مـــــــــــع رانــــــــســـى ُُ ُ ُ

[O.o°•حكــاياتـ كتيــر O.o°•]

مساء الخير اهلا وسهلا بيكم ورمضان كريم وكل سنه وانتم طيبين ^ ^ انهاردة تانى ايام رمضان وان شاء الله كل تلات هيكون معانا ضيف فى برنامجنا " مع " الاسم غريب ومختلف شوية بس عاادى الاختلاف حلو برده فكرة البرنامج كويسه مش هوضحها انتم هتعرفوها من خلال كلامى مع الضيف او الضيفة معايا انهاردة ضيفة كويسه جداااا فى المنتدى ومع الاعضاء متكلمتش معاها غير فى مشاركات ومواضيع ومتعرفناش حتى ع بعض وطبعاا هى العضوة "Rainsy " خطوبتها كانت من قريب ياريت نبارك ليها ^ ^ احم احم وعقبالكوا .. *_^ رانسى ازيك واخبارك ايه ؟؟ تمام وكويسه اكيد طول مانا معاكى فى البرنامج اخبار رمضان معاكى ايه ؟؟ الحمد لله ع كل حال هههههههه تعرفى تعرفينا بنفسك فى كلام مختصر ؟؟ حاضر من عنيااا انا رانسى 22 سنه من لبنان لهجتى مصريه لانى عايشه فى مصر وبحب مصر جدا مخطوبة وع وش جواز ههههه عندى اخوات كتير ماما متوفية وبابا لسه ع قيد الحياة ههههه وبس كدا عاوزه تعرفى حاجه تانى ؟؟ لا خلاص كدا كفاية هههههههههه طيب ... سمعنا خير خطوبتك من العضوة بنوته مصريه ميه ميه والف مبروك الله يبارك فيكى هايدى ، اها فعلا هايدى اللى نشرت الخبر هيا اخت صاحبتى ودايماا مع بعض فهى تعرف كل حاجة عنى تمام .. اكتر عضو بترتاحى معاه فى الكلام هنا واكتر عضوة برده واد حبيب اكتر عضو اكييد وحيااااة اكتر عضوة اتكلمى عن واد حبيب وحياة محمد بعتبره اخويا وبحبه جدا وربنا يخليه ليا وبينصحنى دايما ولولا انه مكلمنيش فى كذا حاجه كان زمانى ضعت وهاجر برده برتاح معاها فى الكلام جدا حتى لو بنتكلم فى اى حاججه وهيا فى امتحانات ناو ربنا معاها وادعولها اها .. ربنا معاها ليه دايما حزينة ر انسى؟ مش حكاية حزينة كل الحكايه ان فى ناس حوليا تحسى انهم موجودين علشان يكدبوا عليا ويلعبوا بيا ربنا يسماحهم يااارب .... احكي بالمختصر عن حياتك مع بنتك الله يرحمها وباباها الله يرحمه وخطيبك واللى حبيته بعدها من خلال قراءتى فى مواضيعك شوفت كدا انا ومحمد كنا مع بعض فى الكليه واتعرفنا ع بعض واتخطبنا واتجوزنا بسرعه وبعدين خلفت وبنتى كان اسمها مريهان ماتت بعد ما اتولدت باسبوعين كدا ومخلفتش بعدها محمد كان مصرى وكنت معاه فبعد مريهان مخلفتش تانى وربنا اللى كان عاوز كدا مامته مش رضيت بالحال ده وفرضت عليه ان ينفصل عنى وانفصلنا فعلا وهو اتجوز صحبتى بعدها وانا اتخطبت لابن عمى وبعدين ابن عمى عمل مع محمد حكاية غريبه عليا فاتصدمت فى كاظم وكانت صدمتى التانية وبعدنا عن بعض برده وانا تعبت جامد ساعتها وبعدها محمد مات ومات عادى من غير أى حاجه وبعد كده حبيت واحد من ع المنتدى هنا وخدعنى برده وسافر وعرفت عنه حاجات كتير غريبة وكررت نفس الغلطة وحبيت واحد تانى من المنتدى ولما ماما اتوفت غبت شهر مكلمتهوش نسينى وحب غيرى وربنا يسعدهم مع بعض وانا اتخطبت لكاظم ابن عمى وفرحنا فى العيد ان شاء الله لكن عاوزه اقول حاجه القلب بيحب مره واحده وانا محبتش غير كاظم مش علشان انا وهو مخطوبين ناو بس بجد انا محبتش محمد ولا أى حد تانى تمام رانسى .. ربنا معااكى فى حياتك اللى جايه برنامج محطة بنات جميل جدا اتكلمى عنه تسلمى يارب يا هايدى هيا مش فكرتى هى فكرة بنوته مصريه ميه ميه كان اسمه نجوم اف ام برنامج ترفيهى وتبع الفن غيرت اسمه لمحطة بنات ويارب يعجب الجميع وياريت الناس تتابعه رأيك فى نفسك ايه ؟؟ زعلانه من نفسى جدا بس الحمد لله ع كل حال سيبك م دا كله هتعملى ايه لخطيبك انهاردة ع الفطار مش انا اللى هعمل لاننا هنفطر بره البيت والحمد لله علشان ميغيرش رأييه بس انتى عرفتى منين اننا هنفر سوا انهارده عادى خمنت ههههههههههههههههه عاوزه ضيف او ضيفة المره الللى جاية مين ؟؟ بنوته مصريه ميه ميه وبكدا اسئلتنا معاكى انتهت لكن كل ضيف بيكون ليه هديه شوفى هديتك وهى رمزية ومبروك يا عروسه ومتنسيش تعزمينا ع الفرح وربنا يسعدك يارب ويفرحك دايما ميرسى جدا هايدى بجد فكرة حلوة واللى يعرف فكرة البرنام ده لغز وبيتحل والله.. الله يبارك فيكى وبكدا انتهت حلقة انهاردة نورتونى بمشاهدتكم ونورتنى رانسى استنونى المره اللى جايه مع عضوه جديده وهى بنوته مصريه ميه ميه لكن سؤالنا ايه رأيكم فى العضوة رانسى ؟؟

[BaAnoOta]

جميلـه جدا فكرة البرنآمج هايدي .. تسلمي
والضيفه كانت خفيفه واجابتها جميله
وربنا يتمملك علي خير ي عروسة ونفرح بيكي قريب
ف انتظار هآيدي بقي

[O.o°•حكــاياتـ كتيــر O.o°•]

ردى على السؤال مع انى كاتبة الموضوع

هوه رأيى انها تقرب من ربنا اكتر من كدا

وتخلى حلمها نجاحها فى أى حااجه

هيا كويسه وطيبه جدا وطيبتها ديه هيا اللى بتضيعها

انا معرفهاش لكن من خلال قرأتى لمواضيعها عرفت عنها حاجات كتير ..

ربنا يسعدها

[O.o°•حكــاياتـ كتيــر O.o°•]

نغم ... مرورك اجمل اكيـــــــــــد

نورتينى

[مُنـــــايا]

رانسي من الشخصيات الجميلة في المنتدي
معروفه بروحها الجميلة والطيبه الصادقة
ربنا يتمم ليكي بخير حبيبتي
ويسعدكل أيامك
وكل عام وأنتي بخير

موضوعك جميل هايدي
يدومالتميز حبيبتي
لروحكم السعادة

[♥○ moOoOoOna ♥○]

مبروووووووك وربنا يتمملها بخير

انا رأيى فيها انها عسولة بس فعلاً محتاجة تقرب من ربنا اولاً

ثانياً تخلى بالها من نفسها وتبعد عن اى حاجة تحس انها غلط

عشان انا حاسة ان المفروض حد يفهمها دا

وربنا معاها ويوفقها

حلو البرنامج واحلى حاجة فيه ان كل الاسئلة بتدور حوالين حياة العضو نفسه

يعنى هتختلف من عضو لعضو

تسلمى يا دودى

[ParoOo]

انا الضيفه اللى جاايه هههههههههههههه

الف مبروك رانسى

فكره جميلة هايدى

رانسى كويسه ومحتاجة تركز فى اختيارها للناس كويس

[BaAnOtA 7eKayaa]

تسلمو لنصايحكم يا جمااعه ^ ^

ميرسى ع الهديه الجميله ديه هايدى

منتظره هايدى

[واد حبيب]

حلقه جميله جدااا
رانسي من الناس اللي بعزهم اوي
ان شاء الله حياتها هتكون افضل
في انتظار ام لسان طويل بنوته مصريه ههههه
تقبلو تحياتي

[ParoOo]

دى انا ديه يا سى محمد >_<

ومغيرتش رمزيتك ليه