هيا الفلوس هيا وبس _ حصري _

فتحى عيسى · منذ /06-04-2016, 03:42 PM

هيا الفلوس هيا وبس ...
ست الكل والعمة والخالة ...
وأم النفوس ...
هيا كل حاجة ...
وأول حاجة وأخر حاجة ...
هيا سرها باتع وسحرها ماتع ...
هيا المعلمة الكبيرة ...
فرضت شروطها ع التخين ...
من الفقير الدقة لجناب الوزير ...
من اللي مش لاقي الهدمة للمتغطي بالحرير ...
كله بقي له سعره وله تقدير ...
حتي الصداقة والأخوة والجيرة ...
والمحبة بقت بفلوس ...
أشترت الضمير والمصير ... والأعمي والبصير ...
أشترت الرأفة ونزعت الرحمة من قلب الحكيم ...
حتي الفاس مبقاش يفلح بذمة ...
ولا الكراس بقي يشرح بهمة ...
ولا عمة فلتت ولا طربوش هيا بس هيا الفلوس ...
حتي الكلمة بتتباع علي عينك ياتاجر ...
إمبارح قال أيوه والنهاردة بيقول لاءه ...
ولا تعرف هيا حق ولا لزوم ...
ولا هيا فنجرة بوء وضحك ع الدقون ...
ولا غاية لهدف مسكون ...
ولا برضه هيا هيا الفلوس ...
مش مهم أزاي تجيبها ...
سارقها ناهبها واكلها ...
مش مهم علي روح مين هتدوس ...
تحرق وطن مدينة أمة مش مهم ...
الأهم الفلوس ...
حرام حلال مبقتش فارقة ...
ولساه بيجمع الغله ...
علي ريق النوم ...
ولساه مشبعش ...
لساه محروم ...
فتحي عيسي
القاهرة
السبت
4-6-2016
نبض اول
بنات مصر

شاعرة الرومانسيه · منذ /06-04-2016, 05:28 PM

يساتر ليه كدا

اول مره اختلف معاك

طظ فى الفلوس لو غيرت فى النفوس

الفقر فقر نفوس مش فقر جيوب

بختلف معاك اختلافى كلى

ويبقى الأثر · منذ /06-04-2016, 05:48 PM

الفلوس فعلا سبب معظم المشاكل اللى بنشوفها
فى حياتنا وبتفرق حتى الاخوات اللى بيربطهم دم واحد
حرف رائع استاذى لواقع مؤلم
سلمت وسلم مدادك

فتحى عيسى · منذ /06-04-2016, 06:25 PM

اقتباس

المشاركة الأصلية كتبت بواسطة شاعرة الرومانسيه


	يساتر ليه كدا اول مره اختلف معاك طظ فى الفلوس لو غيرت فى النفوس الفقر فقر نفوس مش فقر جيوب بختلف معاك اختلافى كلى

أهلا بك
علي فكرة كلامي ده مش رأي ولا موقف ولا مبدأ
ده واقع ملموس بنقله بالحرف وأتحداكِ لو كان كلامي
ده مش حقيقة بتشوفيها بعينيكِ
ومش معني انك مبتحبيش الفلوس يبقي الكل زيك
أو بتفضلي يكون ليكي كرامة وعزة ومبدأ أهم ألف مرة
من الفلوس يبقي غيرك زيك
عاملي الناس بعقولهم وليس بعقلك
وامثلة بسيطة اوي وزير زراعة من كام شهر مقبوض عليه برشوة
ومن كام يوم مستشار وزير الصحة ايضا برشوة
ودول بقي مش فقرا
أشكرك علي تشريفك الكريم
وإنفعالك الغير مبرر بالمرة
جزاكِ الله كل الخير
تقديري وإحترامي

دمعه حائره · منذ /06-04-2016, 07:44 PM

للاسف ده قانون بعض الناس
الفلوس عمت قلوبهم ومابقاش فيه قيمه
لاى صله قرابه ولا مشاعر
تسلم استاذنا كلمات فى الصميم

Lamees · منذ /06-04-2016, 08:58 PM

معك حق استاذ فتحي الفلوس اصبحت قوة الآن
من يمتلكها امتلك كل شيء
لانه ببساطة يستطيع التحكم في كل شيء

راقية جداً ومعبرة جداً وواقعية جداً
سلم نبض هذا القلم الرائع
تحيتي استاذي

حكاية حب · منذ /06-04-2016, 09:18 PM

عاميه خفيفه بقالب كوميدي فكاهي

أضحك الله سنك يا فتحي

بوركت لنا يا شاعر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الفلوس و لا الحب ..؟	Reem♡A\|❀	منتدى النقاش - الحوار الجاد - قضايا المجتمع	13	10-05-2013 08:31 PM
الفلوس بتكبر ...................؟؟؟؟؟	ماتركس	قسم مناقشة المواضيع المتداوله والمنقوله	22	05-22-2010 10:41 PM
المشكلة فى الفلوس	big bốss	مواضيع عامة - ثقافة عامة	5	03-28-2010 12:43 PM
فستان فرح من الفلوس	smsma666	صور - كاريكاتير - مناظر - خلفيات	6	11-12-2009 08:54 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

هيا الفلوس هيا وبس _ حصري _

ابداعات الاعضاء العامية