دمعه حائره في رمضان

[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم حواء في رمضان يشرفني ان تكون ضيفه فيه وعليكم السلام كل عام وانتى بخير ايمى وبنعاد عليكى الايام بالخير يارب واسرتك شكرا على الدعوة الجميله كيف تستعدي لاستقبال الشهر الكريم ؟ فيه حاجات خاصه بالبيت الاول طلبات وترتيب يعنى نشوف ناقص ونشتريه لان بتكتر العزومات ومابقدرش اخرج كتير فى رمضان كمان بحب اوى اشترى فانوس وحاجات مرتبطه برمضان سواء مفارش او ادوات للمطبخ ده غير استعدادى انا النفسى وبحاول مايكونش عندى اى التزامات متأخره عشان افضى للصلاة والقرآن شهر رمضان شهر مختلف عن باقي الشهور فماذا يعني لكِ رمضان ؟ شهر العبادة والصفاء النفسى وده من احب الشهور لقلبى برتاح فيه جدا واى تعب صحيا او نفسيا الحمدلله بيروح ده غير صلة الرحم وزياره الاهل فيه باختصار فيه نفحات ايمانية بتميزة ما هي مظاهر رمضان في بيتك و مدينتك ككل ؟ فى الشارع كتير تلاقى الزينة والفوانيس والسهر للصبح المدينه مش بيناموا تقريبا لانها تجارية وبيجيلها زوار من كل حته فيه كمان ميدان السيد البدوى هو شبه اوى الحسين بكل مافيه من طقوس وروحانيات المسحراتى لسه موجود حتى لو مش بيصحى حد بس مانقدرش نستغنى عن وجوده والاغانى بتاعته صلاه التراويح اللى بتجمع اهل الحى مع بعض ويمكن مش بيتقابلوا غير من السنه للسنه زيارات وسهرات رمضانيه بتنظمها الكافيهاات والنادى يعنى شهر مبهج ما الشيء المميز جدًا بكِ في رمضان؟ بتألق فى المطبخ واطلع مواهبى هههههه بحب اعمل اكلات جديدة وتلاقينى طول الوقت ادور فى النت والقنوات والحمد لله بحافظ على الصلاة والقرآن يومك الرمضاني كيف يكون ؟ بصحى الضهر تقريبا اصلى واقرأ قرآن واشوف هاجهز ايه للاكل وبنتجمع كلنا سواعلى الفطار وبعد التروايح ممكن اتفرج على مسلسل او اخرج شويه والنوم طبعا الصبح موقف حدث معكِ في رمضان ولن تنسيه ؟ مش متذكرة موقف معين بس ممكن تجيلى عزومة قبل الفطار بساعتين مثلا وده بيحصل كتير ربنا يخليه بابا بقى واحس بتوتر واشتغل بسرعه بس ربنا بيسترها ونكفى الناس ومره كنت راجعه من اسكندرية والمغرب اذن علينا فى الطريق بس لما رجعنا لقينا الفطار جاهز من واحده قريبتى فرحت اوى هههه رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحبي و المشروبات والحلويات ؟ الحمد لله بعرف اعمل كل الاكلات بس بفضل المشويات والمحاشي اكتر طواجن فى الفرن وكده انماالحلويات لازم كنافه وقطايف ولقمه القاضى لازم حاجه منهم كل يوم واى نوع عصير بقى هل تدخلي المطبخ في رمضان وان دخلتي ماذا تفعلي ؟ ههههه زى ماتفعليه بالظبط وقدرى اللى مش عارفه اهرب منه لابجد بستمتع جدا فى المطبخ وانا مطبخى منظم ومريح فيه كل حاجه الحمد لله بتساعدنى متى أخر مرة ملكتي فانوس رمضان ومن أهداه لكِ ؟ آخر فانوس لسه جايلى امبارح نور راحت اشترته بنفسها فانوس كبير للبيت هل تتابعي المسلسلات التي تعرض في رمضان ؟ ممكن مسلسل او اتنين بالكتير وبختاره حسب الفنان يعنى عادل امام اواحمد مكى بس اتمنى يكون فيه مسلسل دينى هانسفيد منه اكتر ما رأيك فيما يقدمه التليفزيون الآن في رمضان ؟ حشو وتضيع وقت الناس لكن انا بحب اتابع البرامج الدينيه وخصوصا عبله الكحلاوى ودعاء عامر بستفيد جدا منهم ما هو المسلسل أو البرنامج الذي يذكرك دائما برمضان قديمًا ؟ بكار وبوجى وطمطم بيفكرونى وانا صغيره كيف تستعدي لاستقبال العيد ؟ بنزل اشترى لبس وكحك العيد مابقناش نعمله فى البيت زى ايام تيته وبحب اشترى ورد جديد واغير مفارش الصالون ههههه ما هي مظاهر العيد في مدينتك ؟ زحمة اوى وخصوصا فى الملاهى والمولات مش بعرف اخرج فيها لكن بسافر هل تشتري ملابس للعيد الى الان ؟ مش مرتبط لبسي انا بالعيد لانى بشترى فى اى وقت انما الاطفال لازم يجيلهم لبس جديد هل تأخذي عيدية ام تعطي؟ ههههه انا باخد عيديه لسه وبنتخانق عليها كمان بس بهزار الكحك و البسكوت واخواتهم من مظاهر العيد عند الجميع هل تصنعيه في البيت ام تشتريه وماذا تفضلي ؟ لحد وقت قريب كنا بنعملوا فى البيت مع العيله وكده لكن خلاص بنشترى جاهز موقف حدث معكِ في العيد ولن تنسيه ؟ كان وقت بابا فى عمرة ومحضرش العيد معانا عدى العيد كأنه يوم عادى خالص ولاحتى خرجنا فيه وكان اسوأ عيد كلمة لاعضاء منتدى بنات مصر؟ كل عام وانتم بخيرويارب دايما متجمعين على المحبه والاحترام واهتموا اوى بالعبادة فى الشهر ده وعلى طول لان الدنيا قصيرة اوى ومش هايبقا لينا الا العمل الصالح الى هنا تنتهي حلقتنا شكرًا لكِ نورتي الحلقة وكل عام وانتِ بخير هدية بسيطه من البرنامج يارب تعجبك تحياتي

[دمعه حائره]

شكرا ايمى على الاستضافه والتنسيق الجميل
استمتعت جدا بالاسئله وافتكرت حاجات جميله
كل عام والجميع بخير

[همس الحنين]

جميله اوى الحلقه يا ايمان

مجهود رائع كالعاده منكِ

منه

جميله انتِ فى ردودك حبيبتى

وربنا يجعل ايامك كلها سعاده واعياد يارب

مبارك عليكم الشهر

[كريم عاصم]

حلقة جميلة ومميزة وضيفة روحها خفيف أسئلة وإجابات واقية تسلم ايدك على المجهود إيمان

[شاعرة الرومانسيه]

تسلمى ايميى على برنامجك الراقى فى رمضان

منوره منون حبيبتى

كل سنه وانتم طيبين

[أميرة محمود]

اجابات عسولة منة
عجبتينى اوى انك تتخانقي على العدية وتاخدى حقك
الحق حق بردوا هههههههه
و بجد عجبنى اوى انك بتشتري ورد في العيد أجمل مناسبة فعلا للورد
استضافة جميلة ايمي
دمتما بخير

[دمعه حائره]

اقتباس المشاركة الأصلية كتبت بواسطة ღهمس الحنينღ جميله اوى الحلقه يا ايمان مجهود رائع كالعاده منكِ منه جميله انتِ فى ردودك حبيبتى وربنا يجعل ايامك كلها سعاده واعياد يارب مبارك عليكم الشهر

آمين يارب ولكى المثل
نورتى بسنت حبيبتى

[دمعه حائره]

اقتباس المشاركة الأصلية كتبت بواسطة كريم عاصم حلقة جميلة ومميزة وضيفة روحها خفيف أسئلة وإجابات واقية تسلم ايدك على المجهود إيمان

تسلم اخى شكرا على التواجد الجميل
كل عام وانت بخير

[دمعه حائره]

اقتباس المشاركة الأصلية كتبت بواسطة شاعرة الرومانسيه تسلمى ايميى على برنامجك الراقى فى رمضان منوره منون حبيبتى كل سنه وانتم طيبين

وانتى طيبة حبيبتى نورتينى ياقمر

[دمعه حائره]

اقتباس المشاركة الأصلية كتبت بواسطة أميرة محمود اجابات عسولة منة عجبتينى اوى انك تتخانقي على العدية وتاخدى حقك الحق حق بردوا هههههههه و بجد عجبنى اوى انك بتشتري ورد في العيد أجمل مناسبة فعلا للورد استضافة جميلة ايمي دمتما بخير

ههههههه طبعا يامرمر دى العيدية
اهم من العيد
كل سنه وانتى طيبة حبيبتى