الزوج والزوجه وسنين الغربه

[واد حبيب]

السلام عليكم ورحمه الله وبركاته ناس كتير بتحب السفر وناس كتير عايشه في الغربه وبتفضل فيها سنين وسنين وممكن عمرها كله يضيع في الغربه وهيه مش حاسه من شويه كنت قاعد مع ناس صاحبي وواحد جي معاهم بقالو 4 سنين منزلش مصر في الاول قولت الموضوع عادي طول ما هوه مش مجوز يفضل زي ما هو عوز لكن الغريب اني لقيتو مجوز وعنده ولدين وفي واحد فيهم عنده حوالي 3 سنين لسه ماشفوش علي الزعم اني مش عارف الظروف عنده ايه لكن مهما كانت الظروف مينفعش يفضل دي كله بعيد عن مراته واولاده انا بقالي حوالي 13 شهر وحاسس اني اموت علي الرغم اني نزل في رمضان ان شاء الله من وجهه نظرك الغلط عن مين من الزوج اللي فضل ده كله من غير ما ينزل علشان زوجته واولاده ولا من زوجته اللي ساكته علي السنين دي كلها ولا العيب فين بظبط مع العلم انه مبسوط ي الحاله الاجتماعيه تقبلو تحياتي

[همس الحنين]

والله امر اجده تهرب من المسئوليه

يعنى ايه اكون زوج واب وابعد عن الاسره اربع سنوات

هل الفلوس اهم من اهلك وفين حق الزوجه هنا وحق الابناء فى التربيه ووجود حنان الاب

لو كسب ملايين هيخسر اسرته

عارف هيبقو عايشين اجساد تحرها الحياه كما الدمى

الفلوس مهما كانت مهمه استحاله تشترى بيها المحبه

بالطريقه دى بيزرع فجوه كبيره بينه وبين اسرته

مع مرور الوقت هيبقى صعب تفاديها

انرت النقاش ابو اياد

تقديرى لك

[Lamees]

من اكثر السلبيات التي اراها
بعد الزوج عن الزوجة لفترات طويلة
اعتبره زواج لا حياة فيه
انا لا اقبل مثل هدا الوضع نهائي
ارى الخطأ هنا في الزوجة وصمتها الغريب
على وضع غلط

ترجع بالسلامة ابو اياد
وربنا يطمنك على اسرتك

[العقل الباطن]

لا يجوز للزوج ان يمتنع عن زوجته مده تزيد عن 6 شهور
أرى انه يهرب منها ان لم يكن متزوج بأخرى
لا أقبل ابداً بمثل هذا الحال

[ندوشه 2011]

تنزل بالسلامه يا سكرى ههههههههه اما بالنسبه لصاحبك هو حر هي في واحده بتقدر تتكلم مع جوزها دا لو فكرت تتكلم بس دا انتو ايديكوا عامله زي. ......بتضربوا علي طول مفيش تفاهم

[حازم34]

اهلين اهلين اهلين ابو اياد

نورت قسم النقاش

موضوع مهم

اولا لم تذكر لنا مهنه الرجل

حتي نتكلم عن الثقافه ودا شئ مهم

ثانيا --

ممكن ظروف خارجه عن ارادته ربما قد استدان لشراء التاشيره حسبي

الله ونعم الوكيل فيمن يبيعونها

والمكاتب المجرمه التي تثقل كاهله بديوان ربما يجلس سنتين كاملتين يسدد

في ها الديون

ثالثا

الان وسائل الاتصال والمتابعه يوميا يطمان علي زوجته واولاده ولربما

له اب او اخوات يجلسن مع زوجته في نفس البيت

اي يراعون مصالح الاولاد

رابعا

هناك زوجات تضحي حقا من اجل ولادها

واني اعرف امراه ملكه من ملكات الجمال

توفي عنها زوجها وهي بسن 33عاما وكان عندها ولدين وبنت

ورفضت الزواج وتحملت من اجل اولادها

مش شرط تكون الزوجه يعني بالمفهوم

نعم كما قال الاخ ست شهور

ولكن فيه نساء تضحي حتي ولو بسنين من اجل اولادها

ربما تلك الزوجه صابره ومحتسبه



نسال الله ان ييسر له وان يسهل امره وان يحفظ له ولده

وان يعود الي اهله سالما غانما

ربما لو سالته الظروف لاقتنعت بالمده

اعرف رجل عاش هنا عشر سنوات لم يري ابنائه

وتعرف ليه

لما سالته

قال ما كنت عارف اجدد الاقامه

ولما اخدناه للسفاره خرجوا له وثيقه وسافر من شهر

فيه ناس لاتعرف حتي تسال

وفيه ناس مدمنه السفر والتغرب والبعد

ليه بقي ما اعرف

وربي ييسرلنا ولك

ان ارض الله واسعه وكل الاراضي ملك لله ولخلق الله

فاسعوا في مناكبها وكلوا من رزقه

الله اكبر

الارض لله ولكن وضعوا الحدود وضيقوا الارزاق

الله المستعان

نورت ابواياد

[BaAnoOta]

الإغتراب مر ولكن الأمر منه أن ترى نفسك عاجزا تماما عن توفير أبجديات الحياة لأبنائك وأسرتك
والأسوء من ذلك أن يمرض أحدهم بمرض يحتاج لصرف كبير وانت بالكاد تسد رمقهم من كسبك
ساعتها تتمنى لو أنشقت الأرض وأبتلعتك أو مت قبل أن يمر عليك مثل هذا الظرف ..

وجود الأب مهم لتربية الأبناء لا سيما الأولاد ولكن الضغوط الإقتصادية هي التي تفرض أجندتها للحفاظ علي الإستقرار الأسري أو العصف به
بمعني أن الأب يجد نفسه مرغما علي الهجرة أو النزوج لتوفير عيش كريم لزوجته وأولاده .
إن كانت شخصية الأم قوية استطاعت إدارة دفة مهام التربية بغض النظر عن وجود الأب أو غيابه ، بس ده ميمنعش حق الاب علي اولاده وحقهم هما عليه .

وآعتقد ان الاتنين هيبقو مظلومين الزوج لتجميع المال لعيش حياة كريمه
والزوجه لغيابها عن زوجها فترة كبيرة
بس لو هنقول العيب هيبقا علي الدولة السبب الرئيسي ف هجرتهم

تسلم ابو اياد ربي يرجعك لـ زوجتك بالف سلامه

[Fatma eissa]

بص كل شاب
يحب يحس
انه قادر يعتمد علي نفسه
وأنه قادر يتحرك وينفق علي أسرته
حتي لو كان متيسر
لأن الزوجه عوزه تحس
ان زوجها يعمل المستحيل عشانها
ومش مقتصر بس علي لأهل


أما بالنسبة عن الغربه
متهيقلي لو كانت البلد هنا
متاحة الشغل علي حسب
التخصص
مكنشي حد راح برا
بس ممكن نعاتب الدوله
لأنها هي الي بتنفر أبنائها
وغير كمان المرتب
دي اكتر حاجه تخلي الواحد يسافر
واكيد عارف ان النزول مش بأيد
ومش من السهل عليه
انه يقعد هذه السين من غير ماشوف أهله
اكيد حاجه خارجه عن لإرادة

طرح قيم ومميز
تسلم ايدك

[αЛαstoOorα]

بص
آنا من وجهة نظري الشخصية الآنسان اللي بيتغرب دا
مسموح لي بالغربة لو معندهوش مسؤليات وبيت وآولاد
حتي لو مراته واولاده قاعدين مع آهله آو بيت عيلة
وهو سافر رغم آنفه عشان الظروف والحياة
عندي يشيل الزلط ف بلدة ويرجع آخر اليوم لبيته ولاولادة
لو مكنش متزوج عادي يقعد زي ما يقعد
آنما آولادة مش هنقول مراته أولادة لوحدهم ليهم حق كبير
عليه ..وليهم متابعة ومراقبة واحساس بوجود الآب ف البيت
دا لوحده شيئ كبير جداً محدش يقدر يستوعبه غير اللي آتحرم منه
ف آنا بنسبالي لو هتغرب وآنا متجوز ومجبور علي دا
يا اما اخد اولادي وزوجتي معايه يا اما اقعد ف بلدي وزي ماترسي ادقلها
انا كنت هقولك متعرفش ظروفة ايه؟ ممكن يكون ملهوش وش ينزل
لقيتك بتقول مرتاح مادياً..لآني آتغربت كتير ..وكنت بشوف ناس
بتقعد تعيط قدامي بالدموع ونفسها تنزل مصر وتشوف عيالها
بس معملوش ليهم حاجة بعد سنين غربة ومش عارفين ينزلو يقوللهم ايه
دول معذورين..اما المثال اللي طرحته آنت ..مقدرش اقول حاجة عنه
غير آنه آنسان آناني ..حب النفس مسيطر عليه وعامي عيونه
عن آقرب الناس لي واللي من دمه كمان ..دا آنسان آناني