مش زي زمان

[شاعر الحب الحزين]

لا الحنان هو الحنان ولا الأمان هو الأمان

الناس اتغيروا مبقتش الدنيــا زي زمــان

أيام بتعدي وتجيب أيام

أفعال بقت عكس الكلام

يلا ما هي عيشة والسلام

من إيمتا يا دنيا عمرك ريحتي إنســـــان

البسمة كانت أيام الطفولة

دلوقت البسمة ملامحها مجهولة

بتخرج وجوانا ألف آه مقتولة

أيامنا الحلوة زي الغنوة اللي مفهاش ألحان

ضحكتنا بليدة زي قصيدة اتكتبت من غير أوزان

كنا زمان لو نزعل نلاقي أحضان تضم

كان لسه فيه مودة قبل ما المصالح تعم

دلوقتي لو نزعل بييجي الرد عادي مش مهم

هو إيه اللي حاصل يكونش ده حاصل صبرنا على الأحزان

نفس الناس هما هما بس مش هما اللي كانوا زمـــان


نص الناس مجروحة والنص التاني مظاليم

كل الناس بتشكي مش فاضل حد سليم

مين اللي فضل في نفس أطباعه

مين ما انكشفش ووقع منه قناعه

مين شاف الراحة ومدقش حزن الدنيا الأليم

هي دنيا والله فانية أصلها مش جنـة نعيـم

عارفينها لكن مصدقينها

فاهمانا هي ومش فاهمينها

بندعي نخرج على خير منها

هي لو مفهاش رحمة بنطلب الرحمة من رب كريم



شـــــــــــــــــــــــــــــــــــ . حــــــــــــــــــــــــــــــــــــــ

[همس الحنين]

يمكن الدنيا بنظلمها

دايما بنقول مافيهاش رحمه

بس مش الدنيا الناس هما اللى مافيش فى قلوبهم رحمه

مهما قدمت محبه وخير بتتفاجئ بطعنات متعرفش سببها ولا تفسير لها الا

قسوة وعدم رحمه

فالرحمه بالدنين بين البشر

ان نكون رحماء فيما بيننا

فإن رحمنا من فى الارض رحمنا من فى السماء

ودوما نسأل من الله المغفره والرحمه فهذا امر لاغنى عنه

كلماتك كالعاده رساله ومعنى

تسلم خالد

[شاعر الحب الحزين]

اقتباس المشاركة الأصلية كتبت بواسطة ღهمس الحنينღ يمكن الدنيا بنظلمها دايما بنقول مافيهاش رحمه بس مش الدنيا الناس هما اللى مافيش فى قلوبهم رحمه مهما قدمت محبه وخير بتتفاجئ بطعنات متعرفش سببها ولا تفسير لها الا قسوة وعدم رحمه فالرحمه بالدنين بين البشر ان نكون رحماء فيما بيننا فإن رحمنا من فى الارض رحمنا من فى السماء ودوما نسأل من الله المغفره والرحمه فهذا امر لاغنى عنه كلماتك كالعاده رساله ومعنى تسلم خالد

معاكي حق بسنت الدنيا هي هي ما بتتغيرش

بس قلوبنا هي اللي بتتقلب كل يوم في حال

بس الدنيا والله غرورة يا بسنت بتورينا انها حلوة

ونصدق الله يخرجنا منها على خير ويعافينا من فتنها


تسلمي بسنت لوجودك وإضافتك الطيبة

أشكرك لرحابة قلبك في الرد وصدق إحساسك

أسعدتيني بالتواجد القيم هنا بسنت

ربي يوفقك ويسعدك

[حكاية حب]

هي الحياه غالبا ً دموع وحزن

تتبدل الأحوال والأنفس

عسي الله يفرح قلبك ايها المبدع الشاعر

لامست حروفك قلوبنا بصدقها وجمالها رغم الحزن

مودتي الوارفه لك يا شاعر

[جبل عالي]

ومن تاني خالد وكالعادة
بتدوس ع الجرح بزيادة

سكت لسان القلم والقلب

[Aya 7ekaya]

الناس هى اللى بتتغير
وقلوبها بتسود اكتر واكتر

كلام واقعى جدا
تسلم ايدك ودام نبض قلمك

[انجي_1]

تسلم ايدك يا خالد

[الأميرة رودي]

العيب فينا مش فى االزمان
نسينا وتوهنا من نفسنا ومن قيمنا واحبابنا
الزمن ثابت والنفوس متقلبه اﻻحوال. .
راقي جدا وصفك خالد

سلمت روحك من كل شر
تقديري

[فارس الكلمة]

شاعر الحب الحزين
كل مرة نمر على كلماتك نكون محتارين
مش عارفين نجيب لك رد منين
يعنى هنا مثلا فى مش زى زمان
فعلا عندك حق وكل كلماتك فى أمان
نقدر نقول الناس تغيرت أو تغير الزمان
بس يمكن تعود الناس زى زمان
شاعر الحب الحزين
كل كلماتك فيها الجديد
وفى سطورك الافادة اكيد
فى بستان زهور كلماتك العطر آكيد
وفى مدونة سطورك كل جديد
تقبل مرورى وعشت سعيد
فارس الكلمة

[شاعر الحب الحزين]

اقتباس المشاركة الأصلية كتبت بواسطة حكاية حب هي الحياه غالبا ً دموع وحزن تتبدل الأحوال والأنفس عسي الله يفرح قلبك ايها المبدع الشاعر لامست حروفك قلوبنا بصدقها وجمالها رغم الحزن مودتي الوارفه لك يا شاعر

تسلم يا غالي الله يسعدك ويفرح قلبك الطيب

الأجمل رقي تواجدك وروعة تفاعلك أخي الحبيب

أسعدتني بصدق ردك وحضورك العذب هنا

ربي يوفقك ويسعدك