( نور و هدير ) ( حبيبى دأئما )(wanted2)

[morshooo]

بسم الله الرحمن الرحيم

مزاج الخير

حصرى عندنا وبس

قصه اجمل حبيبين فــ

صعيد مصر الجوانى

انه يا ساده عملاق المنتدى الملقب بـ وسيم المنتدى

صاحب الابتسامه الطمطميه صاحب الاسنان الصفراء من السجائر

انه العملاق

( بيك بوص ) و ( هدير )

عندنا احنا بس قصه الحب الى هتغلب

نور الشريف و بوسى



طبعا كلنا فجأة سمعنا ان ( عندليب المنتدى ) الحمد لله خطب

فكان لازم اجبلكم قصه الحب دى كانت ازاى




البدايه .

فى يوم من ايام الشتاء بصعيد مصر قرر ( نور ) انه هينام

بشورت ازرق مقاس ( XXXXL ) وقال انا معرفو عنى التحدى

ورغم الشتاء القارص والامطار والرعد انا هتحدى الجو وهنام بالشورت

واثناء النوم كان فى حلم جاله انه خلاص فى بنت اسمها ( هدير ) هتكون من نصيبه

وبصراحه هو مصدق انه خلاص هيتلم وهيرتبط .

دى كانت البدايه

من هنا تبدء الحكايه .




صحى نور من النوم وجمع كل اهل البيت

ابوه وامه واخواته وجيرانه واهل البلد

وقالهم : تسمعو الحكايه

ردو : بس قولها من البدايه

وحكالهم الحكايه وبعد التجمع دا ابوه قرر انه يطرده برا البيت

واهل البلد قررو انه يسيب البلد والصعيد وفعلا حصل .




وقرر انه يروح لـ ( Mahmoud Kamel )

وقاله يا محمود : تسمع الحكايه

قاله : بس قولها من البدايه .

وبعد ما حكاها ( ابو كامل ) قاله هتمشى والا اديك حظر

فقرر انه يمشى




خد بعضه وسافر على المنصورة

وقرر انه يروح لــ ( هيثم )

وقاله يا هيثم : تسمع الحكايه

قاله : بس قولها من البدايه

وبعد ماحكاها ( هيثم ) قاله طلبك مش عندى يابنى ضيعت وقتى




لم ييأس وقال طالما انا فى الصعيد

اروح لـ ( محمود الصاروخ )

وقاله يا صاروخ : تسمع الحكايه

قاله : بس قولها من البدايه

وبعد ما حكاها صاروخ قاله بقولك ايه معايا سجارتين دايس معايا فيهم

برضو كمل مشواره




وقرر يروح لـ ( واد حبيب )

وقاله : تسمع الحكايه

قاله : بس قولها من البدايه

وبعد ما خلص الحكايه كان رد ( حبيب )

طيب يله يا نور عشان هشوف ( المتواجدين الان ) بقالى 10 دقائق

مشوفتهاش .




فقرر يرجع للصعيد مره تانيه وراح

( رفعت )

وقاله : تسمع الحكايه

فرد : بس قولها من البدايه

ولما خلصها رد عليه رفعت وقاله

لو لقتها شوفلى حاجا معاك انا غلبان برضو




ومن هنا قرر ( نور ) انه ينزل اعلان على الفيس بوك

ويحكى الحكايه

بس الاصدقاء قالوله

بس قولها من البدايه

وبعد ما حكاها كله عمله ( بلوك ) ماعدا بنت واحده




وهى ( هدير) وبعتلها خاص

ياترى انتى الى بدور عليها

قالتله : اسأل نفسك

قالها :

سألت نفسي كتير
مارسيتش يوم على بر
انا اللي فيا الخير ولا اللي فيا الشر

قالتله لا يانور ماتقولش كدا انتا فيك الخير

قالها : طيب سؤال تانى

مليان عيوب ولا
خالي م الذنوب ولا ولا ايه ولا انا جوايا
ومش داري الاتنين في بعض
و500 حاجه ومالهمش دعوه ببعض



قالتله :


انتا كويس يا نور ماتقلقش وانا هنورلك حياتك


قالها طيب اخر سؤال :


وفى اللحظه دى كانت ( والدة نور ) بتقوله


قوم يا موكوس عشان تلحق الشغل



قال لمامته :


انا مين وفين انا ايه
مفروش طريقي بورد
ولا الزمان ده انا فيه
اضعف واحد ع الارض



والدته قالتله


قوم يا ( الارسال انقطع )


ومن وقتها ونور مخلى الرمزيه بتاعته على الفيس

[العاشق الذى لم يتب]

انت منورمرشو
ومبروك لنور
ربنايتمم ع خير

[big bốss]

يومك مش فايت النهارده يا خرونج



دا انا بيتسيحلى دلوقتى و على الملآ

و حكايتى بقيت على كل لسان

بس عجبنى رد واد حبيب هههههه

انتظر ردى يا مورشدى

[Aya 7ekaya]

انا كآية اتأثرت

[big bốss]

اقتباس انا كآية اتأثرت

يا سلام يا اختى خافى يطقلك عرق

[اذار .]

قصة شرشحه حزينه فعلا
يا نيلتك يا هدير بس ، قصدي يا سعدك بنور ،
ربنا يجمعكم على خير ، و الف مبروك مره تانيه ،


الاستاذ الكبير في بهذلت الناس ، مروشو
كانت بهدله موفقه

[واد حبيب]

انا لزم اشوف هدير دي علشان انصحها ابعد عنه
حتي في الاحلام
حد يجوز نور برده
يا عم ده مصور في النيل وهوه لبس نضاره

[morshooo]

اقتباس المشاركة الأصلية كتبت بواسطة العاشق الذى لم يتب انت منورمرشو ومبروك لنور ربنايتمم ع خير

نورك ارفعت يا غالى
ونور عازمك ان شاء الله قريب

[morshooo]

اقتباس المشاركة الأصلية كتبت بواسطة big bốss يومك مش فايت النهارده يا خرونج دا انا بيتسيحلى دلوقتى و على الملآ و حكايتى بقيت على كل لسان بس عجبنى رد واد حبيب هههههه انتظر ردى يا مورشدى

ايه يا خرونكاوى ^_^
ياجدع انتا قصتك لازم تتحكى
ويتم تدوينها انتا عارف يعنى ايه
انك تلاقى واحده تلمك ربنا معاها بقا

[morshooo]

اقتباس المشاركة الأصلية كتبت بواسطة Aya 7ekaya انا كآية اتأثرت

معلش بقا يا ايه
عارف ان القصه مؤثرة بس
نور ابن حلال ويستاهل