احساسي صحيح في رمضان

[ايمان طلعت]

السلام عليكم ورحمة الله وبركاته كل عام وانت بخير بعمل برنامج بمناسبة الشهر الكريم ادم في رمضان يشرفني ان تكون ضيف فيه وعليكم السلام ورحمة الله وبركاته وانتى بألف خير اول شىء اشكرك ايمو لأستضافتى فى البرنامج اللذيذ ده ويسعدنى ويشرفنى اكون احد ضيوفك فى الشهر الكريم كيف تستعد لاستقبال الشهر الكريم ؟ يمكن اهم إستعداد بالنسبالى انى احاول اقسم الوقت وأوفقه ليتلائم مع الشهر الكريم لأن شهر رمضان شهر بيختلف اكيد شهر رمضان شهر مختلف عن باقي الشهور فماذا يعني لك رمضان ؟ بصراحة شهر رمضان بيغير فى نفسيتنا كتير وبيخلينا نقاوم كتير أشياء بتقابلنا طول السنة ممكن إننا منقدرش نتحكم فى نفسنا فيها اكيد يعنى لى الكثير حقيقة انا بأشعر فيه إنى إنسان مختلف كليا من كل الوجوه ما هي مظاهر رمضان في بيتك و مدينتك ككل ؟ اكيد اهم المظاهر هو لمة العائلة فى اول يوم والزيارات طول العام والعزومات واول يوم دا يمكن بستناه من السنة للسنة نظرا لتغير الظروف والحياة ومشاغل الناس فأكيد دا احسن فرصة لتلاقى كل افراد العائلة بالنسبة للمدينة اكيد اول حاجه بتشعرنى بشهر رمضان هو الزينه والفوانيس العملاقة التى يتم وضعها فى الميادين والشوارع العامة ولو انى هذا العام ملاحظ انها قلت جدا عن ذى قبل ولم اشعر برمضان مثل قبل ما الشيء المميز جدًا بك في رمضان؟ الشىء المميز اكيد الشعور نفسة بروحانية الشهر الكريم والاختلاف الكلى فى كل عاداته وممارساته اليومية لأى مسلم زى المواظبة على ختم القرآن ولو مرة واحدة فى الشهر صلاة القيام وصلاة الفجر بالنسبالى شخصيا بالاضافة للاشياء إللى ذكرتها هو لمة الاصدقاء والمشاركة فى الدورات الرمضانية فى لعبة كرة القدم يومك الرمضاني كيف يكون ؟ هو رمضان بالنسبالى بيبدأ من يوم وقفة الشهر المعظم لأنه اول يوم لصلاة التراويح ومن بعدها السهر بعض الوقت لقراءة القرآن ومن ثم التجمع مع الاصدقاء ومن ثم نصلى الفجر ومن بعدها النوم وفى اول يوم اكيد المعتاد بعد صلاة الظهر الذهاب للعمل والعودة للبيت بعد صلاة العصر وقراءة جزء او جزئين من القرآن ومن بعدها بعض الراحه إستعدادا لموعد الافطار بعد الافطار بصلى المغرب ومن بعدها العشاء والتراويح ومن بعد التراويح اكيد بأذهب مع أصدقائىى لممارسة كرة القدم حتى الساعة الثانية عشره تقريبا والسحور حوالى من الساعه 1 وبعدها ممكن النت طبعا إلى قبل الفجر بشوية قراءة جزء من القرآن إلى حين صلاة الفجر موقف حدث معك في رمضان ولن تنساه ؟ اتذكر كان عندى 7 سنوات تقريبا وكنت بلعب مع اصحابى وقت العصر تقريبا وكان الجو حار جدا جدا وشعرت بجفاف فى حلقى وعطش رهيب لم اتحمله فذهبت من خلف اهلى ودخلت المطبخ واخذت زجاجة مياه ساقعه وإختبأت ووضعتها على فمى مدة ربع ساعه دون ان اشرب ولو نقطة وظللت اقاوم اضعها وانزلها إلى ان خارت قواى ونزل الماء إلى حلقى فارتويت ولكن بعدها بلحظات ندمت ندم شديد ورغم صغر سنى فى هذا الوقت إلا إنى ما زلت ألوم نفسى حتى اليوم على تلك الفعله رمضان مشهور بالأكلات و العصائر والحلويات فما هي الأكله المميزة لرمضان في بيتك وأي من الأكلات تحب و المشروبات والحلويات ؟ هو رمضان اميز شهر فى تنوع المآكولات عموما ولكن اميز الاكلات الطواجن طبعا أموت انا هههههه والصوانى طبعا بكل انواعها الحلويات بحب اوى الكنافه والقطايف والمكسرات عندى شىء اساسى والعصاير قمر الدين والبرتقال وتمر الهندى دا انا بعشقه هل تدخل المطبخ في رمضان وان دخلت ماذا تفعل ؟ لما كنت مسافر فى الخارج اهـ اكيد كنت بعمل انواع اكل كتير جدا هو فى آكلات سهله كتير بالنسبالى زى عمل الرز او المكرونة وطبعا بعرف اسلق لحمه واعمل خضار مشكل وكنت بشتريه جاهز من السوبر ماركت واتعلمت السمبوسه هناك ولما رجعت مصر علمتها لأختى ومن يومها بتدعى عليا لأنى طبعا مبهدلها كل شوية سمبوسه هههههه اذكر أكلة مميزة أعددتها بنفسك و طريقتها ان أمكن ؟ ممكن اقول على السمبوسة بسرعه كده .. طبعا ممكن تتعمل بعجنتين مختلفتين على حسب المتوفر العجينه بتاعة السمبوسة بتيجى جاهزة من السوبر ماركت او ممكن تتعمل بالجلاش ودا الجديد بقا نجيب اللحمه المفرومه على حسب عدد العائله بيكون الكمية لو مثلا نص كيلو مفروم معلقة ملح صغيره ومعلقة بهارات لحمة وبصل مفروم وفلفل اسود رشه بسيطه ونقلبهم مع بعض كويس وبعدين نقطع العجينه او الجلاش مثلثات صغيره ونحشيهم فى العجينه ونحمرهم فى زيت زيتون بدرجة حرارة متوسطة إلى حين تاخد اللون الذهبى ونطلعها وبعدها نرش عليها كسبره خضره وبالهنا والشفا كان معكم من قلب الاحداث الشيف شربينى ^^ اوعوا حد يضحك عليا انا بقولكم اهو متى أخر مرة ملكت فانوس رمضان ومن أهداه لك ؟ اول فانوس كان عندى وقتها حوالى 5 سنوات وكان اللى جابه والدى الله يرحمه وفرحت بيه اوى كان جميل جدا وكانت سعادتى لا توصف وقتها اخر واحد مش متذكر الحقيقة نظرات الاعجاب هل تتابع المسلسلات التي تعرض في رمضان ؟ الحقيقة بقالى حوالى 3 سنين مش بتابعها بشغف زى زمان بسبب انها اصبحت اغلبها نمط واحد وبتقدم مجتمع واحد وهو مجتمع الرقاصات والمسجلين خطر وكأن مصر ليس فيها سوى تلك الفئه زمان كان فيه مسلسلات المخابر ات وكنت اعشقها وانتظرها ومسلسلات يحيى الفخرانى كانت بتعبر عن الاسرة المصرية لحد عندنا ما رأيك فيما يقدمه التليفزيون الآن في رمضان ؟ زى ما ذكرت فى ردى السابق اغلبه تهليس ولا يوجد به اى متعه او قيمة ما هو المسلسل أو البرنامج الذي يذكرك دائما برمضان قديمًا ؟ كان فيه برامج جميلة قديما ومسلسلات كثيره لا اتذكر اغلبها ولكن ممكن مسلسلات يحى الفخرانى ونور الشريف كانت بتشدنى اكتر كيف تستعد لاستقبال العيد ؟ زى اغلب الناس والمعضلة الازلية هقضية فين والاغلب بروح المصيف بيكون الجو ممتاز وملائم اول يوم طبعا بيكون فى البيت والمعايدات وتانى يوم بسافر لاحد الشواطىء المصرية ما هي مظاهر العيد في مدينتك ؟ متختلفش كتير عن باقى المدن المصرية لان طباع الشعب المصرى ككل واحده اكيد صلاة العيد دا شىء مقدس والفطار سويا مع العائله دى عادة عندنا وطبعا الكحك دا شىء اساسى وطبعا ادفع بقا عيديات هل تشتري ملابس للعيد الى الان ؟ الحاجه الوحيده اللى لغاية دلوقت متغيرتش فيا وحاسس انى لسه صغير ولازم كل عيد اشترى طقم او اتنين دى حاجه او عاده لا تتغير بالتسبالى ابدا هل تأخذ عيدية ام تعطي؟ هههههه لا اكيد بعطى بس اكيد كبرنا بقا على العيديه ولو ان إعطاء عيديه بالنسبالى له نفس فرحة وانا صغير وباخد عيديه الكحك و البسكوت واخواتهم من مظاهر العيد عند الجميع هل تصنعه في البيت ام تشتريه وماذا تفضل ؟ لا لا عندنا فى العيله الصيجان وعمايل الكحك والكلانم ده لا غنى عنه نيفر نيفر بيت العيله قبل العيد بيومين بيكون عباره عن ملحمة للكحك والبسكوت والبيتى فور موقف حدث معك في العيد ولن تنساه ؟ المواقف كتير بس فى موقف مش بنساه وانا كنت تقريبا 6 سنين واول يوم فى العيد ولابس طقم جديد ونازل الشارع متقمع ومتلمع وفرحان بنفسى اوى وبعد نص ساعه بس رجعت لوالدتى وانا شكل الميكانيكى فـ طبعا اخدت الطريحه إللى هى ههههه كلمة لاعضاء منتدى بنات مصر؟ اقول للجميع كل سنة وهما طبيبين وينعاد عليهم الشهر الكريم بالخير والبركة وشكر خاص لكِ ايمو تحياتى الى هنا تنتهي حلقتنا شكرًا لك نورت الحلقة وكل عام وانت بخير هدية بسيطه من البرنامج يارب تعجبك انتظروني بكرة ان شاء الله وحلقة جديدة تحياتي

[Fatma eissa]

حلقه جميله وممتعة
مع احساس صحيح
وأجوبة جميله جدا
تسلم ايدك ياايمان
علي حلقه لأكتر من رائعه

[مُنـــــايا]

جميلة الحلقه إيمان
وضيف وشخصية جميلة الروح
أعاد الله عليكم الشهر الكريم بالخير واليُمن والبركات
كل عام وأنتم بخير

[اميرة الحب الضائع]

بجد برنامج روعه

اساله جميله جدا

والاجبات كانت اجمل

بالتوفيق يا قمر ومتابعه معاكى باقى الحلقات

[جبل عالي]

حلقه فعلا جميله ياايمي
وياسر شخصيه ملتزمه ومثقفه ومحترمه
استمتعنا بالروح الحلوة باستضافتك
وردود الراقي ياسر اعاده الله علينا وعليكم بكل الخير

[دمعه حائره]

ههههه ريحة السمبوسه جايه من اخر المنتدى
ايه الاستضافه اللذيذة المقرمشه دى
اجابات وذكريات جميله تسلموا
ياسر وايمى منورين وكل رمضان وانتم بخير
مش عارفه اللايك راح فين اعتبرونى عملت لايك بقى

[احساسى صحيح]

الف شكر لكى إيمان على الاستضافة المميزة
وسعيد بتواجدى واختيارك ليا
كل سنة وانتى بالف خير

[احساسى صحيح]

حلقه جميله وممتعة
مع احساس صحيح
وأجوبة جميله جدا
تسلم ايدك ياايمان
علي حلقه لأكتر من رائعه

الله يسلمك يا فاطمة
سعيد جدا
انك كنتى من الحاضرين
الف شكر لكى
وكل سنة وانتى طيبة

[احساسى صحيح]

جميلة الحلقه إيمان
وضيف وشخصية جميلة الروح
أعاد الله عليكم الشهر الكريم بالخير واليُمن والبركات
كل عام وأنتم بخير

الف شكر لكى اختى الكريمه منايا
اولا احب انى ارحب بيكى وبعودتك مرة تانية
لتمتعينا بخواطرك الجميلة
وسعدت جدا بتواجك بين المارين
كل سنة وانتى طيبة وبالف خير
شاكر مرورك الكريم

[احساسى صحيح]

بجد برنامج روعه

اساله جميله جدا

والاجبات كانت اجمل

بالتوفيق يا قمر ومتابعه معاكى باقى الحلقات



تسلمى اميرة
انا الاسعد لحضورك وردك المميز
يدوم مرورك الراقى
وكل سنة وانتى طيبة