متعلمناش

a7med -3del · منذ /05-31-2016, 08:07 AM

لما بفكر في اللي كان
ايام زمان
بسرح اوي
واتعب اوي
واقول ازاي
هيبقي اللي جاي
توهة زي التوهة وقلة الاحساس
دمعة وغربة حتي في وسط الناس
كل المعاني الحلوة
فينا اتبدلت
حتي البراءة مجروحة
ايوة اتحولت
ومحدش عارف مين غلطان
والاسوة بقيت منهج الانسان
ببكي علي اللي فاتتنا
ايام معيشنهاش
ضاعت ايوة ببلاش
ومتعلمناش
كنا زمان احلي واجمل في كل شئ
علي الاقل كنا بنعرف مين البرئ
دلوقت الحق فينا ضل الطريق
والعدو اقرب صديق
والجبان هو الجرئ
ولو فكرنا في ماضينا
حكاياته هتبكينا
زمان كان لينا ولينا
دلوقت مبقالناش
ومتعلمناش
Ahmed adel
اقدر اكتب كل يوم واقدر اكون موجود
بس الكلام بدون معني وخلاف الواقع
بعتبره نفاق
الغياب احيانا له الف معني
كل سنة وانتو طيبين
رمضان كريم

جبل عالي · منذ /05-31-2016, 01:40 PM

لا ده احنا شكلنا اتعلمنا ونجحنا اوي كمان
والله يابني كل اللي قلته شويه من زمان
ضيعنا نفوسنا لما حفظنا درس القسوة
والرحمه تاهت ونسيت العنوان
العيب فينا ساكن وبريء منا الزمان

صدقت والله ولسه متعلمناش
تسلم ايدك

دمعه حائره · منذ /05-31-2016, 05:59 PM

كلمات جميله وكل عام وانت بخير
تسلم اخى

m-f · منذ /05-31-2016, 06:09 PM

مشكور.............

أميرة محمود · منذ /05-31-2016, 06:41 PM

أعجبتنى الصياغة
حنين لأيام مضت وعتاب ولوم لأيام حالية
ولكن المقارنة بين الماضي والحاضر قد تكون ظالمة
فهذا الحاضر عندما يصبح ماضي قد تحن إليه

النوت ال كتبتها في نهاية الكلمات غريبة شوية
ممكن تكون موجود وتكتب من غير ما تبدل الواقع أو تزوره
ووقتها سيخلو الحرف من النفاق كما هو هنا تحديدا