حملة الموسوعات الرمضانية (2016) يلا اشتركوا+البداية

[Sєяєєη●•ʚɞ]

إزيكم ... عاملين ايه ؟! الحمله دى انا نزلتها قبل كدة مرتين وبقالى كام سنة مانزلتهاش تانى وبالرغم انى اترددت انزلها لان المنتدى اتغير وبقيت انا من المغمورين كدة رمضان خلاص على وصول وجة الوقت اللى نبدأ فيه بعمل صالح يقربنا من ربنا ونستفيد فيه من قاعدتنا على النت .. كتير أوي بنكسل ونتحجج بأننا مش هنقدر نلتزم بس مانعرفش اننا لو بدأنا بنية صافيه للتقرب من ربنا هنلاقى ربنا ساعدنا وعنا وهو شهر واحد فى السنه لازم نستغله ' ' ' مانيجى فعلا نخلى رمضان دة احسن رمضان فى حياتنا تعالوآ نحط ادينا فى ايد بعض ونساعد بعض فى الخير تعالوآ نستفيد من قاعدتنا على النت بحاجة تزود حسنتنا تعالوآ مانكسلش عن فعل الخير ونتسارع على الحسنات تعالوا بلاش نتحجج ونقول هنكون مش فاضين فى رمضان ومش هنقدر نلتزم تعالوا نتغلب على نفسنا وعلى الشيطان ونبدأ بجد ' ' تعـالوآ شاركوا معايا فى الحملة دي الحملة دى ببساطة عبارة عن 7 موسوعآت 1 موسوعه آداب الصيام واحكامة هنتعلم حاجة جديدة عن الصيام 2 موسوعة الرحيق المختوم (السيرة النبويه ) هنتعلم كل يوم حاجة جديدة فى السيرة النبوية 3 موسوعة رياض الصالحين (أحاديث صحيحة ) هنتعلم كل يوم يوم حديث جديد 4 موسوعة الفقه الميسر فى ضوء الكتاب والسنة هنتعلم كل يوم حاجة جديدة فى الفقة 5 موسوعة تفسير القران الكريم هنفسر كل يوم 5 ايات من القران الكريم 6 موسوعة قصص الانبياء والقران هنتعرف كل يوم على قصة جديدة 7 موسوعة الاعجاز العلمى فى القران والسنة هنتعرف على بعض الاعجازات الموجودة فى القران والسنة شرح الحملة كل عضو او اتنين (ع حسب العدد اللى هيشترك ) هيشتركوا فى موسوعه ينزلوها لمدة ال30 يوم يعنى كل يوم هينزلوا منها جزء >> يعنى لو اتنين اشتركوا فى موسوعه يبقى كل واحد هينزلها ف يوم كل اللى هتعملوة انى هوزع على كل واحد الرابط بتاع موسوعته ويحط كوبى وبست منها كل يوم منها.. مهمتة انة يقسم الموضوعات الموجودة فى الرابط ع 30 يوم وينزل منها ..ريحتكم خالص اهو يعنى الموضوع مش مجهد يعنى الموسوعه مش هتاخد منكم 10 دقايق رد و10 زيهم تقروا وتردوا ع باقى الموسوعات اللى فى الحمله شروط الحملة 1 الالتزام ثم الالتزام بالدخول يوميا طول شهر رمضان ولو ربع ساعه تحط موسوعتك وترد على الموسوعات الاخرى (الموضوع مش محتاج غير 10 دقايق من يومك فقط ) دة اهم شرط لازم اللى يشترك يكون جدى فعلا لاخر الحملة مش مجرد يحجز مكان وخلاص ملحوظة : لو كنتم اتنين فى الموسوعه هتريحوا بعض (كل واحد يوم) بس المهم ان الموسوعه يوميا هينزل فيها جزء لو فرضنا ان حد جاله ظروف قهرية وماقدرش يدخل فى يوم هنراعية بس بشرط انةتانى يوم ينزل الجزئين مع بعض بتواريخ كل يوم (بس يعرفنى قبلها) 2 كل يوم هتنزل فيه جزء من الموسوعه هتكتب التاريخ الخاص بكل يوم مثلا موسوعه تفسير القران هتقول التاريخ 1 رمضان 1437 العنوان : سوره الفاتحة (آيه رقم كذا ) 3 الرد يوميا على كل الموسوعات المشتركة معاك فى الحملة (هنردعلى بعض ياجماعه وندخل موسوعات بعض دة شرط ضرورى).. والرد يبين استفادتك ومتفاعله مع صاحب الموضوع وتقرأ فعلا لان الهدف الاساسى هو الاستفادة 4 ضرورى جدا وشرط مهم هحاسب علية فى التقييم : لازم كل الموسوعات تنزل بالنهار يعنى قبل المغرب علشان ناخد الثواب واحنا صايمين بعد المغرب فطار وصلاة فالموسوعات كلها لازم تنزل قبل المغرب وبالنسبة للرد عليهاممكن تردوا بعد المغرب عادى بس فى خلال اليوم 5 تقسم الموسوعه بحيث يكون كل يوم جزء صغير منها (مش ألاقيكم كاتبين صفحات لازم يكون جزء صغير اوى علشان الناس تقرأ وماتزهقش وراعوا ان كل واحد فيكم هيقرأ السبع موسوعات ويرد ).. الاهتمام بالموسوعه وتنظيمها بيفتح النفس وبيساعد الاعضاء انهم يتابعوها وكل دة بيكون فى التقييم التقييم هتابع معاكم يوم بيوم هيكون فيه تقييم كل 10 ايام إستفتاء لأفضل موسوعه بشهادات تقدير +100 مشاركة وهيكون فيه تقييم نهائى للحمله واختيار افضل 3 موسوعات من حيث (النسبه اللى حصلوا عليها فى تقييم كل 10 ايام - التنظيم والتنسيق - الإلتزام بالميعاد وردود العضوين الموجودين فى الموسوعه على باقى الموسوعات ) وطبعا قبل كل دة كفاية الثواب اللى احنا بندور عليه انا هاخد معاكم موسوعه بس مش هدخل نفسى فى التقييم المركز الأول وسام و300 مشاركه و6 نجوم و10000 نقطة تقييم المركز الثانى وسام و250 مشاركه و4 نجوم و8000 نقطة تقييم المركز الثالث وسام و200 مشاركه و3 نجوم و5000 نقطة تقييم طريقة الاشتراك مطلوب 13 عضو كل اتنين فى موسوعه (انا منهم) هكون انا فى موسوعه لوحدى لانى مش هدخل فى التقييم وهختار موسوعه (الاعجاز العلمى فى القران والسنه ) ادخل قول انا مشترك فى الموسوعه الفلانية وسيب الباقى عليا وهقولكم تعملوا ايه بالضبط الاشتراك لمدةيومين بس النهاردة وبكرة وهنبدأ ان شاء الله على طول بالموسوعات اللى اكتملت سواء العدد اكتمل او لا وعندى امل انى هلاقى ناس كتير مش هتكسل عن الخير فإلحق مكان وماتترددش ابدأوا معايا وربنا يعينى ويعنكم بس بلاش تكسلوا وتخلوا نفسكم تتحجج الموضوع مش هياخد منكم عشر دقايق [/COLOR]

[۩۩ elMagic ۩۩]

الله ينور بقى سيرو
كده معاكي ف موسوعة تفسير القرآن الكريم بإذن الله

[دمعه حائره]

حمد لله على السلامه سيرو نورتى المنتدى كله
واكيد رمضان ماينفعش فى المنتدى من غير
مسابقتك الجميله
موفقين يارب

[ويبقى الأثر]

ربنا يجازيك خير ياجميله
معاكى فى موسوعة رياض الصالحين

[أميرة محمود]

هى الفكرة جميلة
جزاك الله خيرا
انا هتابع

[BaAnoOta]

جميلـه جدا الفكرة ومميزة ..
تسسلمي
آنا مشتركه
( موسوعة قصص الانبياء والقران )

[وسيم العاشق]

موفقين يارب

[Aya 7ekaya]

فكرة جميله جدا سيرو
مش ضامنه ظروفى اوى مع انى حابه اشارك
ف هتابع وان شاء الله نشوف مجهود جميل

[العاشق الذى لم يتب]

تسلمى
وجزاك الله خيرا
حمدالله ع السلامة
معاك ان شاء الله
خليتى فى الموسوعة الفقهية

[الفيلسـوف]

مشترك باذن الله وجزاكى الله خير وجعله ف ميزان حسانتك موسوعه الاحكام الفقهيه