برحمة ربنا

[a7med -3del]

في وسط المشاكل والهموم
وزحمة جراحنا في كل يوم
بنلاقي نور وسط الطريق
بياخد ايدينا للخير ويدلنا
ربك عليم رقيب وشايف
اللي من عذابه خايف
ورغم اننا منستهلش
خدنا حاجات مش حقنا
والفضل كله ليك يارب
عايشين برحمة ربنا

ولا حد فينا يستاهل
والكل في بحره جاهل
ورغم ذنوبنا وعيوبنا
لسه بنغلط ونتساهل

وتلاقيه دايما بيغفر
تغلط وتغلط وهو يستر
مهما تعدي المسموح

ولا اي مرة رد بابه
ياللي خايف من عذابه
قرب تلاقي الباب مفتوح

كل سنة وانتم طيببن
رمضان كريم

[Lamees]

الله الله جميلة جداً
دعوة للعودة الى الله
ما ارقاها وما اجملها
تسلم اخي احمد
تقييمي

[شاعرة الرومانسيه]

كل سنه وانت طيب اخى

حروف رااااااااااائعه

[*فجر الاسلام*]

الله رائعه جـــــــدا
اللهم ردنا اليك ردا جميلا
احسنت القول اخى

[ويبقى الأثر]

الله اكرم
ربنا يعود عليك الايام ورمضان بكل خير يارب
والمسلمين جميعا
مفيش اجمل من ربنا ورحمته

[احساسى صحيح]

وانتا طيب ابو حميد
ينعاد عليك الايام بكل خير يا رب
ما اروعك فى كل حالاتك
دام روعة قلمك الجميل
تحياتى وتقديرى

[دمعه حائره]

وبنغلط وربنا يغفر ويسامح
لان ربنا كبير وكريم
كلمات رائعه
كل عام وانت بخير

[الأميرة رودي]

كل عام وانت بصحه وسعاده.
ربنا كريم مش بيقفل بابه وﻻ يرد دعوه تائب
راقيه حروفك ومعانيها
سلمت احمد