتر من رائع بالشواطىء الرائعه
اللى فيها ومعظم الفنانين بيجوا يصيفوا فيها
والاجانب من جميع البلدان وكذلك العرب
كنت بسافر الاول بسيارتى من القاهره للسخنه يوميا
ولما عملت حادثه وكنت هموت فيها والحمدلله ربنا
خد بيدى كان قدامى خيارين اما اسيب الشركه
او استأجر شقه بالسويس واخترت الحل التانى
بدل السفر يوميا بسبب الحادثه عشان لا ينشغلوا
عنى فى البيت وشغلى اشتغل اربع ايام واخد اجازه اربع ايام
وجعت دماغكم
باى بقى

[طارق طروق]

العزيزه الاخت سما
اتكلمت فى موضوع خاص بالصداقه وكدا
وانا رديت عليه
قلبتى عليا المواجع يا سما
يااااااااااااااااااماااااااااااااا
اتلدعت من اعز الاصدقاء
قاصدى اللى كنت بحسبهم كدا

[طارق طروق]

وفيه ناس تقولك
عشان تعيش مرتاح بين الناس
وتبعد عن المشاكل لازم تنافق
لأن النفاق بقى سلعه رائجه
يعنى سوقه ماشى اوى
طبعا مش مع كل الناس
وعشان كدا لما بلاقى حد بيقولى كدا
لازم تنافق عشان تعيش مرتاح
بينزل من نظرى وببعد عنه تدريجيا
اى نعم صراحتى بتزعل منى بعض
الناس لكن مقدرش اغير مبدأى

[طارق طروق]

مش فاكر كنت داخل اكتب ايه ونسيت
يلا بقى لما ابقى افتكر ابقى ادخل اكتب
باى بقى

[طارق طروق]

وحتى الانسان ليه تاريخ صلاحيه
مش السلعه بس
صلاحيته انتهت يبقى خلاص
بينتهى ويموت
ومافيش فرق بين الدكتور ولا النجار ولا اى ميكانيكى
الدكتور بيصلح حاجات فى الجسم
والميكانيكى والنجار بيصلحوا بس مش فى الجسم
وباى بقى

[طارق طروق]

اكتشفت ان اكتر اتنين بيحبونى
وميقدروش يستغنوا عنى
البرد والكحه
لكن الحمدلله على كل شىء

[طارق طروق]

ومازال البرد والكحه مستمرين والحمدلله
انا بعمل اللى عليا وباخد العلاج
والباقى بقى على الله والحمدلله
على كل شىء
وباى بقى

[طارق طروق]

ومحدش مرتاح فى حياته
حتى لو مرتاح ماديا
اهم شىء انه يكون مرتاح نفسيا
مش ماديا الفلوس مش كل حاجه
اهم من الفلوس الصحه والستر
اى والله

[طارق طروق]

مرهق وعندى شغل الصبح
ومش كابس عليا النوم
وكالعاده بدخل هنا وكأنى داخل صحراء كاحله
ومازلت الطيور مهاجره هنا