( بقى دا كلام 5 ) مع ( BaAnoOta )

[morshooo]

بسم الله الرحمن الرحيم

مزاج الخير

اهلا بيكم جميعا

والحلقه الاولى من

( بقى دا كلام 5 )




البدايه

انا عامل توبيك جديد اسمه
( الحق ما يزعلش )
بستضيف عضو والمفروض انه يقول رئيه فيكم
وهيكون ليكم حق الرد .

دى كانت رساله بعتها لجميع الضحايا
وكان ردهم

تمام موافقين .




تعالو نشوف ياترى

BaAnoOta

اتعمل معاها ايه



ودلوقتى تعالو نشوف

اول رساله كانت عبارة عن ايه

بصى دا كان رد الضيف لما سئلته عنك .

ودلوقتى من حقك تقول رئيك فى العضوة رقم

2

وهى


BaAnoOta

ها ايه انطباعك عنها وياترى شايف ان وجودها افاد المنتدى ام لا حتى الان ؟

طيب معلش انا بس عايز اعرف منها كام حاجا بسيطه وبعديها
هحكم عليها بشكل افضل مع انى متابعها بشكل كبير .




بعتلها ان الضيف بعتلك 3 اسئله عشان من خلال اجابتك
هيقول رئيه فيكى وفعلا بعتلها الـ 3 اسئله دى وجاوبت عليهم

1 / انتى بتحبى تكونى مشهورة او معروفه فى وسط اصدقائك ؟

مش فاهمه السؤال كويس ، بس عمتا لاء

2 / ايه اكتر حاجا ماتقدريش تستغنى عنها ؟

اي حاجه عندي ليها ذكري او موقف معين ف انا بحتفظ بيها ومستحيل استغني عنها ..

3 / حاولتى قبل كدا انك تكذبى عشان تمشى أمورك فى موقف ما ؟

انا جريئة جدا ونقطة الكدب دي ملغيه من عندي





بعد ما جوبت على الاسئله
اقنعتها ان رد الضيف عليكى
ومن حقك انك توافقى على كلامه او تعترضى عليه
وطبعا بعتلها ان دا كان رد الضيف عليكى

تمام فى البدايه انا شايف انها عضوة نشيطه
اسلوبه كويس فى المنتدى تابعت كام رد ليها كويسين جدا
لكن .
مواضيعها بتتميز انها منقوله من منتديات اخرى
مممممم مالهاش اسلوب بيها خاص ودا هيكون ضدها
ياريت تبطل تنقل مواضيع ومن اابتها علىالكام سؤل
واضح انها حابه تكون شخصيه مشهورة فياريت
تتسم بالتواضع فى البدايه عشان توصل .

ودا كان رد ( بنوته ) على كلام الضيف

ربنا يخليه ايا كان مين علي السطرين الاولنيين ..
آنا منكرش اني مواضيعي كلها مش اغلبها منقولة وهو عنده حق جدا ،
بس ف نفس الوقت انا معنديش ملكة الكتابه ومش شرط اني بنقل
مواضيع ان ميكونش ليا اسلوب !
ازاي بقا ، هيآ مش في حاجه اسمها انتقاء المواضيع
تقدر تعتبر ده اسلوب واسلوب انا شيفاه مميز كمان
امممم طب عمتا هو يقصد بالاجابات دي قسم النقاش اكيد
طب هو اسمه نقاش يعني بيطرح فيه قضيه وانت عليك بتعبر
عنها بطريقتك الخاصه
ومش ذمبي يعني اني طريقتي بتتفهم بمعني تاني
وبعدين انا معتبره نفسي وصلت خلاص وبقيت من اصحاب النفوذ والسلطه
ف النهايه بقا احب اقوله ، للاسف حضرتك متعرفنيش نهائيا قطعيا




بعد ما بعتتلى الكلام دا
اقنعتها ان الضيف شاف كلامك
وبعتلى الرد دا ولازم تردى عليه .

طيب مع احترامى ليها انا بعترض على اسلوبها فى الرد
والسخريه الى فى كلامها واستخدامها ايموشنات باشكل دا
بس انتى بنفسك قولتى انك مواضيعك منقوله ودا انتصار لكلامى
فياريت بقا لما تنقلى حاجا تقولى يعنى ماتقلقيش
هتبقى نجمه فى المنتدى كمان يومين تلاته مادا عيب
المنتدى انه بيخلى اعضاء نجوم من مفيش اخر حاجا بس
احب اقولها لو انتى حابه النقاش ياريت تتابعى الاعضاء
الى بتناقش وتتعلمى منهم اى حاجا وخلاص كدا يا موشو
دا اخر رد ليه وفى انتظار اخر رد ليها
عشان نخلص من العضوة دى .

وبعتلها الرد دا وبعتلها
ان من حقك تردى عليه ودى هتكون
اخر مره تردى عليه فيها

طب ايه لازمة بقي التعصيب ..
طب انا مش شايفه اي سخرية ف كلامي انا بس اعترضت علي نقطة
معينه من كلامه ولو حضرته بيعتبرها سخرية دي حاجه هو حر فيها ..
انتصار لكلامك ايه حضرتك احنا ف ارض معركه وانا مش عارفة !
والله مش محتاجه اني اكتب كلمة منقول علي الموضوع لاني شكل حضرتك اللي نسيت
اني ف اقسام معينه لقلم العضو واقسام للمنقول ! واعتقد اني مغشتكمش وحطيت حاجه
منقولة او مقتبسه لقسم حصري بقلم العضو دي حاجه ..

وحاضر هتابع الاعضاء اللي بتعرف تناقش شكرا ع الافته العميقه دي
وللعلم انا منكرش اني بستفاد منهم

وبعدين ايه نخلص من العضوة دي والكلام اللي يزعل ده ، يعني لو الكلام هيوصل
بينا لكده يبقا مبقاش برنامج ف منتدي كده يبقا عدم احترام ليا لاني انا مغلطش
ولا اساءت ليه




المفروض انها مستنينه تعرف مين الضيف
بس بعتها رد تانى وقولتها معلش
شوفى كلام الضيف كدا عليكى .

طيب معلش لو سمحت دا اخر رد قبل ماتعرف انا مين
شوفت الاستهزاء لما تقول هو حر فيها
الى اعرفه ان العضوة دى عندها اقل من 17 سنه
وانا عندى 20 سنه يعنى لازم يكون فى احترام اكتر من كدا
احنا فى منتدى محترم مش فى الشارع يا احمد
وانا مغلطش مش عشان انا صريح يبقا اتهزء من عضوة جديدة
يعنى لو عضوة معروفه وبقالها سنين ماشى معنديش مشكله
وبعدين انا عايز اعرف منها حاجا ليه اختارت اسم ( بنوته )
هى مكسوفه تدخل بسمه المندى والا ايه يعنى عموما دا اخر رد
وهستنى ردها على كلامى خاصه جزء الاستهزاء بالاعضاء
وياري ترد فى اسرع وقت الاعضاء كلهم ردو الا هى من امبارح
على الموال دا ومش مستاهل اصلا .

دا اخر رد ليه فردى
وهبعتلك هو مين وتشوفى حابه انزل التوبيك
فيه اسمك والا لا عشان الموضوع شكله هيقلب بجد

هو انا استهزئت باعضاء وانا مش واخده بالي !
ولا هوه بيفصل ويقيس الكلام علي مزاجه ؟
انا عيزاه يوريني فين انا استهزئت باعضاء والكلام اللي هو بيقوله ده ..
وانا مهزئتوش وكويس ان انت نقطة الوصل اللي بيني وبينه وكل كلامي
هو رد علي كلامه مش اكتر ..

ومش بالسن خالص علي فكرة ولو بالسن انا ابقي اكبر منك بسنه ي فندم

وانا عارفة انا انا ف منتدي محترم مش ف شارع يعني مش محتاجه انه يقولي ..
واظن اني معملتش حاجه لكل كلامه ده

وبعدين انا حره ف اختيار الاسم يعني وياريت منغيرش حوارنا عشان الموضوع
شكله خد اكبر من حجمه

واصلا واضح مين اللي بيستهزئ ومين اللي مفكر اننا ف شارع مش ف منتدي |..

وبس





ودلوقتى كانت دى اخر رساله
تعاول نشوف بعتلها ايه

طيب انتى كمان بتقولى انك اكبر منى
عموما اوك براحتك ولما الحلقه تنزل الاعضاء هتحكم مين فينا
بيستهزء بالتانى عموما انا اسمى فى المنتدى







morshooo
ودا مقلب صغير كدا
عشان اكون علمت عليكى ها ايه رئيك
وتحبى تقولى ايه لاعضاء المنتدى .


مآشي ي مورشو هعدهالك المرة دي رآفة بيك بس
امآ عن ردةة فعلي
هديك نبذة مختصرة عن احساسي وقت ما تيجي رسالتك ..



بس انا بشيد بقدرتك الهايله ف التمثيل .. انت خسارة ف المنتدي وربنا

مع اني نبيهه وافهم ف الكوفت بس دخلت عليا
المهم البرنامج ده هيتذاع امتي عشان الم العائلة الكريمه وافرجهم




اهو اتذاع الحمد لله

لمى العائله بقا وهيصى

وبكدا بتخلص الحلقه الاولى

ياترى مين الضيف الى اتعمل فيه المقلب دا وهنشوفه الحلقه الجايه ؟

[واد حبيب]

قريب شكلك كده هتموت مقتول
حلقه حلوه والضيفه طيبه اوي
روح يا مروشو وتعالي بسرعه

[اميرة الحب الضائع]

فصلتنى وربونا بجد فعلا ممثل رائع زى ما بنوته قالت

انت خصاره فى البلد ده

[محمود الصاروخ]

مش قولتلك بدأت اراجع الافكار من جديد ؟؟؟

[ويبقى الأثر]

بنوته
بتفهمى فى الكوفت وجيتى عند مورشو مفهمتيش
شكله عاملك سحر
هههههه معلش ياقمر كلنا لها
ومورشو ربنا يقدره ع فعل الخير بقا
حلقه جميله

[انجي_1]

حلو الشغل
استمروا

[دمعه حائره]

ههههه كم انت مفترى ايها المرشد
معلش يابنتى اللى يكون فى عونك

[الملكة كيلوباترا]

ههههههههههههههههههه
حرام عليك
بس مقلب جامد جدا
ومنتظرين الضيف الجديد فى الحلقة اللى جاية

[همس الحنين]

بالامانه انت مستفز يا مورشو

معلش يا بنوته فاهمه كل حاجه وعندى مورشو وفصلتى هههه

لا بس عجبنى انك برضو كنتى هاديه

ربنا يعينك على المقالب يا مورشو

تعيشى بقا وتاخدى غيرها بنوته

[شاعرة الرومانسيه]

مستفز من يومك يامرشو

حبيبتى يانغم هههههههههههه

تعيشى وتاخدى غيرها