قبل ما تاخدي قرارك

[د/ عبد الله]

قُولتي وقولت
مبقاش بينا غير السكوت
ولو هقول عن حبي ليكي
ميكفنيش.. ألف صوت
بس العناد مانع.. بيني وبينك
ويمكن بكلمة أقدر.. أبيّن حنينك
لكنّى مش هترجّى فيكى
ولا هلملم صورتي بين ايديكي

واسمحيلى....
بس أملّى عنيا من عنيكى
قبل ما تمشى وتبقي ذكرى
وأبقى ذكرى ليكي

واستني بس أجيلك
نفسي حتى أودّعك
عارف قربي ليكي
بيفرّحك وبيوجعك

بس قربك منّي حياة
وبعدك عنّي يعني موت
ميغركيش إني بداري
وجعي ملوش يا حبيبتي صوت

وإن كان ليكي اعتذاري
هيريّح قلبك ونارك
أنا آسف بقولها
قبل ما تاخدي قرارك

(مجرد فضفضة)

[جبل عالي]

مصافحه صباحيه بلون العتاب

راقي كعادتك وأسلوبك المميز

دمت بكل التقدير والاحترام سيدي الفاضل

[فارس الكلمة]

د / عبدالله
من زمان ما قرأت لك كلمات
فى الأول سامحنى هيكون ردى بالعامية
عشان يتناسب مع كلماتك دى
هنا شوفت منك قبل ما تاخدى القرار
حوار بين قلب وقلم وعقل محتار
لوم وعتاب ومناجاة بعدم البعد والرحيل
تخبر فيها حبيبك بأنك محب أسير
فيا من ينادى عليك الحبيب بتأجيل إتخاذ القرار
كن على يقيين بأنك ممكن تكون بقرارك خسران
أصبحنا فى زمن الحب فيه نادر الوجود
وهنا صاحب الكمات يحب حب يصمد للخلود
د/ عبدالله
رائع أنت كما تعودنا عليك
وأجدت هنا فى سردك للحروف
تقبل مرورى عليك بخالص الود

[حكاية حب]

كلمات جميله يا دكتور

ابدعت بتوظيف ابجدياتك

يسعدني مروري بحديقتك الغناء

ودي وجميل وردي

[*فجر الاسلام*]

اول مره اشوفلك بالعاميه من ساعة مادخلت
رائعه جدا يادكتور
يدوم ابداعك

[د/ عبد الله]

اقتباس المشاركة الأصلية كتبت بواسطة جبل عالي مصافحه صباحيه بلون العتاب راقي كعادتك وأسلوبك المميز دمت بكل التقدير والاحترام سيدي الفاضل

ومصافحتك هى الأجمل ..أم عبد الله
نورتيني وأسعدتينى كعادة مرورك
ربنا يسعدك
دمتِ بخير حال

[د/ عبد الله]

اقتباس المشاركة الأصلية كتبت بواسطة فارس الكلمة د / عبدالله من زمان ما قرأت لك كلمات فى الأول سامحنى هيكون ردى بالعامية عشان يتناسب مع كلماتك دى هنا شوفت منك قبل ما تاخدى القرار حوار بين قلب وقلم وعقل محتار لوم وعتاب ومناجاة بعدم البعد والرحيل تخبر فيها حبيبك بأنك محب أسير فيا من ينادى عليك الحبيب بتأجيل إتخاذ القرار كن على يقيين بأنك ممكن تكون بقرارك خسران أصبحنا فى زمن الحب فيه نادر الوجود وهنا صاحب الكمات يحب حب يصمد للخلود د/ عبدالله رائع أنت كما تعودنا عليك وأجدت هنا فى سردك للحروف تقبل مرورى عليك بخالص الود

أخي الحبيب فارس الكلمة
أولا خد راحتك بالعامية ..ما احنا ف منتدى العامية بقى
ثانيا بشكرك جدااا لجميل كلامك وحسن ظنك فيا
وبشكرك لتفهم الكلمات
ربنا يسعدك ويصلح أحوالك
دمت بكل خير

[الفيلسـوف]

لا بقى دى كش مجرد فضفضه ده ابداع يادوك كلماتك تستحق كل احترام وتقدير

[Aya 7ekaya]

تناغم الحروف جميل جداا
دام نبض قلمك الراقى ^^

[السفيره عزيزه]

عارف قربي ليكي
بيفرّحك وبيوجعك
..............
قربك كان جنة مليانة
نعيم
وكانت السما فوقها
مفهاش اي غيم
رحت وصدقت فية
كلام لئيم
وكان القلب بيك
ما بقي قلبي يتيم
كسرت فية فرحتة
طيب اداوي الكسر
فين
فى قربك بحس صحيح
بحاجة حلوة .بس لما دموعي
تنزل ويوجعنى قلبي اليتيم
وتنقلب الفرحة جواية
الى احساس كتير حزين
طيب قولى اداوي قلبي
فين ..

سلمت انامل تكتب
الابداع .دمت بكل خير