غَوآيش ..!

[جنون قلب]

غَوآيش ..! . سألونىِ عَن غَوآيش .. قلتلهم هِى دى البِنت اللى حَبتهَـــآ فِى الآول ..! كُنت فاكر المَوضوع هِزآر ومُش هَيطول زى كده لعِبه فى ايد الصغَـآر بس بعترف إنى بجد هويتهَـــآ بعترف إن غَوآيش مُختلفه شفتهـآ لآقيتهـآ مَجروحه ومِسكينه إتجرحت مِن الحب على حد كلآمهــآ ب أتلم سِكينه وكـآن الدِم مِنهَــآ ينزف ., صعبت عليـــآ ومُش محتـآج انى احلف عَشـآن مهمـآ حِلفت هَكون كَدآب مـآ هو مفيش حد بيختار انه يعيش فى عَذآب لكن قررت انى العب دُور الطبيب المِدآوى واطيب جِرآح الخَـآينين ظـآلمين بقى كـآنوآ أو مَظلومين معرفش بس ده الكلآم اللى وصلنى من الحكـآوى كـآنت تسهر عُيونى عَشـآن هى تنـــآم الفرحه مبتكونش سـآيعــآنى لمـآ كـآنت عيونهــآ تبتسم وياه لوكانت تكشر كانت ساعتها اعانى وقلبى من جُوآيــآ ينقسم ولو زعلتنى هى .. كنت بتوه جوه الكلآم ومع اول ضحكه منها بنسى الخصــآم لكن بقى امــآ زهوتى رآحت دخلت معايا فى رحله الخنــآق بدأت تظهر كتير علآمــآت مَفيش إتفــآق .. مفيش وفــآق وساعتها كتر الملآم بدأت هى على كل حاجه تتلككـ عشانه وقتها مكنتتش فارق وكانت على ابسط كلمه تِفــآرق وفى اى حاجه بتشككـ فى يُوم اعلنت التوبه عَن حُبى لحد أمــآ فى نفس اليوم جه صـآحبى اللى قلت ليه إنى نـآوى عَلى خُطوبه حاسس انها هتسعدنى .. لآنهـآ بنت لهلوبه مِن كتر كلآمى عليهــآ دخلت دمـآغه وعششت وامــآ غبت انـــآ دق هُو البــآب واتنحنح .. وهندم هدومه وقام اتلحلح لحد امـآ قــآلت مين .. ؟ واتكلمت وتبدأ بقى الحكايه م الاول وتطول بقى ولا ما تطول مُش فــآرق اصلآ من الاول وانا اللى كنت مُغفل هزعل يعنى عشاــآن واحده كدآبه فى الاصل محبتنيش ولآ واحد كان قاعد جمبى وفيا بيغفل هى دى بقى حكايه غوآيش بس ياريت محدش يحفل ..؟!

[asmaa258]

مشكورين وربنا يوفقكم ويكرمكم

[ندوشه 2011]

يا سيدى ربنا يسعدك انت غوايش وسلاسل والخواتم والحلقان ههههههههههه ربنا يسعدك يا اسلام

[SaMa.]

اوحش حاجه لما تلاقي الل بتحبو عارفك لمصلحتو
ولما تنتهي مهتمك تنتهي صلاحيتك
هو كمان موش صاحب جدع ع فكرة
وكويس انك عرفتهم ع حقيقتهم
موصيبه كبيرة لما بتبقا الخيانة. من اعز اتنين
كلامك يوجع القلب ي اسلام

[Lamees]

الامر لا يصل للخيانة
لانها ببساطة كانت بتتسلى
الحب مش بيتولد في البداية
الخب بيكون بالعشرة الطيبة
واللي حكيته عن غوايش
كانت نزوة وزهوة راحت بسرعة
وطبيعي انا تدور على نزوة غيرها
بطل قصتك عاش في الاوهام
لانه فضل يلغي عقله
ويمشي ورا قلبه
اللي ضلله لحد ما انجرح

راقية الفضفضة
تسلم اسلام

[مارد الغضب]

عارف يا سُلم لو كنت اتجوزتها في الاخر
كنت حستني الفصل التاني لما تطلقها بعد يومين
و علي فكرة فيه دلوقتي غوايش صيني
شكلها حلو و برضه بتشخشخ
بس لما بتنشرخ بتبان علي حقيقتها
تحياتي لك اسلام

[العقل الباطن]

انا اريد وانت تريد والله يفعل ما يريد
هى غوايش كبير فيها الاسم لان الغوايش ليها تمن رغم زهوتها
لكن هى فهى غوايش فالصو منظر اه لكن قيمه لو وقعت من ايد اى حد اكيد مش هيزعل عليها
اما صاحبك فهو مغفل زى ما كنت انت مغفل
لكن متقلقش لازم كل واخد ياخدله وقت .. عشان لما ربنا ينفذ امره ما يبقاش له حجه
فرج الله عنك و فضفضه اتمنى تكون مش معاك و مجرد كلام

[شاعرة الرومانسيه]

انت الكسبان والله

الى بعدت عنهم الاتنين

مفيش حب فى زمن ناس بلا قلب

تسلم ايديك اخى اسلام

[ويبقى الأثر]

عمر ماكان ده موقف يزعل
لو منك اضحك
لسبب بسيط جدا ان ربنا كشف لك حقيقة ناس كنت بتحبها
لكن ماتستاهل حبك سواء غوايش او صاحبك
وعواطفك وشعورك الجميل اللى قدمته مش تندم عليهم
القلب النقى دايما بيعطى .. واكيد بالاخر ربنا بيعوضه
تسلم ويسلم قلمك اخى
استمتعت بفضفضتك المؤلمه والمريحه فى ذات الوقت
اسعدك المولى

[دمعه حائره]

النوعيه دى البعد عنها غنيمة وكرم من ربنا
انك عرفتهم بدى
القصه مؤلمة جدا ونبرة كلامك فيها احزنتنى